*IBADAH HARIAN KELUARGA GKPS*
*Jumat, 23 Oktober 2026*

I. Bahasa Simalungun

*1. Doding Haleluya No. 343: 1-3*

Banggal tumang do holong-Mu, pabayu goluhkon
Nadoyuk kahou magou ahu, hape maluah do

Dob hutandai diringkin, megah ma uhurhin
Salosei hape utangkin, ibahen layak ni in

Bai lombang hamagouan in, tarsangkut au ijin
Ai idop ni uhur-Ni in, manogu au hunjin

*2. Tonggo*

*3. Ayat Harian: I Petrus 5: 10*

_“Tapi Naibata, paridop ni uhur in, na mandilo nasiam ibagas Kristus Jesus hu hasangapon-Ni na manongtong in, pauli-ulion-Ni, patotapon-Ni, pargogohan-Ni anjaha pajonamon-Ni do nasiam, dob manaron nasiam tongkin.”_

*4. Renungan*
Bapa inang na hinaholongan-Ni Kristus, Jumat sadarion isisei Naibata do hita marhiteihon ni ibadah harian keluarga GKPS. Ibotoh hita do tiap keluarga mangkarosuhkon goluh na gokan malas ni uhur/hatuahon, damei, janah gok pasu-pasu. Tapi bani kenyataanni lang adong keluarga na lang mandompakkon paruntolon. Na maruntol pasal ekonomi, pasal hajorgitan angkula (berjuang manlawan parsahit), pasal parsikkolahan ni niombah, sonai ge paruntolon antara pargotong pakon parbulang (bapa-inang). Janah sungkun-sungkun na gati roh hubagas pamingkiranta aima: mase ma nuan keluarga na marhaporsayaon hubani Tuhan in hotop pe manjumpahkon paruntolon?

Ayat on mambere pangarapan hubanta bahasa paruntolon ai sedo ujungni humbani pardalananni sada keluarga na porsaya hubani Tuhan Naibata. Bani teks ta on Apostel Petrus manuratkon surat on hubani halak na porsaya na nuan ibagas bagei ni paruntolon janah bumbang ibagas manjaga haporsayaon ni sidea. Ipasingat hubanta bahasa lang ongga Naibata ai manadingkon hita.

Adong 3 tonah na boi irenungkon hita ibagas keluarganta bei.
_1). Keluarga na manggoluh halani idop Ni uhur-Ni Naibata._
Isobut Petrus do Naibata paridop ni uhur. Artini ijai aima pargoluhan itongah-tongah ni keluarganta sedo halani kemampuanta, horjanta, habayakonta, atappe gogohta sandiri, tapi haganupan ai halani idop ni uhur do. Buei do na menganggap bahasa keberhasilanni keluarga ni aima halanihon arta na mabuei atappe ginjangni pendidikan ni niombahni. Sintong porlu do haganupan ai tapi na porlu idingat hita aima haganupan ai halani idop ni uhur do na humbani Naibata. Halani ai ulang tarlalap hita mansungkupkon haganupan kebutuhan hajolmaonta, tapi lupa hita bani na martonggo, ibadah sonai ge parsaoran ibagas Jesus Kristus.

_2). Lang na manongtong paruntolon ai._
Ihatahon Petrus: “dob manaron nasiam tongkin” kalimat on sedo mararti haganupan paruntolon ni keluarga podas salosei. Tapi Petrus patoguhkon hubanta dong do batas ni paruntolon ai ibagas padan na madear na humbani Naibata. Ibagas goluh parumahtanggaon, adong bei do panorang sanggah lang sungkup pemasukan, adong konflik bapa pakon inang. Tapi ulang ipaturut hita paruntolon ai mambaen maseda holong sonai ge hasadaon ni keluarga. Tapi tingki roh hasunsahan ai, keluarga maningon roh dohor ni samah anggota keluarga. Rumahtangga na marhagogohan sedo rumah tangga na lang ongga manjumpahi paruntolon, tapi rumah tangga na hotop maronjolan hubani Naibata sanggah roh paruntolon.

