*IBADAH HARIAN KELUARGA GKPS*
*Jumat, 9 Oktober 2026*
I. Bahasa Simalungun
*1. Doding Haleluya No. 338: 1-2*
Togu Ham ma au o Tuhan bai goluh dunia on.
Na gogoh do Ham parholong, togu au na galek on
Roti surga, roti surga, in ma sipanganonkin
in ma hagoluhankin
Bere Ham bah hagoluhan na pamalum uhurhon
Ham mardalan i lobeihu rapkon tiang hombun in
Ham Jesusku, Ham Tuhanku, Ham na gabe gantarhin
Ham ma haluahonkin
*2. Tonggo*
*3. Ayat Harian: II Tesalonika 3: 5*
_“I togu-togu Tuhan in ma uhur nasiam marholong songon Naibata, ampa marhasabaron songon Kristus.”_
*4. Renungan*
Bapa inang haganupan na hinarga ni Tuhan Jesus Kristus, bani Jumat sadarion i sisei Naibata do hita marhiteihon surat ni Apostel Paulus hubani kuria Tesalonika na paduahon on. Paulus sihol pasingatkon janah mambere gogoh sai hira gabe penguatan hubani kuria na ijai ase totap sidea marholong ni uhur. Halani panorang ai kuria Tessalonika ibagas paruntolon janah surat on mambere gogoh hubani sidea ase ulang salah mangarusi pangajarion pasal Ambilan Na Madear.
Bapa inang, sonaha pe gogohta, sonaha pe hita mangahapkon domma bahat makan asam garam dunia on tapi maningon hotop do hita mangelekkon hubani Naibata ase itogu-togu hita. Halani lang na tarhatahon homa bahasa goluhta on lang adong na boi iatur hita romban hubani harosuh ni uhurta, tapi Tuhan do na marhidorat na laho manogu-nogu hita.
Sonaha do tongon panogu-noguan-Ni Tuhan in ibagas goluhta? Porsaya do hita bahasa Naibata mangurupi hita, hitei-Ni aima hajongjongan ni Tonduy Napansing na marianan ibagas dirinta pribadi lepas pribadi. Ulang das kondisi ampa situasinta na manontuhon arah ni uhurta. Tapi maningon ibere hita do kuasa-Ni Naibata na laho manjagai hita ase marholong songon Naibata. Boi do hita sonai? Tontu lang boi! Halani aha? Halani manggoluh pe hita i hasiangan on, lang adong na boi maruhur songon Naibata sonai ge marhasabaron songon Naibata. Jadi sonaha tongon mangarusi podah-Ni Paulus on ibagas goluhta nuan on?
Tapi anggo ibasa hita kalimat awal aima itogu-togu Tuhan in, artini ijai anggo Tuhan in do na manogu, tontuni aima na tang sidearan bani goluhta, porini pe sipata lang romban songon na hinarosuhkon ni uhurta. Ibagas goluh ari-arinta, pasal marholong pakon marhasabaron termasuk dua hal na haru tumang sidalankononta. Apalagi ma ai terkait bani halak na legan. Sulit do banta untuk sabar bani halak na lang itanda hita apalagi hubani halak na lang marosuh hubanta, borat tumang do on. On ma na gabe ojur-ojur ni Paulus ase huria Tesalonika mambere diri ase ra itogu-togu Tuhan in. Halani haporsayaonta ai do bahasa panoguan-Ni Tuhan in do na iarapkonta mangajari hita janah mambuha pingkiran pakon uhurta ase boi marholong songon Kristus janah marhasabaron songon-Si. Kondisinta nuan on, adong bagei situasi na mambaen hita urah manggila, janah madabuh hubani dousa anggo domma marsahap pasal hasabaron, lang tarbaen buei halak marhasabaron, tapi itekankon hubanta sonari ase mangarahkon dirinta hubani panoguanni Tuhan in. Ase hulobeian ni ari boi totap hita margogoh janah berusaha gabe pribadi na ra itogu-togu Tuhan in. Tuhan ma mamasu-masu hita haganunpan. Amen
*5. Doding Haleluya No. 7: 1-3*
Porini dong maribu hali, paraloling ni sorangkin
Bois ni gogoh inggananni, mamuji Naibatanta in,
Ibaen malasni uhurhin, hinorhon ni pambaen-Ni in.
Ai ambit ondos ma sorangku, bai ujung ni dunia on,
sagala jolma arahonku, mamuji Naibata tongtong;
Talup do gok ni uhurhin, hubaen pasangap Tuhan in.
Ulang ma modom ho tonduyhu, sai puho ho, sai hehe ma;
Pongkut ma ho bani horjamu, sai puji Tuhan Naibata;
Sai baen ma gok ni pandeimin, laho mamuji Tuhan in.
*6. Tonggo Ham Bapa Nami*
II. Bahasa Indonesia
*1. Nyanyian Kidung Jemaat No. 412:1-2*
Tuntun aku, Tuhan Allah, lewat gurun dunia.
