RENUNGAN PA BAPA
Tanggal : 24 Mei 2026
Teks : Kolose 2:6-7
Thema : Persekutuan harus bertumbuh di dalam Kristus
Tujuan : Agar kaum bapa tetap hidup dan bertumbuh dan membangun mengembangkan persekuituan di dalam Kristus.
Anggo manuan bauh-buahan ma sahalak bapa, aha do iarapkonni humbani na isuanni ai? Misalni anggo ia manuan mangga atap untei aha do na iarapkonni? Tontu na iarapkonni atap na ipaimani aima untei ai jenges janah marbuah na ramos.
Nasiam bapa, tontu ase jenges partubuhni buah-buahan ai adong do piga-piga hal na porlu ipardiatei hita. Misalni perawatan, pemupukan, penyemprotan pakon na legan. Ase jenges sada-sada suan-suanan tontu maningon jenges do homa bulungni, batangni, tarlobih uratni. Anggo maseda urat tontu maseda do homa batangni pakon bulungni. Anggo maseda ma bulung pakon batang, tontu lang maksimal be buah na iarapkon hita ai. Halani ai maningon jenges do irawat hita suan-suanan ai, misalni tanohni, pupukni pakon na legan.
Suang sonai do homa haporsayaonta halak Kristen on, maningon jenges do pertumbuan ni imanta ai. Tontu ase jenges pertumbuhan iman ai maningon do homa irawat hita imanta ai. Lang boi pitah sonin-sonin tumang. Usih songon suan-suanon nongkan ai, tontu iarapkon do buah na madear humbanta. Tontu lang mungkin roh buah na madear anggo lang irawat hita imanta ai. Songon na ihatahon bani ayat 7 bani renunganta on, nini marurat anjaha ipauli-uli ibagas nasiam.
Nasiam bapa hinaholongan,
Mase nani itegashon Paulus pasal pertumbuhan iman hubani kuria Kolose? Halani kuria ai iperhadapkon humbani ajaran-ajaran na boi pakahouhon haporsayaon ni sidea. Halani adong bani panorang ijia ajaran-ajaran na boi mengganggu iman ni sidea. Anggo ibasa hita ayat 8 jelas isobut adong na mangajarhon hapentaran dunia, sipaoto-oto na lumei, tonah-tonah dunia on pakon unsur-unsur dunia on. Dong homa mangajarhon pasal mamantangkon sipanganon. Haganupan in boi tumang mambahen tergagnggu haporsayaon ni sidea. Halani ai nini Paulus maningon toguh do haporsayaon nis idea janah maningon jonam marurat ibagas Yesus kristus. Anggo domma marurat jenges aha pe na terjadi boi ma sidea focus manombah Tuhan Yesus.
Marhitei ambilan on adong piga-piga na gabe renungan banta, Aima:
- Marurat ibagas Ia
Goluhta on maningon do hape torus berhubungan pakon Tuhan Yessus. Maningon marurat anjaha ipauli-uli ibagas Ia. Boi ibayangkon hita anggo sada suan-suanan na lang dong akarni janah tanoh pe lang dong gabe iananni tubuh, pasti ma suan-suanan ai matei. Suang sonai do hita halak na porsaya on. Urat ta ai (baca Iman) maningon do totap berhubungan pakon tanoh (baca Tuhan Yesus) ase boi manggoluh. Goluhta ai pe homa sedo asal goluh-goluh, tapi goluh na sehat, mombur dobni marbuah na ramos. Halani ai porlu ipauli-uli aima marhitei sir-sir hu partonggoan, huparmingguan pakon horja-horja itongah-tongah kuria in. Secara pribadi pe homa porlu do adong waktu untuk bersekutu pakon Tuhan in, misalni marhitei doa pribadi, merenungkon firman Tuhan pakon na legan. Anggo domma sonai lambin boi ma itandai hita rencana pakon harosuh ni Tuhan bani goluhta on. Dobni gabe sipartarimakasih ma hita bani goluhta on. Halak sipartarimakasih bani goluhni pasti ma jadi pelaku firman lang pitah sipanangi nagi be. Halani pas songon suan-suanan nogkan ai, buahni ai lang pitah hubani tapi buahni ai boi ma inikmati halak na legan. Sai sonaima hita seksi bapa on sai lambin boi ma hita gabe berkat bani nhalak na legan.
- Manjalo pakon Marparlahaou ibagas Ia
Nasiam bapa hinaholongan, sipata bahat do na boi mengganggu haporsayaonta, misalni halani kegagalanta, panahit, ekonomi na susah pakon na legan. Halani ai ra do urah hita tertarik bani ajaran-ajaran nab oi bumbang haporsayaonta. Halak na sonai murah tumang do ipengaruhi ajaran-ajaran na boi manandingkon haporsayaonni. Halani ai bani ambilan on tegas ihatahon Paulus jalo janah marparlahou ma ibagas Ia. Halani ai hita maningon manjalo ajaran ni Yesus Kristus ai, janah hagogokanni ai aima marhitei marparlahou domu hubani harosuh-Ni. Sebagai bapa maningon do hita mambobai keluarganta ase totap manjalo Kristus janah marpalahou songon Kristus ai. Anggo domma kos-kos ijalo hita haporsayaonta ai, pori ni pe aha na masa lang boi hita manundalhon Yesus be bani golluhta on. Amen
Kehidupan Kristen tidak berhenti pada tahap percaya atau menerima Tuhan Yesus saja,
namun harus dilanjutkan dengan hidup tetap di dalam Dia.
About the Author
