RENUNGAN LANSIA
19 Juli 2026 (7 Dob Trinitatis)
Nas : 1 Musa 15:1-6
Tema : Iman yang diperhitungkan
Tujuan : Agar kaum Lansia meneladani Abram yang tetap dipanggil untuk percaya kepada janji Tuhan meskipun hidup yang sulit
Hubani nasiam na dob lansia, ibagas pardalanan goluh domma buei, ganjang na ilopusi, adong do hal-hal na mambahen malas uhur hansi pe adong paruntolon tapi ibagas tonggo hubani Tuhan, ibalosi Naibata, halani ai lambin dohor ma bani Tuhan mardingat habujuranni Tuhan. Adong do homa na buei paruntolon ibagas goluhni, domma martonggo tapi lang ganup ibalosi Tuhan, sai adong do hal-hal na ibagas tonggo lape ibalosi. Bani hal-hal na sisonai, maragam-ragam do responni jolma, adong na mandolei bahkan na ringgas hinan gabe lang be ringgas ibagas mamuji Tuhan, adong do homa na pasrah janah tubuh ibagas pingkiran “mungkin Tuhan punya rencana yang lebih baik”, pakon na legan. Bani haganupan ai, marlajar hita humbani si Abram, sonaha do respon na dear selaku halak na porsaya mandopakkon bueini na masa itongah-tongahni goluhn on pakon pangindoan ibagas pangarapan hubani Tuhan.
Anggo idah hita bani teks on, Abram pe paimahon bani padan na humbani Tuhan. Padan pasal ginomparni, adong do nani ibere Tuhan? Selain ai, ia homa paimahon sonaha do pangurupionni Tuhan bani kondisi hagobiron na masa bani. Halani taridah do sonaha hagobironni si Abram. Piga-piga hal na mambahen gobir si Abram, na parlobei aima serangan humbani musuhni. Bani ayat sebelumni adong do parporangan na ibahen si Abram laho mangurupi, menolong si Lot. Tapi bani hamonangan ai, justru lang mambahen ia gabe songon na lang gobir, ra do muncul ibagas pikiranni sonaha ma anggo roh use serangan balasan na lang ibotohni. Marhitei ai, nini Naibata do hubani si Abram “Ulang ho mabiar, ale Abram, Ahu do gantarmu; banggal tumang do upahmu.” Hata “ulang ho mabiar” bani terjemahan nalegan aima al-tira (heber), berbentuk perintah. Artini, adong ma perintah hubani si Abram ase ulang mabiar bani haganupan na sihol masa, ijon taridah sonaha Naibata mambere hagogohon hubani si Abram selaku jolma bani haganup keterbatasanni. Halani dong do hape Naibata na gabe gantar-gatarni.
Na paduahon, hagobironni si Abram aima pasal ginompar, ise do holi gabe ahli warisni dob honsi matei ia. Tontu hal na wajar on halani ia domma lambin matua sonai homa si Sarai parinangonni. Bani konteks na masa ijia, porlu tumang do adong niombah apalagi anggo ai dalahi sebagai penerus keturunan, songon na hailahon do anggo lang dong keturunan, taridah do ai songon na binahenni Hagar na lassei hubani si Sarai halani ia boi do dapotan tuah humbani si Abram hansi pe ia jabolon posisini. Bahkan ibagas hagobironni luar do hata “…si Elieser, na hun Damaskus mando sitean rumahku.” Elieser aima jabolonni si Abram, janah taridah sonaha songon na mulai putus asa ma si Abram bani paruntolonni ai. Na menarik, justru bani kondisi na sisonon, hubani Tuhan do ia patugahkon pasal haganup sitarononni, hagobironni. Artini, bani kondisi na sisonai/sulit pe marsora pe haporsayaonni. On ma gabe pelajar maharga tumang itongah-tongahni hagoluhanni Lansia. Memang sai adong do tong hal-hal na mambahen gobir, apalagi bani masa hatuaon, hagogohon pe lambin hurang, pardingat pe ra lambin hurang, tapi hansi pe sonai hatani Naibata pasingatkon ase ulang mabiar halani Naibata do gabe gantar-gantarni goluhta. Porini pe adong hal-hal na mambahen gobir, mabiar itongah-tongahni hagoluhan on, hubani Tuhan ma patugah ganupan ai ibagas tonggo ampa pangarapan.
