Bahan PA Lansia

Minggu 10 Mei 2026 (Rogate)

Nas          : 1 Tesalonika 5:16-20

Tema        : Tetaplah berdoa

Tujuan     : Agar kaum lansia berdoa, bersukacita, bersyukur, dan tetap menyala dalam                   Roh Kudus semur hidup

Martonggo Ase Jumpah Gogoh

Parlobeini

Adong do sada ungkapan ni Martin Luther pasal tonggo “Menjadi orang Kristen tanpa doa sama mustahilnya seperti hidup tanpa bernapas”. Kalimat on patugakon paboa tonggo aima bagian penting bani goluh ni halak na porsaya. Tonggo usih songon hosah na mambere goluh bani partonduyon. Tonggo seng pitah sahap na luar hun pamangan, tapi hitei laho marsaor (terhubung) pakon Naibata na manggoluh. Marhitei tonggo hita markomunikasi secara bersama-sama atap pribadi hubani Naibata. Marhitei tonggo jumpah hita gogoh laho mandompakkon sagala paruntolan bani goluh on. Tuhan Jesus mangkatahon “Puho ma hanima anjaha martonggo, ase ulang masuk hanima hubagas parlajouan. Ai rosuh do namin tondouy, tapi galek do anggo daging” (Mark. 14:38). Halani ai do, bani tulisan on iojur hita secara khusus hubani nasiam orangtua nami lansia ase totap golgol bani tonggo ase totap margogoh mandalani goluh on.

Hatorangan

Surat 1 Tesalonika on aima surat na marisi podah hubani jemaat Tesalonika, tujuanni laho mangajari sidea sonaha do sikap pakon goluh na pantas selaku halak na porsaya. Paulus paingatkon sidea ase totap manggoluh songon anak na lihar, ulang gabe anak hagolapan halani domma ipalihar Naibata sidea (ay. 5). Status ni sidea domma baru, halani ai ningon manggoluh ma ibagas status na baru ai. Sonaha mangkagoluhkon status na baru ai? Parlobei, tongtong ma nasiam marmalasni uhur (bersukacita). Marmalasni uhur seng halani keadaan emosional sesaat, atap halani pencapaian-pencapaian pribadi, dasar marmalasni uhur ni sidea aima halani horjani Naibata ibagas Kristus Jesus. Marhitei janah ibagas Jesus domma ipasirsir Naibata haluahon hubani sagala na porsaya, janah on ma pangarapanni halak na porsaya bani parroh ni Jesus paduahalihon. Lang be hona uhuman halak na porsaya in halani domma jumpah sidea haluahon. Haluahon on aima sibere-bere ni Naibata hubani jolma on, lang sabanding argani pakon ahape na adong i tanoh on, sonai age pakon arta na maharga in. Halani ai, bayak tumang do hita halak na porsaya on halani ibere Naibata arta na tang siharganan hubanta, halani ai totap ma hita marmalas ni uhur, porini pe sonari on idompakkon bagei-bageini paruntolan, totap ma mangarap hubani Naibata, janah totap setia hubani Jesus. Nini bani buku Rom “Ai huhira, sitaronon bani panorang sisonari seng satimbang in marimbang hasangapon, sa sihol sipatalaron ope banta” (Rom. 8:18). Marmalas ni uhur ma mangarap hubani Naibata.

