PA LANSIA
21 Juni 2026 (3 Set. Trinitatis)
Nats : Psalmen 33: 18-22
Tema : Tuhan Perisai Kita
Doding : 454:1-2
Tujuan : Agar kaum Lansia memiliki kesadaran yang kokoh akan penyertaan dan perlindungan Allah yang tidak pernah meninggalkan mereka dalam segala situasi yang terjadi.
PANGKAWAH NI JAHOWA DOMPAK NAMANGARAP BANI
Markuasa do Naibata laho manjaga/maramotkon bangsa-Ni na marhabiaran hu-Bani anjaha marpangarapan bani idop ni uhurni-Ni. Mangihutkon sejarah haluahon ni bangsa Israel, Psalmen on tubuh bani parsombahon (ibadah) ni bangsa Israel na pataridahkon bahasa pangunsandeian na sintong sedo humbani tentara israel, kemahiran marpolitik, tapi halani pitah idopni uhurni Naibata. Ikawahkon Naibata do haganupan pargoluhan ni bangsa-Ni songon pangkawahni sahalak Bapa dompak niombahni na marlajar mardalan, ase anggo targompang niombahni ai, mintor tarolos ma bapa manogu niombahni, sonai ma Naibata mangurupi bangsa-Ni. Ase poro buei pe sitaronon na mandorab hita, adong ancaman ilobei-lobeita, tapi panonggor ni Jahowa lang ongga daoh humbani halak na sai marpangarapan hu-Bani. Pangkawah ni Jahowa seng ongga daoh humbani bangsa-Ni. Adong sada lagu Sikolah Minggu na tangkas pataridahkon sonaha Jahowa mangkawah dompak bangsa-Ni:
“Mata Tuhan melihat apa yang kita perbuat;
Berbuat yang baik, berbuat yang jahat.
Oleh sebab itulah jangan berbuat jahat,
Ingat Tuhan melihat, ingat Tuhan melihat.”
Doding on familiar tumang do bani panangarta na pabotohkon bahasa aha pe na ihorjahon hita lang adong na lingod humbani panonggor ni Jahowa. Totap do iparditei ganup langkahta. Anggo istilah sonari boi hatahonon, “terpantau CCTV” ni Tuhan.
Ongga do iahapkon hita sanggah iparditei hasoman secara khusus dirinta? Misalni istri/suami, niombah atak hasoman sahorja? Mangihutkon ambilan on, lobih hunjai ma Jahowa mampardiatei goluhta. Anggo iparditei hita sonaha pardalananni bangsa Israel, gati do sidea sanggah ibagas paruntolon, hansunsahan lupa sidea hubani Tuhan. Hape sasintongni halak na mangarap bani idopni uhurni Tuhan, sanggah ibagas bahaya atak manjuppahkon bagei-bagei ni paruntolon roh do sidea hubani Naibata mangindo laho mangindo haluahon, sedo mangajamkon hagogohon, haadongon, dekking laho mansaloseihon paruntolonni.
Panramotion ni Naibata dihut do bani goluh ari-ari. …anjaha laho pagoluhkon sidea bani musim lohei. Ijon ma hataridahan ni panramotionni Tuhan hubani bangsa-Ni. Sipanganon na gabe kebutuhan pokok dihut do homa ipardiateihon Naibata. Aha na sihol hatahonon ijai? Naibata manramotkon pargoluhanta hibul. Lang pitah sebahagian, tapi menyeluruh bani haporluan siganup ari. Ai Ia do Naibata na boi mansukkuphon haganupan na porlu banta.
Hasunsahan ahape na idompakhon hita sonari, atak sanggah ibagas bahaya, paruntolon, parnaboriton; sadarion idilo hita songona isobut bani Ambilan on aima maningop pitah hubani Naibata tumang ma hita mangarap, pitah hubani Naibata tumang ma hita mangkawah, anjaha mangindo ase iurupi hita. Roh ma hita hubani marhitei tonggonta laho paluahkon hita ase boi tardompakhon hita pardalanan ni goluh na buei tantangan on. Lang bulih hita mangajamkon hapentaranta, atak ahape na adong banta ase maluah hita. Ulang! Tapi sai dingat hita ma humbani Tuhan in do rohni pangurupion na sintong. Anggo ihagoluhkon hita sonai, ijai ma ipatoruh hita dirinta laho manjuppahkon Tuhanta mangindo pangurupion. Malas do uhurni Tuhan in hubani halak na sai marondos anjaha marpangarapan hu-Bani. Songon natarsurat bani Jeremia 17:7, “Tapi martuah ma halak na martenger ni uhur bani Jahowa, anjaha na mambahen Jahowa haporusanni.”.
Ai halak na marpangarapan do na margogoh mandompakhon ragamni paruntolon. Lang murah putus asa, mandolei tapi totap ibagas hasabaron paima-imahon pangurupion ni Tuhan. Sipata sai ra do sanggah mangindo hita, namin mintor juppah hita na pinindonta ai. Sanggah hundokah ijalo hita pangindoanta ai, gabe mintor mandolei, anjaha laho hita mangindo pangurupion hubani hagogohan ni dunia on. Adong do na mandompakhon hansunsahan marbulan-bulan, bahkan martaun, tapi totap do mangarap hubani Tuhan, totap do mangindo ibagas tonggo hubani Tuhan. Sipata ra do ibagas na jenuh hita martonggo ganup ari, sampai roh ibagas pingkiran, “sampai antigan do martonggo?” manigon torus do hita mangarap bani Tuhan. Lang ongga lingod goluhta humbani panonggor-Ni ai bani panorangni ipataridahkon do kuasa-Ni hubanta.
Pitah ibagas Jahowa do adong malasni uhur. Ia do gantar banta. Halani ai, maningon totap do ibagas haporsayaon anjaha pitah mangarap hubani Naibata. Songon sahalak parjuma na paima-imahn udan ibagas keyakinan, sonai ma homa hita paimahon padan ni Tuhan. Malasni uhurta sedo humbani na adong iatas tanoh on, tapi halani haporsayaon na toguh hubani Tuhan indo. Amen
About the Author
