SEKSI BAPA
28 Juni 2026 (4 Set. Trinitatis)
Nats : 1 Korint 12:1-11
Tema : Berbagai rupa pelayanan
Tujuan : Agar kaum bapa termotivasi melayani sesuai dengan karunia Rohani masing-masing
Nasiam hasoman Bapa, bani tiap-tiap jolma sai adong bei do hal-hal na halobihan humbani dirini na bermanfaat untuk hal na madear tarlobih ibagas pangidangion hubani Bapa i sorga. Sebagai contoh sai adong do bapa boi marmusik, boi mandoding, boi marambilan, boi mangarahkon hasoman ase ringgas mamuji Naibata, mambere podah na madear, pakon nalegan. Haganupan on isobut Paulus do sebagai sibere-bere Partonduyon.
Anggo ididah hita teks on lambin iaurusi hita aha do sasintongni sibere-bere Partonduyon janah mase adong ai banta. Paulus mamungkah marhitei hata “sibere-bere partonduyon” on pataridahkon pasal kuria ijia na buei mandapot pasu-pasu, pasu-pasu ai berupa partonduyon. sibere-bere partonduyon/pneumatika (gorik) boi do mangarah hubani hal-hal Rohani tapi sekaligus do homa pasal kesombongan Rohani na masa bani sidea halani sibere-bere ai. Halani kuria Korint memang terkenal do sebagai kuria na hebat, kota na strategis janah maragam jolma, budaya, haporsayaon na masuk hujai. Tontu percampuran on anggo lang margogoh ibagas haporsayaon Tuhan boi do gabe lepak, boi do gabe salah memahami anjaha mamakei sibere-bere partonduyon. Aido ase nini Paulus “…seng dear uhurhu lang mamparbotoh nasiam” on mangarah hubani pangarusion pasal sibere-bere partonduyon nab oi gabe lepa pangarusion pasal ai, jadi Paulus sihol mambere hatorangan na jenges sesuai ajaran hakristenan. Porlu do ipahami bahasa sibere-bere partonduyon lang halani hagogohanta, prestasi na adong banta gabe dapotan ai tene tapi memang “anugrah” na porlu ihamalaskon uhur anggo adong ai banta. Halani sibere-bere Partonduyon do homa boi sidea mananda Jesus. Halani jelas do bahasa perbedaan mendasar halak na manggoluh ibagas ai pakon na lang. Ihatahon do bahasa anggo mangkatahon “hona papa Jesus”, hal on memang boi do muncul sebagai bagian humbani kehidupan na beragam, pangajarion humbani haporsayaon nalegan, boi do homa sebagai dalan ase maluah/selamat bani jaman pemerintahan romawi, tapi maksud Paulus ijon patorangkon lang mungkin halak na porsaya, manggoluh ibagas ‘sibere-bere partonduyon ai’ mangkatahon sonai. Halani hata ai berarti menyangkal Jesus, memisahkan diri humbani identitas Jesus sebagai Tuhan. Sedangkan halak porsaya justru menyatu dengan Yesus, mangirikkon Jesus ibagas goluhni. Hal ai ningon do taridah humbani parlahouni bapa siganup ari, ulang adong parlahou na bertentangan pakon Jesus, memang ra do lang ihatahon “hona papa Jesus” tapi anggo parlahou lang songon na hinarosuhkon Jesus dos do ai songon na padaohkon diri janah lang pataridahkon identitasni sebagai na manggoluh ibagas tonduy.