Bani kondisi na gobir pasal ise ma keturunanni, aha do balosni Naibata? Nini do hubani si Abram “…seng ia manean ho tapi anakmu sandiri” on sebuah padan, memang anggo ipadihut-dihut hita pasal padan on, domma gati ipatugah Naibata bani pasal sebelumni songon sanggah marsuruh si Abram luar hun tanohni janah laho hu Kanaan, ase mangurupi si Lot pakon na legan, bani ganupan padan ai, piga-piga memang masa do ai songon na ipadankon Naibata, das do si Abram hu Kanaan, monang do homa ia manlawan munsuh, tapi sada nari mando lape terjadi/masa aima adong ma ginorpani si Abram hun Sarai. Kondisi na sonai dokahni do na mambahen gabe tubuh torus sungkun-sungkun ai ibagas uhurni si Abram, secara logika, ia pakon parinangonni pe domma matua, antigan na ma boi adong keturunanni. Mase ma torus Naibata marpadan pasal ai tapi se pe masa ai.
Anggo ididah hita pasal padanni Naibata hubani si Abram, nini do homa “…Torih ma hu langit ai, bilangi ma bintang ai, atap tarbilangi ho do ai. Ihatahon ma use hubani: Sonai ma ginomparmu holi.” Bintang muncul bani borngin, anggo pas roh Bintang ai janah bahat, seng tarbilangi buei ni ai, apalagi luas do homa langit on, jadi lang boi ietong. Sonin ma buei ginomparni si Abram holi, sebuah janji na mambahen ase ulang sai lalap mabiar si Abram, Naibata patorangkon sekaligus sahali nari manguji pasal haporsayoanni si Abram. On aima penundaan, bahasa porlu do homa age songon si Abram iuji haporsayaonni. Halani bani piga-piga hal, ikabulhon, ibere Naibata do pangindoan pakon itopati Naibata do padanni ganupan.
Aha do responni si Abram? Lang be marhiteihon habotohon atap pangarusionni mambalosi ai tapi marhitei haporsayaon. Nini do “Porsaya ma si Abram bani Jahowa, anjaha ai ma ihira Jahowa gabe hapintoronni (6)”. Porsaya/ he’emin dari akar kata “aman” boi do mararti teguh/dapat dipercaya. Hal on lang pitah pasal porsaya bani Naibata, tapi sepenuh hati, bensandar dalam kepercayaan penuh hubani Naibata. Respon on ra do muncul humbani pengalamnni goluhni si Abram na sadokah on iurupi Naibata, ase haporsayaonni pe mangkatahon “porsaya”, taridah ma homa identitasni si Abram selaku juak-juakni Naibata na setia anjaha ihira Jahowa gabe hapitoronni. Ase hubani lansia, memang porini pe buei na masa, buei hal-hal mambahen gobir, sipatah buei tonggota na lape ibalosi Naibata, ulang ma mintor mandolei, ulang mintor merasa lang adong pe pangarapan. Tapi marlajar ma humbani haporsayaonni si Abram, na bani masa hatuaonni, agepe songon na I luar logika na ihatahon Naibata ai, tapi seng gabe lang porsaya, magou pangarapanni, totap do ia setia bani haganupan ai. Ase sonai ma hita, totap setia hansi pe domma lansia, totap marpangarapan hansi pe buei hal-hal na sulit na masa itongah-tongahni goluhta. Ningon do haporsayaon ai na marsora. Halani gati do haporsayaon on mangkorja lang songon na ibagas pikiranni jolma, lang songon hal-hal na somal apalagi secara logika, haporsayaon boi do melampaui logika manusia. On ma na mangingon adong bani lansia. Na lang pitah angkula lambin matoras tapi haporsayaon pe lambin matoras ibagas Tuhan. Amen.
