Tanggal 19 April 2026
Nats : Psalmen 68 : 4 – 6
Tema : Bernyanyilah Bagi Tuhan Dengan Segenap Hidupmu
Tujuan : Agar kaum lansia mengerti akan penghiburan dan kepastian perlindungan yang diberikan oleh Tuhan serta bisa selalu bersukacita dan bersykur dalammasa tua.
DODINGKON NASIAM MA NAIBATA
Parlobeini
Bagei do alasan na mambahen sasahalak marmalas ini uhur atap marolob-olob ibagas pargoluhanni. Misalni halani hasil pariama na berlimpah; halani hajorgiton ini angkula di masa tua; niombah na berhasil masuk Pegawai Negeri Sipil; halani malum humbani parnaboriton na parah, pakon na legan. Hansa hotop do masa sanggah na idaihon hita malas ini uhur gabe taruyun do use hita hubani gijang ini uhur halani pangahapta jumpah pe ganupan ai pitah halani gogohta sandiri do. Ahap si sonai ma na sihol ikoreksi marhitei Hata ini Tuhan na gabe nats Penelahan Alkitab (PA) panorang on. Secara umum Buku Psalmen (‘Mizmor’) aima buku na marisi hasaksian ni si panurat pasal pambahenan ni Naibata ibagas pargoluhon ni. Porsaya do parpsalmen on bahasa lang adong ruang bani goluhta jolma na lang igoki idop ini uhu rampa dear layak ini Naibata. Hal on do sasintong ini na mambahen halak na porsaya in totap margogoh janah mangasup manguduti pargoluhonni hansip e maningon mandompakkon bagei ini tantangan ampa hamaholon.
Hatoranganni
Parpsalmen (Raja Daud) mandilo haganup halak na porsaya ase marmalas ni uhur anjaha mandodingkon goran ni Naibata. Ibahen parpsalmen do gambaran ijon; ‘..na margareta i halimisan’ na laho pabotohkon hagogohon ampa kuasa ni Naibata na mangatasi haganup kuasa na dong i nagori tongah ampa nagori toruh. Maronjolan bani fakta on ma parpsalmen mangojur haganup halak na porsaya in ase totap marmalas ni uhur agepe sanggah mandompakkon buei hamaholon ampa sitaronon halani jagiah do kuasa ampa hagogohon ini Naibata janah talup tumang gabe hatengeran ni uhurta.
Hansi pe gok kuasa ampa hagogohon do Naibata tapi maidop do uhurNi mangidah ganup jolma na galek janah lang margolle. Kuasa ni Naibata aima simbol keberpihakan hubani sidea na tading maetek, lang margogoh janah rentan dompak pangodoh-odohon. Ijon parpsalmen mangondolhon hubanta ase totap marpangunsandeian bani Tuhan in halani sari do Ia dompak halak na masombuh, na galek janah tading maetek. Pengalaman ni parpsalmen on pabotohkon hubanta sonaha Naibata perduli dompak kelompok na rentan gabe korban intimidasi ampa pangodoh-odohon. Halani ai parpsalmen mangojur hita ase mangajamhon kuasa ni Naibata.
‘Tarpunjung’ (terisolir) aima sada situasi na lang ongga isurahon haganup jolma. Tapi halani kondisi na hurang kondusif hotop do hita terjebak bani kondisi na tarpunjung (lungunan, kesepian). Anggo isobut tarpunjung tontu sada situasi na borat ma on; daoh humbani kata ‘nyaman’. Sanggah ibagas kondisi na lungunan atap terasing hita, parpsalmen manobut bahasa Naibata totap do mansarihon goluhta. Sihol do uhurNi laho memulihkan (pajabuhon) ganup jolma na tarpunjung. Lang marosuh Tuhan in anggo hita lalap ‘terasing’ (kesepian). Halani ai do ase ipabotohkon hubanta bani panorang on pasal ranggian ni Naibata na sihol patorsahon (memulihkan) situasi pakon kondisi ini goluhta rombang. Domu hujai dear ma marmalas ni uhur hita tongtong irik mandodingkon goran ni Jahowa.
RENUNGAN/REFLEKSI
Psalmen 68 sihol mambobai hita bani sada perenungan pasal Naibata na totap ‘berpihak’ (mangapiti) jolma na galek, na masombuh janah na tading maetek. Fakta on naminei mangojur hita ase totap marpangarapan janah martenger ni uhur hubani Tuhan Naibata. Ambah ni ai fakta on talup do patubuhkon haporsayaon ampa pangarapan ibagas uhurta songon hasaksian na manobut;
“Pengalaman akan Allah yang membela yang lemah menumbuhkan rasa aman yang mendalam. Rasa aman itu bukan sekedar ketiadaan bahaya, tetapi kesadaran eksistensial bahwa hidup ini dijaga oleh kasih yang lebih besar dari kuasa apapun”.
Pahara on do na sihol iulgapi parpsalmen marhitei perikopta panorang on. Isungguli do uhurta marsada-sada ase totap marondos janah mangarap pitah hubani kuasa ini Naibata. Mase hubani Naibata ? Halani pengalaman ni parpsalmen gabe fakta otentik pasal keberpihakan ni Naibata hubani haganup jolma na porsaya janah martenger ni uhur Bani. Realita on ma na gabe onjolan bani parpsalmen laho mangarahkon (mandilo) haganup halak na porsaya ase marmalas ni uhur irik mangolobkon (mandodingkon) goran ni Tuhan. Terkhusus hubanta Lansia, na domma lambin terbatas ibagas haganup (panonggor, panangar, panlangkah) ipaingat parpsalmen on do hubanta ase totap mangajamhon kuasa ampa idop ni uhur ni Naibata bani ganup situasi na idompakkon hita. Tongon, sipata borat do pangahap sanggah roh paruntolon; lungun do pangahap sanggah ganup keluarga ampa sindohor hurang tanggap bani situasi na idompakkon hita. Porini pe sonai dingat hita ma hata ni Naibata na ondos banta bani panorang on: marmalas ni uhur ma hita halani tangi janah sari do Tuhan in hubanta. Halani ai; dodingkon hita ma tongon goranNi. Amen.