_3). Naibata ai do na mambere gogoh hubani rumah tangga._
Ibagas parumahtanggaon, sipata adong do hubungan na mulai marjarak, komunikasi na hurang, atappe holong na songon lang margogoh be. Tapi Tuhan Naibata sanggup do mambaen ai dear, janah mambere gogoh hubanta ase ulang mandolei tapi gok pangarapan. Tapi ambah ni ai mangarahkon hita do ase marhamubahon. Bapa pakon inang maningon boi saling mengampuni janah marsitangar-tangaran. Orangtua pe porlu do mambere siusihan pasal haporsayaon hubani anak-anakni. Sonai ge niombah pe porlu marlajar janah mangkargahon pengorbanan ni orangtuani.

Bapa inang hita haganupan na ihaholongi Naibata, marhiteihon ni I Petrus 5:10 on, ipasingat do hita bahasa gogoh ni rumahtangga Kristen sedo marianan bani kesempurnaan pagori ni rumah tangga ai, tapi marhiteihonni hasatiaon ni Naibata na mampardimata sidea. Ibagas pargoluhan ni rumah tangga Kristen, sonai homa hita keluarga na adong i GKPS, idilo do hita sedo pitah gabe rumah tangga na manjalo pasu-pasu, tapi gabe keluarga na mamboan pasu-pasu hubani halak na legan. Sai Naibata paridop ni uhur totap pamalumhon, mambere hatoguhan ni uhur, mambere gogoh, janah pahotkon haganupan rumah tangga. Amen

*5. Doding “Rigapankin”*

Anggo hu pikkiri goluh on; i lobeini Tuhan Naibata
buei tumang pasu-pasu-Mu; janah lang tarbilang holong-Mu

Lang margogoh au daoh hum-Bamu
goluhkon igomgom tonduyMu
anggo hu kawahkon langit na gijang
ijai do Ham…ijai do Ham

Anggo au bai na kahou; Sondang-Mu ma rigapankin
anggo au hu lombangin idop-Mu manogu au on
Lang rabe au manadingkon ham Tuhankin
lang rabe au, daoh hun labung-Mu Tuhan

*6. Tonggo Ham Bapa Nami*

II. Bahasa Indonesia

*1. Nyanyian Kidung Jemaat No. 392: 1-2*

“Ku berbahagia, yakin teguh: Yesus abadi
kepunyaanku! Aku warisNya, ‘ku ditebus,
ciptaan baru Rohulkudus.
Reff:
Aku bernyanyi bahagia memuji Yesus selamanya.
Aku bernyanyi bahagia memuji Yesus selamanya.

Pasrah sempurna, nikmat penuh; suka sorgawi
melimpahiku. Lagu malaikat amat merdu;
kasih dan rahmat besertaku.
Reff:
Aku bernyanyi bahagia memuji Yesus selamanya.
Aku bernyanyi bahagia memuji Yesus selamanya.

*2. Doa*

*3. Ayat Harian: 1 Petrus 5:10*

_”Dan Allah, sumber segala kasih karunia, yang telah memanggil kamu dalam Kristus kepada kemuliaan-Nya yang kekal, akan melengkapi, meneguhkan, menguatkan dan mengokohkan kamu, sesudah kamu menderita seketika lamanya.”_

*4. Renungan*
Saudara-saudari yang dikasihi Tuhan Yesus Kristus, pada Jumat ini kita disapa oleh Tuhan melalui ibadah harian keluarga GKPS. Setiap keluarga tentu menginginkan kehidupan yang penuh kebahagiaan, kedamaian, dan berkat. Namun, kenyataannya tidak ada keluarga yang terbebas dari pergumulan. Ada keluarga yang bergumul dengan ekonomi, Kesehatan (berjuang melawan penyakit), pendidikan anak-anak, bahkan hubungan antara suami dan istri. Terkadang kita bertanya, mengapa keluarga yang percaya kepada Tuhan masih harus mengalami penderitaan? Ayat ini memberikan pengharapan bahwa penderitaan bukanlah akhir dari perjalanan keluarga yang percaya kepada Tuhan. Rasul Petrus menuliskan surat ini kepada orang-orang percaya yang sedang menghadapi berbagai penderitaan dan tekanan karena iman mereka. Petrus mengingatkan bahwa di tengah penderitaan, Allah tidak pernah meninggalkan umat-Nya.

