*IBADAH HARIAN KELUARGA GKPS*
*Rabu, 06 Mei 2026*
I. Bahasa Simalungun
*1. Doding Haleluya No. 381: 2-3*
Ringgas au mangkatahon Hata ni Tuhan in,
buei do halonganan humbani na hinan
Dihut ma au marulih bai hasonangan in,
janah huhaporluhon mangambilankon in.
Tongtong do marmulia barita ni Tuhanta,
sai lambin tarambilan Goranni Tuhan in.
Tongtong huhamegahkon mangambilankon in
ai tambah huan-huan, dob hupararat in.
O Nasiam hasoman sai tangar Hata in,
sai ra ma manjalohon Hata ni Tuhan in
Tongtong do marmulia barita ni Tuhanta,
sai lambin tarambilan Goranni Tuhan in.
*2. Tonggo*
*3. Ayat Harian: Titus 2: 7-8*
_”Ia ho, ibagas haganup, maningon sitiruan ma ibagas horja na madear, pitah anjaha ringgas bani pangajarion; sihatahon podah na sintong, na seng dong sihataon, ase maila sipanlawan ai, halani seng dong na bajan sihatahononni dompak hita.”_
*4. Renungan*
Kuria na ihaholongi Naibata. Bani Kamus Besar Bahasa Indonesia (KBBI), teladan mararti do ai na boi itiru, sitiruan pakon itiru pasal na madear. Gabe sitiruan aima sada na porlu tumang. Ganup halak do mungkin boi patorangkon pasal sonaha mambahen na madear. Tapi anggo isungkun domma ihorjahon hita horja na madear na dob ipatorang hita ai, buei do na mungkin gabe unduk uluni halani lang tarhorjahon janah ijai ma gati na gabe hagalekonta. Songon halak na mambaritahon pasal horja na madear, maningon boi do ia mandalankon ai. Halani pandei mangajari tapi lang mambere contoh gabe sisoya-soya ma pangajaran ai. Sebalikni, mambere contoh tapi lang mangajarhon mambahen contoh ai gabe bisu.
Bani buku Titus 2 on boi ibasa hita buei podah na manggambarhon hawajibanta, orang tua, namaposo pakon sipangidangi bani goluh on. Bani podahni, ibere Paulus do piga-piga petunjuk hubani si Titus, na intini aima ase si Titus maningon gabe usihan na madear bani haganup pangajaranni hubani kuria in. Hal on porlu halani Titus sahalak na poso ope, buei do tawaran ampa parlajouan na idompakkon. Apostel Paulus mamodahi Titus ase marusaha gabe siusihan bani na mangkorjahon na madear. Pori pe poso ope ia, Titus maningon percaya diri janah totap toguh gabe siparambilan laho mangambilankon Ambilan Na Madear in. Siporlunan bani na mangambilankon Ambilan Na Madear aima gabe si usihan ibagas na mambahen na madear bani ganup halak. Lang pitah pandei bani hata, susian ni Kristus maningon pandei do homa manghorjahon horja na madear bahen hasangapon ni Naibata. Mangajari ampa mandalankon aha na iajarhon mambahen Titus gabe halak na berwibawa janah lang marmapas ni uhur halak halani poso ope ia. Sanggah si Titus “borsih” bani parambilanonni, janah “murni” manghorjahon aha na iambilankonni ase ulang adong be ruang ni halak na legan laho mansedahon si Titus pakon kuria ai.
Bapa/inang na hinaholongan ibagas Kristus Jesus..
Sungkun-sungkun hubanta aima domma gabe siusihan hita samah hita? Paramangon domma gabe sitiruan bani parinangonni?, parinangon domma gabe sitiruan bani paramangonni?, orang tua domma gabe sitiruan bani niombahni?, juak-juak domma gabe sitiruan bani kuria in?. Marhitei Hata ni Naibata bani panorang on, tontuhon hita ma tekadta ase gabe sitiruon bani sagala na madear, ase ulang tarbador hita bani dunia on, tapi sebalikni Naibata na marsangap. Gabe sitiruan mangkorjahon na madear aima dilo-dilo ni Naibata hubanta das hubani sondahan on. Agepe bani goluhta na gati isogopi tonduy domdom ampa hajahaton tapi hita maningon mambaritahon Ambilan Na Madear na gok holong ampa damei. Ija pe hita marianan pakon haganup na adong banta, bulat ni uhurta ma mangkorjahon na madear ase lambin marsangap goran ni Naibata. Lang pitah na maposo, na matua pe sipata porlu mangakui bahasa hita pe lang dope stabil laho mangkorjahon na madear pakon na jujur. Gati do hita mengabaihon panorang na ipasirsir Naibata banta laho mambahen na madear hubani jolma, jujur janah setia mangajari. Gati do hita terprovokasi mambahen hajahaton marhitei hata bahkan pambahenan. Halani ai gabe sitiruon ma hita bani horja na madear na ipungkah humbani sada pambahenan na etek. Amen
*5. Doding Haleluya No. 194: 1+3*
Sai sihol usihanku ham Jesus Tuhankin
Bai toruh ni uhur-Mu lamlam ni Hata-Mu.
Sonaha bahenonku lao mandalankon in
Sai ham ma alo Tuhan manolong ai ijin.
Sonaha bahenonku maniru Tuhankin
Gok dousa do uhurhu age angkulangkin.
Urupi au, o Jesus sai sasap dousangkin.
Suanhon bai uhurhu holong ni atei-Mu.