Na mangihut, anggo ididah hita bani ayat 8-10 bagei do sibere-bere partonduyon, ipatorang do pasal ai aima hata hapentaran, habotohon, haporsayaon, pamalumhon, hagogohon mambahen halongangan, panjahaion, panimbangion pasal bagei tonduy, marsahap ibagas hata nalegan, anjaha bani nalegan patorangkon pasal sahap ai. Hal na mambahen konflik itongah-tongahni kuria Korint aima pemahaman bahasa adong do sibere-bere sitingginan marimbang na legan. Muncul do bahasa na boi pamalumhon pakon mambahen halongangan aima sibere-bere sibanggalan janah sibere-bere na legan ai biasa-biasa. Dampak pemahaman na salah on, mambahen adong ma parbolah-bolahan, pengelompokan sada hubani nalegan. Merasa dirini sihebatan, kecemburuan janah egoisme. Hal na legan muncul perbandingan, kecemburuan sada hubani nalegan. Haganupan gabe marusaha mangayak sibere-bere sibanggalan gabe lupa bani sibere-bere na dong bani na humbani Tuhan hape sibere-bere na dong bani pe banggal do anggo iparimbanggaskon. Padahal lang ai tujuanni sibere-bere partonduyon ai. Halani anggo sibere-bere sibanggalan adong dapotsi, aima tandani ia dohor pakon Naibata, lebih Rohani marimbang nalegan. Pemahaman na sonon ma na porlu ipatorang, ilurushon Paulus. Memang bagei do ai, tapi sibere-bere ai lang bersifat hirarki, ise sehabatan, sigijangan, sibanggalan tapi lobih hubani fungsi, manfaat pakon tujuanni sada do aima laho mangidangi Tuhan. Lobih hunjai sada do sumberni, aima humbani sada Tonduy (4). Tujuanni aima laho mangidangi tapi on pe porlu idingat bagei pe horja pangidangion sada do Tuhan (5), bagei pe hagogohon tapi sada do Naibata na mangkorhon haganupan ai ibagas Tuhan (6). Jadi, jelas do bahasa tujuanni sibere-bere ai untuk pangidangion hubani Tuhan. Memang itongah-tongahni parkuriaon pe, maragam-ragam do sibere-bere ni Naibata hubanta, tapi ra do lang ipakei untuk pangidangion, porini pe ipakei untuk pangidangion ibagas pardalanan ra do gabe lepak use motivasi awal ai halani songon lambin buei pambahenanni ibagas gareja, lambin merasa sudah paling berjasa, porlu ibotoh janah ihormati kuria, maningon ipasangap itongah-tongahni gareja halani pambahenanni, na ija, akhiri mengaburhon fungsi utama humbani sibere-bere partonduyon ai aima pangidangion hubani Kristus na ija, Ia do kopalani Gareja, Ia do homa na mambere haganupan ai banta, jadi haganupan sibere-bere ai memang ipakei untuk mangidangiSi halani humbaNi do ai. Tanda tarimakasih do na ibahen hita anggo ra hita ringgas ibagas pangidangion. Bani ganup pangidangion pe porlu idingat lang adong na main Tunggal, paling berjasa sada hubani nalegan, halani haganupan jolma ibagas pangidangion ai untuk saling melengkapi.
Sebagai bapa pe ipasingat bahasa bani ganup di ipatalar ai (7), artini tiap-tiap bapa memiliki peran na penting tumang, ipungkah ma ai itongah-tongahni keluarga, bapa lang pitah na mangkorja, memenuhi kebutuhan ekonomi tapi mambere panorang hubani keluarga, mambere podah na madear hubani sidea, gabe siusihon, na mambobai keluarga lambin dohor ampa mananda Naibata, jadi pandiloon marhitei sibere-bere ai ulang ipersempit pitah mangkorja untuk kebutuhan ekonomi tapi untuk pangidangion do homa. Pandiloon bapa bersifat aktif lang pasif, lang pitah lang manlarang keluarga hu gareja tapi dihut do homa mangarahkon ampa mangajari. Hal na legan, age pe bapa selaku na mambobai, isobut sebagai kopala rumah tangga, tapi totap do kopalani hagoluhan haporsayaonta aima Kristus, jadi totap martoruhni uhur. Janah tangkas bahasa dampak pangidangion ai aima bahen hadearon ganup.
Bani ayat 11 lambin tangkas bahasa memang palegan-legan do sibere-bere partonduyon ai hansi humbani sada Tonduy. Halani tiap-tiap halak memang palegan-legan do peranni, ase ulang adong homa na merasa minder, merasa lang songon bapa nalegan kemampuanni, sibere-bereni Naibata ai, ulang adong na mengalami kecemburuan, marhitei sungkun-sungkun “mase sonon hansa sibere-bere partonduyon on bangku” tapi haganupan sibere-bereni Naibata ai memang memiliki tujuan masing-masing. Makani idah ma ai marhitei refleksi diri pasal haganupan ai pasti adong do tujuanni Naibata na madear, balosi ma ai dengan ketaatan ibagas haporsayaon. Marhitei pemahaman na sonai, pasti boi do lambin ringgas ibagas pangidangion, lambin sada homa seksi bapa.
Ase bani nasiam bapa, porlu do ihamalaskon hita ma ganup sibere-bere partonduyon ai, ganupan ai humbani sada Tonduy janah berfungsi laho mangidangi Tuhan janah aido tanda hita martarimakasih hubani Tuhan, halani ai saling melengkapi ma, sada ma ibagas pangidangion ase lambin tarmulia ma Jesus sebagai kopalani Gareja i dunia on. Amen
About the Author