Paduahon, totap martonggo, on ma ayat sipondokan bani Bibel tapi anggo ihagoluhkon banggal do kuasa ibagas tonggo ai. Nini bani surat Jakobus “Doa orang yang benar bila dengan yakin didoakan, sangat besar kuasanya” (Yak. 5:16). Halani aima ase ipodahkon hubani Jemaat Tesalonika ronsi hubanta sonari on ase totap martonggo. Hata totap martonggo ijon patugahkon “terus-menerus” tapi sedo secara harfiah martonggo 24 jam sadari tanpa henti, tapi totap martonggo patugahkon kesadaran ketergantungan hubani Naibata. Usih songon na marhosah maningon tergantung botul do hubani oksigen ase boi totap hita manggoluh, sonaima homa goluh ni halak Kristen ibagas tonggo, harus adong kesadaran botul paboa maningon tergantung hubani Tuhan do hita. Tonggo ma gabe tanda relasinta na berkelanjutan pakon Naibata. Ibagas tonggo aima hita mangindo gogoh pakon pambotoh humbani Naibata, janah ibagas tonggo aima homa hita tangi bani hatani Naibata. Bani konteks ijia, jemaat Tesalonika mandompakkon sitaronon pakon hagobiron mandompakkon pasal parrohni Kristus na paduahalihon. Halani ai, marhitei na totap martonggo, halak na porsaya pataridahkon paboa sidea seng mangajamkon gogoh pakon pambotohni sandiri mandompakkon ai haganupan, tapi ibagas gok kesadaran mangajamkon kuasani Naibata. Adong sada kalimat mangkatahon sonon “more pray more power, less pray less power” artini lambin martonggo lambin tambah gogoh, tapi anggo lang martonggo tambah do biar pakon gobir.

Patoluhon, martarimakasih pasal haganupan (bersyukur). Hata on bani bahasa Gorik isobut do eucharisteo na marasal humbani dua hata eu artini baik, charis artini kasih karunia, anugerah. Na mararti menyatakan rasa terimakasih, atap mengakui anugerah. Artini, gabe goluh sipartarimakasih ma hita bani goluh on bani idopni uhur na domma ijalo hita hubani Naibata. Bani goluh on anggo adong na hurang lang songon na ibagas uhurta, ra do hita marungut-ungut hubani Naibata. Anggo adong na paet bani goluhta rado hita mandolei janah marungut-ungut hubani Naibata. Tapi anggo goluh on iidah hita humbani sudut pandang Naibata rado hita gabe marsyukur bani goluh na mapaet na ialami hita, halani boi do na mapaet ai iizinkon Naibata terjadi bani goluh laho memelihara hita. Halani ai totap ma hita martarimakasih bani goluh on, porini pe bagei hamaholon na ialami hita, porsaya ma hita paboa Tuhan gok idop ni uhur janah totap marhorja bani goluh on. Rom 8:28 mangkatahon “Kita tahu sekarang, bahwa Allah turut bekerja dalam segala sesuatu untuk mendatangkan kebaikan bagi mereka yang mengasihi Dia, yaitu bagi mereka yang terpanggil sesuai dengan rencana Allah”. Gabe jolma sipartarimakasih ma hita haganupan bani goluh on.

Hahonaan

Masa lansia aima masa na gok ibagas malas ni uhur, halani lansia patugahkon paboa na dob toras ma ai angkulanta. Na mararti do homa tanda pangkasomanion ni Naibata hubanta sadokah on. Halani ai masa-masa lansia on ningon do idalani marhitei uhur na martarimakasih. Tapi masa lansia on adong homa do muncul kekuatiran bani piga-piga lansia, pasal na borit, niombah sonai age pasal mandompakkon hamatean. Buei do na gobir mandompakkon on haganupan. Halani ai marhitei teks on ipodahkon ma ase totap ma ibagas tonggo hita. Tonggo aido gogohta laho mangarap hubani Naibata. Anggo ipareksa hita tokoh-tokoh bani Bibel, sidea pe sarupa do songon hita jolma na terbatas, tapi masa sidea boi mambahen pelayanan-pelayanan na luar biasa? Haganupan ai aima halani kuasani Naibata. Sirsir do sidea mangindo pambotoh janah petunjuk hubani Naibata sanggah adong tantanganni sidea, janah sirsir Naibata mambere dalan hubani sidea, ase maluah sidea bani tantangan ai. Halani ai bapa inang rajin ma ham mandilo Naibata, adong do nomor telepon ni Naibata, janah nomor on aktif 24 jam janah bebas pulsa. Nomorni aima 333, atap lobih topatni Jeremia 33:3 nini ijai “Dilo ma Ahu, jadi baloson-Ku do ho, anjaha pabotohkonon-Ku do bam pasal habanggalon ampa rusia na so binotohmu ope”. Amen