Bahan PA Seksi Bapa GKPS (14 Juni 2026)
Nas : 1 Timotius 4:11-16
Tema : Tuhan Menantikan Pelayanan Kita
Tujuan : Agar Kaum Bapa melakukan Pelayanan di dalam Kesungguhan dan Kesetiaan
Pengantar
Hita haganupan, anggo iakui hita secara jujur, sedo na urah mandalani pardalanan ni goluh on. Terbatas do hagogohon, terbatas do hasehaton, terbatas do pambotoh. Adong do bani titik tertentu isadari hita bahwa hita aima jolma na galek, na mamorluhon hagogohon ase totap optimis ibagas na mandalani goluh on. Tuhan boi mampargogohi hita marhitei buei cara, termasuk ma homa marhitei halak na legan. Kehadiranni halak na legan boi do ai menopang janah mampargogohi hita. Kehadiran ni sesama aima bentuk holongni Naibata hubanta, tanda iurupi Tuhan in do hita age marhitei halak na legan. Adong do panorang au na mamorluhon hagogohon, tapi adong do homa panorangni au ma hiteini Tuhan laho mampargogohi halak na legan. Sai na sonai ma namin idalanhon hita pargoluhan on, halani hita aima makhluk sosial janah halak na porsaya na maningon torus pataridahkon holongni Naibata janah patuduhkon goluh na sirsir mangidangi.
Penjelasan
1 Timotius 4:11-16 on aima surat pastoral humbani Paulus na isuratkon hubani anak rohani ni aima si Timotius. Paulus manghasiholhon ase Timotius totap semangat, totap ma margogoh laho mambaritahon pasal hatani Tuhan age pe ibagas haposoonni. Paulus ma na gabe hitei ni Tuhan laho mambere motivasi hubani Timotius bani pangidangionni. Bani panorang ai, Timotius iperhadapkon pakon parpodah na kahou, na boi mangagou haporsayaonni pakon halak na porsaya. Anggo ibasa hita ayat 1-2, takkas do isobut parpodah na kahou ai aima na mambalosi tonduy sipangoto-otoi ampa podah-podah ni sibolis, marhitei hasipakulahkulahon ni sihataon ladung. Ilarang sidea do marhajabuan anjaha iparentahkon mangorom sipanganon (ay. 3), hape sagala na jinadihon ni Naibata dear do janah seng pantang, anggo marhasoman tarima kasih na jalo ai, halani pansing do ai marhitei hatani Naibata ampa tonggo (ay. 4-5). Hata motivasi on ma na ihasiholhon itongah-tongahni keadaan ai ase margogoh ia laho mangajarhon pasal hasintongan Hata ni Naibata. Apalagi bani panorang ai, Timotius ibagas haposoonni pastini mamorluhon bahat bimbingan sonai age topangan ase boi ia mangidangi ibagas na dear, ase ulang adong na marmapas ni uhur mangidahsi. Suruhan ni Paulus na manghatahon “In ma titahkon anjaha ajarhon” na martujuan laho pagolpahon Timotius ase ulang pasif, tapi totap ma aktif mangajarhon hasintongan aima Ambilan Na Madear in age bahat do homa tantanganni. Ra do halani hamaholon pakon dinamika ibagas pangidangionni, mundur ia humbani tugas pakon tanggungjawabni mambaritahon pasal Jesus. Tapi surat na ipadas Paulus on mambahen toguh use hadirionni, hot ma haporsayaonni, janah mulak ma use semangatni laho mambobai kuria in lambin gogoh ibagas Tuhan. Sonai ma homa age hubani nasiam bapa, age aha pe na gabe profesi sonai age keadaan nasiam, sada pe lang adong na boi marmapas ni uhur mangidah nasiam, halani teruji do integritas pakon hasatiaan nasiam ibagas hata, parlahou, holong ni uhur, haporsayaon age hapormanon.
Refleksi
- Mangidangi lang pitah horjani pandita, penginjil, sintua, syamas, pakon pengurus gereja na legan. Haganupan halak na porsaya, termasuk nasiam bapa pe idilo do laho mangidangi Tuhan ija pe nasiam marianan. Tontu na mangidangi on lang ibatasi pitah bani kegiatan gerejawi, tapi goluh na mangidangi aima goluh na sirsir manghorjahon harosuhni Tuhan in.
Gabe siusihon ma haganupan bapa bani halak na porsaya, ibagas hata, parlahou, holong ni uhur, haporsayaon age hapormanon. Nunuti ma mambasa ampa manangihon Hata ni Tuhan in, podahi janah ajari ma haganupan niombah in ase marhabiaran hubani Tuhan. Amen
About the Author
