RENUNGAN LANSIA
Tanggal : 24 Mei 2026 (Pentakosta)
Teks : Roma 8:1-14
Thema : Roh Allah Memimpin Kehidupan Usia lanjut
Tujuan : Agar kaum lansia meneguhkan keyakinan akan keselamatan dan menguatkan hidup dalam Roh Kudus yang selalu memberikan penghiburan dalam masa tua serta menanamkan pengharapan akan hidup yang kekal.
Parlobeini.
Nasiam bapa pakon inang hinaholongan, malas uhur pajumpah use hita marhitei renungan ta minggu on. Harapan nami, nasiam ibagas horas-horas janah gok ibagas malas ni uhur. Tontu sepakat do hita paboa domma maju tumang zamanta nuan on. Ididah hita teknologi informasi luar biasa majuni nuan on, anggo sapari padashon tonah hita maningon tiba surat do, mangirim duitpe lewat wesel post. Tapi nuan on marhitei whatsapp domma das tonahta atap suratta ai. Sonai homa mangirim duit pe boi ma melalui transfer bani handphone ta bei. Belanja pe lang pala hita laho hu pasar atap hu tiga, boi ma lewat on line, mamabasa barita-barita pe lang pala be melalui koran atap surat kabar, boi ma langsung dapot barita marhitei hand phone ta bei. Pakon kemajuan-kemajuan na legan na luar biasa nuan on. Tapi lang boi ipungkiri hita pangkorhonni kemajuan zaman nuan on, semakin moru ma homa semangat hasadaon atap gotong royong na menonjol aima sikap na ego na mementingkan diri sendiri. Lang sai peduli bani hasoman, huishon laklak ase ulang pahu, ia mahua halak asal ulang ahu on ma na sering terjadi bani hagoluhan on. Sonai homa bani persaingan usaha, mencari lapangan kerja, jabatan pakon na legan. Tapi sebagai anak-anak Tuhan tontu hita lang boi ipengaruhi na masa on, porini pe maju zaman on anggo kepedulianta, holongta lang boi songon borgohni holongni dunia on. Sebagai anak-anak Tuihan tontu hita lang boi ipimpin daging, tapi totap ipimpin Tonduy ni Naibata. Aido ase renunganta on mambobai hita paboa: “Anak ni Naibata pasti marguru bani Tonduy ni Naibata” tapi sebalikni “na marguru bani daging on aima anak ni dunia on”.
Penjelasan
Nasiam bapa inang,
Kota Roma aima sada kota na cukup ramai janah gabe pusat politik pakon ibukota Kerajaan Romawi bani panorang surat on itulis Paulus. Tontu halani kota na cukup berpengaruh bani panorang ai bahat ma homa agama na gabe sisombahon ni pendudukni kota on. Sebagai negara raksasa tontu kota Roma pe termasuk kota metropolitan bani panorang ai, dalan pe jenges janah bolak ronsi ganjang homa. Halani jenges pakon bahat ni dalan makani dong istilah, banyak jalan ke Roma. Tontu pengaruh dalan na jenges mambahen podas tumang do barita pasal ambilan na madear das hu kota on. Ambilan na madear na das bani halak Roma kemungkinan iboban halak Jahudi na dob gabe Kristen hun Jerusalem nari. Jadi sedo Paulus na pajongjongkon kuria on. Tapi halani ibogei Paulus adong permasalahan i kuria Roma aima pasal hajongjongan ni anugrah pakon pambahenan bani hal haluahon, aido ase roh Paulus marhitei surat laho patorsahon pemahaman ni sidea pasal haluahon ai. Halani jemaat on ipengaruhi halak Jahudi jadi haluahon ai nini sidea jumpah marhitei na sir-sir halak na porsaya in mangkorjahon titah secara gokan dear atap sempurna. Tapi Paulus sihol patangkashon paboa haluahon ai aima angurah atap sibere-bere ni Naibata. Mungkin hita pe ra ope pemahamanta songon halak Kristen na i kota Roma on, nini uhurta ase dapotan pasu-pasu au maningon huborjahon do hatan ni Naibata sadear-dearni. Padahal lang dong jolma nab oi mangkorjahon hata atap parentah ni Naibata ibagas na sempurna. Bahkan porini pe ibahen bagei-bagei peraturan lang boi ai mamboban hita hu hadearan. Ai sipata roh bahatni peraturan, roh bahatni do taridah kesalahanta.
Nasiam bapa inang,
Marhitei ambilanta on, Paulus sihol patangkashon pasal anugrah haluahon ibagas Yesus Kristus. Aido ase ihatahon: “sonari lang dong be uhuman hubani halak na dob ibagas Yesus Kristus” (ay.1). Halani halak na dob manggoluh domu hubani harosuh ni Tuhan Yesus, otomatis domma manggoluh mangihutkon Tonduy Ni Naibata. Domma marhorja Tonduy ai bani hadirionni, anajaha Tonduy aima mambobaisi hubani harosuh ni Tuhan Naibata. Tonduy aido mambahen maredeka jolma in hun hamateian. Ingat hita upah dousa aima hamateian. Tapi marhitei Yesus Kristus roh hu dunia on marhitei daging, aido homa manaluhon dousa ase maluah halak na mangihutkon Yesus ai. Titah aima sada aturan na boi mambobanhon jolma hubani larangan-larangan na ija boi ihorjahon na ija lang boi. Tapi titah ai lang boi paluahkon, pitah Yesus do na menghacurkan daging Ni marhitei hamateian-Ni ase boi jolma in maluah.
Nasiam bapa inang,
Selanjutnya Paulus mambere penjelasan pasal jolma na manggoluh mangihutkon Tonduy pakon na mangihutkon daging. Daging bani bahasa Yunani aima:Sarx biasa ipakei menggambarhon keadaan jolma na lemah pakon na mardousa boi do homa sarx on igambarhon jolma mardalan mangihutkon sura-sura ni daging janah mamikiri hisap ni daging. Jadi jolma na ikuasai daging aima, paruhuranni ikuasai daging. Janah halak na ikuasai daging aima gabe musuh ni Naibata, seng ra tunduk bani titah ni Naibata, lang boi pamalas uhur Ni Naibata. Tapi sebalikni anggo Tonduy ni kristus do manggoluh bani hadirionni halak na porsaya in, Kristus ma simadasi. Janah na paling luar biasa ididah hita bani teks on, anggo marianan Yesus bani hadirionta, puho do hita songon tonduy na mamuhoi Yesus ai. Jadi puho Yesus humbani hamateian, hita pe puho do homa pas songon Yesus puho humbani hamateianni ai.
Selanjuni isobut bahwa kuasa kebangkitan Yesus Kristus domma isediakan bani haganupan halak na porsaya. Halani ai siparutang do hita, tapi sedo siparutang hubani daging be, ase ulang be marguru hubani daging. Tapi hita marutang hubani haluahon na dob pinasir-sir ni Naibata hubanta. Halani ai hargahon hita ma haluahon na dob ipasir-sir Tuhanta Yesus Kristus marhitei hamateianni i hayu parsilang ai.
Piga-piga pokok Renunganta:
