*IBADAH HARIAN KELUARGA GKPS*
*Kamis, 30 Juli 2026*
I. Bahasa Simalungun
*1. Doding Haleluya No. 347:1, 3*
Batu gingging na toguh, Ham do batar-batarhin
Na gogoh toguh do Ham, bai gilumbang tahan Ham
Sai hudilo Jesus in, tolong au anak-Mu on
Seng adong haposankin, pitah bai silang-Mu in
Bani hahurangankin, Ham ma patorsahon in
Anggo lang marhitei Ham, seng maluah au Tuhan
*2. Tonggo*
*3. Ayat Harian: 2 Samuel 22 : 2-3*
_“Nini ma, “Jahowa do batu gingging bangku, batar-batarhu pakon na paluahkon ahu. Naibatangku, batu ginggingku, hatengeran ni uhur bangku, gantarhu pakon tanduk ni haluahonku, paronding-ondinganku pakon haporusanku, pangurupi bangku, na mangurupi ahu hun bani odoh-odoh.”_
*4. Renungan*
Kuria na hinaholongan !
Ongga do idompakhon ham situasi na borat bani goluhmu? Sonaha do ham manlopusi ai ganupan? Tontu lang boi ibalosi anggo pitah marhitei utok-utokta tumang. Anggo roh ma sitaronon na banggal mungkin ma ai halani usahata na tumpur atap niombah na marulah, adong homa halak na mamusuhi hita. Golap anjaha lotir ma pangahap. Huja do ham mangadu? Sipata lang tarlintuni ganup goluh on janah ra do jomba use bani lombang na bagas. Sada do hansa pangaduanta aima Tuhan Naibata pargogoh na so tarimbang, na boi mangondingi hita humbani ganup mara na roh mandorab hita.
Suang sonai do homa na idompakkon si Daud bani goluhni, ija ibahen ma on gabe sada inggou laho mamuji Tuhan. Daud mangahapkon pansarihonon ni Jahowa na manatang ia arian pakon borngin, mangondingi ia humbani ganup musuh na sihol mamboiskon hosahni. Isobut bani renunganta sadarion: Nini ma, “Jahowa do batu gingging bangku, batar-batarhu pakon na paluahkon ahu. Naibatangku, batu ginggingku, hatengeran ni uhur bangku, gantarhu pakon tanduk ni haluahonku, paronding-ondinganku pakon haporusanku, pangurupi bangku, na mangurupi ahu hun bani odoh-odoh.
Tontu on do homa na gabe pengakuanta sadarion :
1. Lang ipaturut Tuhan ham gok bai paruntolon ibotoh do sonaha na masa bamu ronsi paruhuran ni jolma na inggot bamu. Songon Daud na dohor do tumang ia pakon si Saul. Halani ibuat si Daud do boruni si Saul gabe parinangonni hape boi do homa iuhurhon si Saul na mambuat hosahni halani ianggap gabe ancaman bani harajaonni, ianggap do Daud gabe saingan na borat bani goluhni.
2. Sai ijaga Tuhan do hita humbani pangagou, sonaha pe parahni janah gogohni munsuh na sihol mandorap hita. Ingat ham ma: gogohan do Tuhan marimbang persoalanmu sadarion. Halani ai totap ma hita martenger ni uhur hubani Jahowa. Ipaluah do hita humbani sagala pangagou.
3. Bilangi hita ma pasu-pasu ni Tuhan manipat bani goluhmu, aima hitei ta laho mamuji pasangapkon Tuhan aima homa idodingkon janah isaksihon hita laho mampargogohi halak na legan. Ase goluhta on gabe pasu-pasu ija pe hita marianan. Amen.
*5. Doding Haleluya No. 451 : 1+3*
Sihol do uhurhu patimbulhon Ham Jahowa,
na pagoluhkon au pardousa
Sanggah na hudilo, goran-Mu lao mangurupi,
sirsir do Ham roh mambalosi
Itogu Ham do, au humbai lombang bagas,
in ma ianan hagolapan
Sai boban Ham ma au hu nagoriatas,
ase tongtong marhasonangan
Ham do patorsahon, pardalanan ni goluhku,
ase ulang ahu tarbador
Ham do parlingodan, dolog batu baen gantarhu,
ase boi au marmalas uhur
Itogu Ham do, au humbai lombang bagas,
in ma ianan hagolapan
Sai boban Ham ma au hu nagoriatas,
ase tongtong marhasonangan
*6. Tonggo Ham Bapa Nami*
II. Bahasa Indonesia
*1. Nyanyian Pujian: Kidung Jemaat No : 37 : 1+3*
Batu Karang yang teguh, Kau tempatku berteduh.