Ada tiga pesan penting yang dapat kita renungkan dalam kehidupan keluarga.
_1. Keluarga hidup karena kasih karunia Allah_
Petrus menyebut Allah sebagai sumber segala kasih karunia. Artinya, kehidupan keluarga kita tidak hanya bergantung pada kemampuan, pekerjaan, kekayaan, atau kekuatan kita sendiri, melainkan pada kasih karunia Tuhan. Terkadang kita merasa bahwa keberhasilan keluarga ditentukan oleh banyaknya harta atau tingginya pendidikan anak-anak. Semua itu memang penting, tetapi fondasi utama keluarga Kristen adalah kasih karunia Allah. Karena itu, jangan sampai keluarga kita hanya sibuk mencari kebutuhan jasmani, tetapi melupakan doa, ibadah, dan persekutuan dengan Tuhan.

_2. Pergumulan keluarga tidak berlangsung selamanya_
Petrus mengatakan, “sesudah kamu menderita seketika lamanya.” Kalimat ini bukan berarti semua persoalan keluarga akan selesai dengan cepat. Petrus justru mengingatkan bahwa penderitaan memiliki batas dalam terang janji kekekalan Allah. Dalam kehidupan keluarga, mungkin ada masa ketika penghasilan berkurang, anak-anak menghadapi kesulitan, atau hubungan suami dan istri mengalami ketegangan. Tetapi jangan membiarkan pergumulan menghancurkan kasih dan persatuan keluarga. Justru ketika kesulitan datang, keluarga harus semakin dekat satu dengan yang lain. Keluarga yang kuat bukanlah keluarga yang tidak pernah mengalami masalah, melainkan keluarga yang tetap berpegang kepada Tuhan ketika masalah datang.

_3. Tuhan sendiri yang memulihkan dan mengokohkan keluarga_
Dalam keluarga, mungkin ada hubungan yang mulai renggang, komunikasi yang semakin berkurang, atau kasih yang mulai terasa dingin. Tetapi Tuhan sanggup memulihkan hubungan yang terluka. Tuhan meneguhkan keluarga agar tidak mudah menyerah. Tuhan menguatkan ketika anggota keluarga merasa lelah. Tuhan mengokohkan keluarga agar tetap berdiri di tengah berbagai tantangan kehidupan. Namun, pemulihan itu juga mengajak kita untuk berubah. Suami dan istri perlu belajar saling mendengarkan dan mengampuni. Orang tua perlu memberikan teladan iman kepada anak-anak. Demikian juga anak-anak perlu belajar menghargai pengorbanan orang tua.

Saudara-saudari yang dikasihi Tuhan, melalui 1 Petrus 5:10, kita diingatkan bahwa kekuatan keluarga Kristen bukan terletak pada kesempurnaan setiap anggotanya, melainkan pada kesetiaan Allah yang memelihara mereka. Dalam kehidupan keluarga Kristen, termasuk keluarga-keluarga di GKPS, kita dipanggil bukan hanya untuk menjadi keluarga yang diberkati, tetapi juga keluarga yang membawa berkat bagi orang lain. Kiranya Allah sumber segala kasih karunia senantiasa memulihkan, meneguhkan, menguatkan, dan mengokohkan setiap keluarga kita. Amin.

*5. Nyanyian: “Trima kasih Tuhan”*

Terima kasih Tuhan; Untuk kasih setiaMu
Yang ku alami dalam hidupku
Terima kasih Yesus Untuk kebaikan-Mu
Sepanjang hidupku

Reff:
Terima kasih Yesusku
Buat anugerah yang Kau beri
Sebab hari ini
Tuhan adakan
Syukur bagiMu.

*6. Doa Bapa Kami*

_KANTOR SINODE GKPS_