PA Lansia 15 Februari 2026

Johannes 15:1-8

Tema: Jesus Pokok Anggur yang Benar

Tujuan: Agar kaum lansia memahami bahwa pentingnya tetap melekat kepada Yesus Kristus di usia tua dan mendorong agar tetap menghasilkan buah rohani

Dong hata bijak na mangkatahon: “Anggur na tonggi lang mamorluhon  Buha Sahap”.  Somal do memang sonai, barang na bermutu lang sai mamorluhon iklan, promosi, propaganda, atene. Anggur boi sobuton sebagai  minuman mewah janah mahal. Janah ase  marbuahkon anggur na lezat ibutuhkon do berbagai persyaratan termasuk perhatian na serius janah detail, tapi sekaligus “asyik”[i] sanggah mandalankon ai. Kesenangan pakon keuntungan jumpah bani kegiatan ai (Jesaya 6:1-7). Anggur mambere kepuasan (hasonangan). Anggo bani  sejarah Israel tanaman anggur gabe bentuk usaha laho mangindahi hauntungan, janah mambere hamajuan bani bangsa bani panorang ai.

Ai do ase usaha anggur on, apalagi anggo targetni “anggur na terbaik”. Ningon ijumai do bani ianan  tertentu,  tanohni subur, hawa mendukung. Ningon do borsih humbani batu-batuan.  Bibitni pe iupayahon na tang sidearan. Ningon irawat janah ijaga. Ipastihon lang adong gangguan. Adong tembok, adong homa manara. Botul-botul imanja, songon naboru. Das bani produksi, igiling janah iperas[ii], dobni jumpah anggur na murni. Halani na iutamahon aima kualitas. Tapi ternyata bani pardalanan ni sejarah, Israel sebagai  pohon anggur ni Naibatai gagal janah gagal do torus sidea mambere hasil na poamalashon uhur ni Naibata, aima gabe Israel na sejati. Dobni ibakar janah iuhum do anggur na gagal.

Halani ai domu hubani bahan PA Lansia Minggu on Jesus sandiri do na hadir gabe hayu Anggur janah hita gabe rantingNi, sonaha  ase boi maluah jolma in. On patugahkon paboa jolma in maningon totap orot hubunganni pakon Jesus. Lang adong hagoluhan ampa parsaoran na dear sobali ibagas Jesus.  “Ahu do…” Jesus pakon Bapa do na utama bani goluh on. Age aha kedudukanta pejabat tinggi atap non job, pegawai aktif, berkarier, atap domma pensiun, atap sadiha pe umurta, matua atap poso, jorgit margogoh atap galek janah boritan, maningon riap pakon Jesus do na gabe hagoluhanta ase boi hita on totap  berguna, berfungsi atappe bernilai. Isobut bani Hata ni Tuhan “seng tarhorjahon hanima age aha, anggo seng marhasoman Ahu”, lang manggoluh janah marbuah hita marhitei dirinta sandiri.

Halani ai Jesus ma na gabe  semangat, gogoh ronsi pangarapan banta. Lang gabe sendiri, punjung janah lungunan hita binahen ni umur na lambin matua. Janah ai taridah marhitei na boi hita marhasadaon bani tumpuan Lansia on. Paboa ihaholongi do hita songon hayu anggur, janah marbuah do hita binahen ni Jesus na gabe pohon janah hita aima rantingNi. Tontu na sinobut goluh na sintong  janah marbuah aima goluh na rap pakon Jesus. Agepe domma buei hahurangan pangahapta ampa pangidah ni dunia on.  Sebalikni  tanpa Jesus, hita lang mararti hassipe bani  usia produktif. Tontu agepe domma matua, lang gabe egois hita apalagi sampai tarik diri hita humbani parsaoran.  Marhitei holong ni Jesus lang dong tubuh ibagas uhurta na  merasa lang berguna hita bani goluh on tene

Tontu Hata ni Jesus do na gabe hasintongan banta. Janah porsaya ma hita bani hataNi na gabe gogoh rossi jaminan bani goluh on.  Lang dong na lang mungkin, agepe iurupi tukkot mando mungkin ase boi hita jongjong janah mardalan, Deba nani hundul bani kursi roda, bahkan boi do homa ragei bani podoman, Tapi marhitei Jesus sai marbuah do hita bani goluh on. Sahapta na domma hampir lang tartangar, panonggorta na mulai kabur, pardingat mungkin domma hurang, tapi marhitei kuasa mi Naibata boi do harga ai bani niombah, keluarga ampa hasoman. Haporsayaonta na toguh boi do gabe warisan na maharga tumang bani ginomparta. Tuhanta mamasu-masu. Amen