Kar’na dosaku berat dan kuasanya menyesak,
oh, bersihkan diriku oleh darah lambungMu.
Tiada lain kupegang, hanya salib dan iman;
dalam kehampaanku kudambakan Rahmat-Mu.
Tanpa Dikau, Tuhanku, takkan hidup jiwaku.
*2. Doa*
*3. Ayat Harian: 2 Samuel 22 : 2-3*
_“Ia berkata: “Ya, Tuhan, bukit batuku, kubu pertahananku dan penyelamatku, Allahku, gunung batuku, tempat aku berlindung,perisaiku, tanduk keselamatanku, kota bentengku,tempat pelarianku, juruselamatku;Engkau menyelamatkan aku dari kekerasan. ”_
*4. Renungan*
Saudara yang dikasihi Tuhan !
Jemaat yang dikasihi Tuhan! Pernahkah anda merasakan situasi yang sangat berat dalam hidupmu? Bagaimanakah anda bisa melintasi semua perkara itu sampai hari ini ? Terkadang tidak bisa kita jawab dengan akal pikiran kita sendiri. Saat perkara besar menerpa hidup kita, mungkin itu usaha kita bangkrut, anak-anak yang tidak bisa terkendalikan lagi, ada pula orang yang memusuhi kita. Tentu dunia rasanya gelap gulita. Kepada siapakah kita harus mengadu? Terkadang kita harus tertatih melintasi hari-hari, atau mungkin kita bisa masuk dalam jurang yang dalam. Hari ini Firman Tuhan memberi kekuatan kepada kita, ada Tuhan tempat kita mengadu, Dialah Allah sumber kekuatan kita yang bisa melindungi kita dari semua mara bahaya yang mengancam kehidupan kita .
Kita belajar dari pengalaman hidup Daud, dia mengubah kepahitan hidupnya menjadi syair lagu untuk memuji Tuhan. Bagaimana ia dikejar oleh musuhnya dan juga Raja Saul yang berniat untuk membunuhnya. Daud merasakan bagaimana pemeliharaan Tuhan siang dan malam. Menjaga dia dari semua musuh yang ingin mencabut nyawanya. Disebut dalam teks Firman Tuhan bagi kita hari ini : Ia berkata: “Ya, Tuhan, bukit batuku, kubu pertahananku dan penyelamatku, Allahku, gunung batuku, tempat aku berlindung, perisaiku, tanduk keselamatanku, kota bentengku, tempat pelarianku, Juruselamatku; Engkau menyelamatkan aku dari kekerasan. Tentu ini jugalah yang menjadi pengakuan kita hari ini :
1. Tuhan tidak membiarkan hidup kita tetap dalam duka, Dia tau apa yang ada disekeliling kita sampai kepada kedalaman hari kita juga pikiran orang-orang yang ada disekitar kita. Seperti Daud yang punya relasi mertua dan menantu, dimana Daud telah memperistri putri Saul. Tetapi bisa saja muncul iri, dengki dihati Saul karena dia menganggap Daud telah menjadi saingan terberat yang ingin merebut tahta kerajaannya.
2. Tuhan tetap menjaga kita dari semua mara bahaya, sekalipun banyak badai yang menerpa. Ingatlah, Tuhan lebih besar dari persoalanmu hari ini. Karena itu tetaplah percaya kepada Tuhan.
3. Mari kita menghitung berkat pemeliharaan Tuhan dalam hidup kita. Tidak ada alasan bagi kita untuk tidak memuji Tuhan. Mari kita melihat dan menyaksikan kebaikan-Nya. Biarlah lewat badai persoalan kita juga menguatkan sehingga kitapun tetap menjadi berkat dimanapun kita berada. Amin
*5. Nyanyian Pujian: Kidung Jemaat N0. 438: 1-2*
Apapun juga menimpamu, Tuhan menjagamu.
Naungan kasih-Nya pelindungmu, Tuhan menjagamu.
Refrein:
Tuhan menjagamu waktu tenang atau tegang,
Ia menjagamu, Tuhan menjagamu.
Bila menanggung beban berat, Tuhan menjagamu.
Masa depanmu kelam pekat? Tuhan menjagamu.
Refrein:
Tuhan menjagamu waktu tenang atau tegang,
Ia menjagamu, Tuhan menjagamu.
*6. Doa Bapa Kami*
_KANTOR SINODE GKPS_