Kau perkasa dan setia; bimbing aku yang lemah.
Roti sorga, Roti sorga, puaskanlah jiwaku,
puaskanlah jiwaku.
Buka sumber Air Hidup, penyembuhan jiwaku,
dan berjalanlah di muka dengan tiang awanMu.
Jurus’lamat, Jurus’lamat, Kau Perisai hidupku,
Kau Perisai hidupku.
*2. Doa*
*3. Ayat Harian: II Tesalonika 3:5*
_”Kiranya Tuhan tetap menujukan hatimu kepada kasih Allah dan kepada ketabahan Kristus.”_
*4. Renungan*
Bapak, ibu, dan semua saudara yang dikasihi oleh Tuhan Yesus Kristus, pada hari Jumat ini kita ditegur dan disapa oleh Allah melalui firman-Nya, yaitu melalui surat Rasul Paulus kepada jemaat di Tesalonika yang kedua ini. Paulus ingin mengingatkan sekaligus memberikan kekuatan, seolah-olah menjadi penguatan bagi jemaat disana agar mereka tetap hidup dalam kasih. Sebab pada waktu itu, jemaat Tesalonika sedang berada dalam pergumulan, dan surat ini bertujuan untuk memberi kekuatan kepada mereka agar tidak salah dalam memahami ajaran tentang Kabar Baik (Injil).
Bapak dan ibu, bagaimanapun kekuatan kita, dan bagaimanapun kita merasa sudah banyak makan asam garam dunia ini, kita harus tetap sering memohon kepada Allah agar kita dituntun dan dipimpin-Nya. Sebab tidak bisa dipungkiri bahwa dalam kehidupan ini, tidak ada hal yang bisa kita atur sepenuhnya agar selalu sejalan dengan keinginan hati kita, melainkan Tuhanlah yang berkuasa untuk menuntun kita.
Bagaimanakah sebenarnya tuntunan Tuhan itu di dalam kehidupan kita? Kita percaya bahwa Allah menolong kita melalui kehadiran Roh Kudus yang bersemayam di dalam diri kita masing-masing, pribadi lepas pribadi. Jangan sampai kondisi dan situasi kita yang menentukan arah hati kita. Sebaliknya, kita harus memberikan diri kita dipenuhi kuasa Allah yang akan menjaga kita agar dapat mengasihi seperti Allah mengasihi. Apakah kita bisa demikian? Tentu saja tidak bisa! Mengapa? Karena selama kita hidup di dunia ini, tidak ada manusia yang bisa memiliki hati seperti Allah, begitu juga memiliki kesabaran seperti Allah. Lalu, bagaimana sebenarnya kita memahami nasihat Paulus ini di dalam kehidupan kita sekarang?
Namun, jika kita membaca kalimat awal yaitu kita dituntun oleh Tuhan, artinya jika Tuhan yang menuntun, sudah pasti itulah yang paling terbaik di dalam hidup kita, walaupun terkadang hal itu tidak sejalan dengan apa yang diinginkan oleh hati kita.
Dalam kehidupan sehari-hari, hal mengasihi dan bersabar termasuk dua perkara yang sangat sulit untuk kita jalankan. Terlebih lagi jika hal itu berkaitan dengan orang lain. Sangat sulit bagi kita untuk bersabar menghadapi orang yang tidak kita kenal, apalagi terhadap orang yang tidak menyukai kita; hal itu terasa sangat berat sekali. Inilah yang menjadi dorongan dari Paulus agar jemaat Tesalonika menyerahkan diri dan mau dituntun oleh Tuhan. Sebab iman percaya kita mengakui bahwa tuntunan Tuhan itulah yang kita harapkan untuk mengajar kita serta membuka pikiran dan hati kita, agar kita bisa mengasihi seperti Kristus dan bersabar seperti Dia.
Kondisi kita saat ini, ada berbagai situasi yang membuat kita mudah marah dan jatuh ke dalam dosa. Jika sudah berbicara tentang kesabaran, tidak banyak orang yang sanggup bersabar. Namun, saat ini ditekankan kepada kita agar mengarahkan diri kita pada tuntunan Tuhan tersebut. Supaya di hari-hari yang akan datang, kita bisa tetap kuat dan berusaha menjadi pribadi yang mau dituntun oleh Tuhan. Tuhan kiranya memberkati kita semua. Amin.
*5. Nyanyian Kidung Jemaat No. 295: 1-2*
Andai ‘ku punya banyak lidah dan punya suara yang besar,
akan kugubah madah indah dan ‘ku menyanyi bergemar memuji
kasih Allahku yang dicurahkan padaku.
Janganlah diam, hai jiwaku, dan kau, ragaku, bangunlah!
Nyatakanlah kegemaranmu atas berkat, anugerah, kar’na selama
Hidupku akan kupuji Allahku.
*6. Doa Bapa Kami*
_KANTOR SINODE GKPS_
About the Author
