*IBADAH HARIAN KELUARGA GKPS*
*Selasa, 7 April 2026*
I. Bahasa Simalungun
*1. Doding: Haleluya No. 17:1-2*
Jesus roh hanai hujon, lao mangindo hagoluhan
Ai pe roh ma Ham hujon, janah baen ma pardomuan
Tonduy-Mu pa tonduy nami ulang merap uhur nami.
Golap uhurnami on, nin homa pambotoh nami.
Anggo seng Tonduy-Mu in, paliharhon uhurnami.
Ningon Ham do patureihon dalan sidogeionnami.
*2. Tonggo*
*3. Ayat Harian: 1 Musa 1:27*
_“Jadi itompa Naibata ma jolma in songon rupa-Ni, songon rupa ni Naibata do itompa sidea; dalahi pakon naboru do sidea itompa.”_
*4. Renungan: “Naibata do Sitompa”*
Kuria na hinaholongan ni Tuhan. Hunja do asal usul ni jolma? Nini pandapot ni evolusi Darwin mangkatahon paboa jolma aima humbani proses makroevolusi “humbani amuba gabe jolma.” Pandapot on porsaya paboa kompleksitas angkula ni jolma janah tata surya, ampa hinajenges ni tanoh on, ronsi ganup gagasan pasal moral pakon etika na tubuh humbani gogoh ni alam biologis pakon fisik na pitung, lang rasional janah lang marmoral on.
Pandapot ni Bibel humbani na tarsurat bani 1 Musa 1:26-27, Marsahap ma use Naibata, “Tompa Hita ma jolma songon rupan-Ta, pakon songon parlahouta, ase irajai sidea dengke na i laut, manuk-manuk na i awang-awang, pinahan, pakon ganup tanoh on, ampa sagala binatang na manjulur i atas tanoh on.” Jadi itompa Naibata ma jolma in songon rupa-Ni, songon rupa ni Naibata do itompa sidea; dalahi pakon naboru do sidea itompa. Humbani ayat on ihatahon janah ihaporsayai hita paboa jolma pitah do itompa Naibata, aima na itompa Naibata na manongtong, gok holong ampa na manggoluh. Nini songon rupa ni Naibata do jolma ai itompa artini ijon sedo ibagas pangarusion angkula, fisik, halani Naibata aima Tonduy do, janah lang taridah marhitei panonggor. Tapi gabe sarupa pakon sa gambar pakon Naibata aima jolma boi mananda janah markomunikasi pakon-Si, janah Ia pakon manisia. Jolma in itompa marbeda pakon tinompa na legan, halani iondoskon tonduy, aima humbani Naibata. Ibagas tonduy boi do hita marjumpa pakon Tuhanta in. Hunjon ma jolma in gabe marpangarusion, adong pingkiran ampa maruhur, na hunjai dapot ma mananda na sintong pakon na lepak, ampa gabe boi mananda, mambotoh ampa mambalosi harosuh ni Naibata. Hunjon mararti paboa jolma in martanggungjawab hubani Naibata, Sipanompa in. Janah Naibata ma homa na markuasa laho mamareksa pingkiran ampa parlahou ni jolma in. Itandai hita do Naibata janah isombah hita Ia bani goluhta on. On lang marlaku bani tinompa na legan.
Jolma in porsaya bani Naibata halani mangidah sonin ma marragam ni na tinompa in taratur bani tanoh on, na boi tarjalo akal paboa adong na maranggi pasal on ganup aima Naibata. Jolma porsaya age marhitei angkula ni jolma na sonin maholni mangarusi pardongni, humbani DNA ibagas sel, sonaha mata pakon otak marhorja. Sonai homa mangidah pardongni tata surya na taratur ai, tontu adong do manranggi ai ganup aima Naibata. Age ronsi sonaha pardongni teknologi na lambin canggih on, jam, computer, telepon, pesawar, stasiun luar angkasa pnl. Hinajenges ni tanompa on, tontu ganupan on adong na manompa aima Naibata. Ganup aima na tinompa ni Naibata janah ganup adong standard ni humbani Naibata.
Manisia marhitei pingkiran pakon pambotohni boi do meneliti atap mengklaim paboa jolma in ai humbani materi na dob hun tanoh on na tarjadi secara evolusi. Tapi selaku jolma na dob isondangi Ambilan Namadear hita tontu hita on, aima halak na idilo gabe halak na porsaya paboa hita on aima tinompa ni Naibata, sarupa ampa sagambar pakon-Si. Sonai do homa pasal buei halak na lang porsaya paboa Jesus domma puho humbani na matei. Tapi fakta sejarah ampa buei halak na dob ipakei Tuhan laho mangkatahon hasintongan janah torus marsaksi paboa Jesus aima Anak ni Naibata. Tarjola halak na porsaya do ai. Halani Tuhan na isombah hita ai aima Tuhan na markuasa manompa, manramotkon ampa paluahkon na tinompani. Sadalan do horja ni Tuhan, humbani panompaon das hubani na paluahkon dunia on humbani dousa ampa hamateian marhitei Jesus Kristus Tuhanta in, janah pasirsirhon hagoluhan na manongtong bani ganup na porsaya Bani. Halani ai lang pala ganggu uhurta pori buei pe na lang porsaya paboa hita tinompa ni Naibata. Hita halak na porsaya ningon torus ma mangarusi hasarupaon ampa hasagambaranta pakon Naibata ai bani goluhta on, secara utuh ipataridah hita ma paboa sagambar do hita pakon Tuhan laho patalarkon hasangapon-Ni, marhitei na totap mangkaholongi Tuhan, mangkaholongi hasoman, manggoluh ibagas hasintongan ampa pambalosion hubani Tuhanta in sadokah manggoluh hita. Amen.