*6. Tonggo Ham Bapa Nami*
II. Bahasa Indonesia
*1. Nyanyian Kidung Jemaat No. 427:1-2*
Ku suka menuturkan cerita mulia yang sungguh melebihi
impian dunia. ‘Ku suka menuturkan semua padamu,
sebab cerita itu membawa s’lamatku.
‘Ku suka menuturkan, ‘ku suka memasyurkan cerita
Tuhan Yesus dan cinta kasihNya.
Ku suka menuturkan cerita mulia; setiap kuulangi
bertambah manisnya. ‘Ku suka menuturkan sabdaNya
yang besar; dan yang belum percaya, supaya mendengar.
‘Ku suka menuturkan, ‘ku suka memasyurkan cerita
Tuhan Yesus dan cinta kasihNya.
*2. Doa*
*3. Ayat Harian: Titus 2: 7-8*
_“dan jadikanlah dirimu sendiri suatu teladan dalam berbuat baik. Hendaklah engkau jujur dan bersungguh-sungguh dalam pengajaranmu, sehat dan tidak bercela dalam pemberitaanmu sehingga lawan menjadi malu, karena tidak ada hal-hal buruk yang dapat mereka sebarkan tentang kita.”_
*4. Renungan*
Jemaat yang dikasihi oleh Tuhan
Dalam Kamus Besar Bahasa Indonsia (KBBI) teladan artinya sesuatu yang harus ditiru, dicontohi tentang hal-hal-hal yang baik. Menjadi teladan, merupakan hal yang sangat penting untuk diperhatikan. Hampir setiap orang pasti bisa menjelaskan secara panjang lebar bagaimana berbuat baik. Tetapi ketika hal itu dipertanyakan kepada kita apakah kita sudah melakukan perbuatan baik yang sudah kita jelaskan. Maka banyak yang menggelengkan kepala karena belum mampu melakukannya dan disanalah yang sering menjadi kelemahan kita. Seperti seseorang berkhotbah tentang perbuatan baik, maka dia harus dapat berbuat baik. Sebab terampil mengajar tetapi tidak memberikan teladan akan menjadikan ajaran tersebut mandul. Sebaliknya, memberikan teladan tetapi tidak mengajar, menjadikan teladan menjadi bisu.
Dalam buku Titus 2 kita bisa membaca serangkaian nasihat yang menggambarkan kewajiban kita, orang tua, pemuda dan hamba dalam kehidupan. Dalam nasihatnya Paulus memberikan beberapa petunjuk untuk Titus, yang intinya Titus harus menjadi teladan yang baik dalam setiap pengajarannya kepada jemaat. Hal ini penting mengingat Titus sebagai seorang anak muda, berhadapan dengan banyak tawaran dan godaan. Rasul Paulus menasihatkan agar Titus berjuang menjadi teladan dalam berbuat baik. Walaupun masih muda, Titus diajak untuk percaya diri dan tetap mantap melangkah sebagai pemberita Injil Kristus. Yang paling penting dalam memberitakan Injil adalah menjadikan diri teladan dalam berbuat baik kepada semua orang. Bukan hanya pandai berkata-kata, murid Kristus pun seharusnya pandai mengerjakan kebaikan demi kemuliaan Allah. Mengajar dan melakukan apa yang diajarkan akan membuat Titus pribadi yang berwibawa dan tidak akan dianggap rendah karena ia muda. Saat Titus “bersih” dalam pemberitaannya, dan “murni” melakukan apa yang diberitakan, maka para penyesat tidak memiliki celah memburuk-burukan Titus dan jemaat.
Bapa/ibu yang terkasih dalam Kristus Yesus..
Sudahkah kita menjadi teladan satu terhadap yang lain? Suami jadi teladan isteri, isteri jadi teladan suami, orang tua jadi teladan anak-anak, pelayan jadi teladan jemaat. Melalui Firman Tuhan hari ini marilah kita bertekad menjadi teladan dalam segala sesuatu yang baik, supaya kita tidak dibuat malu oleh dunia, sebaliknya Tuhan dimuliakan. Teladan dalam berbuat baik merupakan panggilan Tuhan kepada kita juga sekarang ini. Dalam kehidupan yang tak jarang diwarnai oleh semangat kebencian dan kejahatan, kita mesti menyatakan teladan Injil yang penuh kasih dan damai sejahtera. Di mana pun kita berada dan dengan segala yang kita miliki, kita berbuat baik secara tulus sehingga nama Tuhan dipermuliakan. Tidak hanya orang muda, orang tua juga terkadang perlu mengakui bahwa kita masih tidak cukup stabil untuk berbuat baik dan jujur. Kita sering mengabaikan kesempatan-kesempatan yang Tuhan sediakan bagi kita untuk berbuat baik kepada orang, berlaku jujur dan setia pada pengajaran. Kita sering terpancing untuk melakukan kejahatan melalui perkataan bahkan tindakan. Semoga kita menjadi teladan dengan perbuatan yang baik melalui satu perbuatan yang kecil. Amin
*5. Nyanyian Nyanyian Kidung Baru (NKB) No. 122:1-2*
‘Ku ingin berperangai laksana Tuhanku,
lemah lembut dan ramah, dan manis budiku.
Tetapi sungguh sayang, ternyata ‘ku cemar
Ya Tuhan, b’ri ‘ku hati yang suci dan benar.
‘Ku ingin ikut Yesus, mencontoh kasihNya,
menghibur orang susah, menolong yang lemah.
Tetapi sungguh sayang ternyata ‘ku cemar
Ya Tuhan, b’ri ‘ku hati yang suci dan benar.
*6. Doa Bapa Kami*
_KANTOR SINODE GKPS_