*5. Doding: Haleluya No. 239:1-2*
Pitah sada Naibatanta, na manompa ganup in
Na taridah bai matanta, ’ge na so taridah in
Sai tandai ma ruhut-Niin, ulang kahou uhurmin
Seng marbona Naibatanta, ’ge ujung ni pe seng dong
Seng taridah bai matanta, ai rupani Tonduy do
Mata ni uhurta da boi mananda Naibata
*6. Tonggo Ham Bapanami*
II. Bahasa Indonesia
*1. Nyanyian: Kidung Jemaat No. 17:1-2*
Tuhan Allah hadir pada saat ini. Hai sembah sujud disini.
Diam dengan hormat, tubuh serta jiwa, tunduklah menghadap Dia.
Marilah, umatNya, hatimu serahkan dalam kerendahan.
Tuhan Allah hadir, Yang dimuliakan dalam sorga siang – malam
“Suci, suci, suci” untuk selamanya dinyanyikan malak sorga.
Ya Allah, t’rimalah pujian jemaat beserta malaikat.
*2. Doa*
*3. Ayat Harian: Kejadian 1:27*
_”Maka Allah menciptakan manusia itu menurut gambar-Nya, menurut gambar Allah diciptakan-Nya dia; laki-laki dan perempuan diciptakan-Nya mereka.”_
*4. Renungan: “Allah Sang Pencipta”*
Jemaat yang terkasih di dalam Tuhan. Dari manakah asal usul manusia? Pandangan evolusi Darwin menyatakan bahwa manusia adalah hasil dari proses makroevolusi “dari amuba menjadi manusia.” Pandangan ini percaya bahwa kompleksitas tubuh manusia dan tata surya, keindahan alam, serta semua gagasan tentang moral dan etika berasal dari kekuatan alam biologis dan fisik yang buta, tidak rasional, dan tidak bermoral.
Pandangan Alkitab dalam Kejadian 1:26-27, lalu Allah berfirman: “Baiklah kita menjadikan manusia menurut gambar dan rupa kita, supaya mereka berkuasa atas ikan-ikan di laut dan burung-burung di udara dan atas ternak dan atas seluruh bumi dan atas segala binatang melata yang merayap di bumi.” Dari ayat ini dinyatakan dan dipercaya bahwa manusia diciptakan secara khusus oleh Allah yang kekal, hidup, dan penuh kasih. Gambar Allah dalam diri manusia tidak mengacu pada ciri fisik karena Allah adalah Roh yang kekal dan tidak kelihatan yang tidak pernah dilihat manusia. Menjadi serupa dengan gambar Allah berarti manusia dapat mengenal Allah dan berkomunikasi dengan-Nya, dan Dia dengan kita. Ini berarti kita adalah makhluk rasional dengan hati nurani, yang dapat mengetahui yang benar dan yang salah, serta dapat mendengar, memahami, dan menaati kehendak Allah. Ini juga berarti bahwa kita bertanggung jawab kepada Allah dan bahwa Allah menilai pikiran serta perilaku kita. Kita mengenal Allah dan menyembah-Nya. Hal ini tidak berlaku bagi makhluk lain dalam seluruh ciptaan.
Orang percaya kepada Allah karena mereka melihat kompleksitas yang teratur dalam alam semesta yang paling masuk akal dijelaskan oleh perancang tertinggi, yaitu Allah. Mereka percaya bahwa kerumitan tubuh manusia, seperti DNA dalam sel, cara kerja mata dan otak, serta ketepatan tata surya, memerlukan seorang perancang, yaitu Allah. Sebagaimana kompleksitas jam, komputer, telepon seluler, pesawat jet, stasiun luar angkasa, dan mobil memerlukan perancang dan pembuat, maka orang percaya mengatakan bahwa wajar jika kompleksitas manusia dan alam semesta juga menuntut adanya perancang dan perencana. Keindahan dunia alam yang menakjubkan menunjukkan adanya pikiran ilahi di balik semuanya. Keberadaan moral objektif dan praktik etika juga menunjukkan adanya sumber dan standar ilahi.
Manusia dengan pikiran dan pengetahuannya bisa saja meneliti dan mengklaim manusia berasal dari materi yang ada bumi ini yang terjadi secara evolusi. Namun sebagai manusia yang telah diterangi Injil, tentu kita adalah orang yang telah dipanggil untuk percaya bahwa kita diciptakan oleh Allah, segambar dan serupa denganNya. Sama halnya ketika banyak orang yang tidak percaya tentang Yesus yang bangkit dari kematian. Namun fakta sejarah dan orang-orang yang dipakai Allah untuk menyatakan kebenaran terus bersaksi bahwa Yesus adalah Anak Allah, yang telah mati, dikuburkan dan bangkit pada hari yang ketiga. Bagi orang percaya ini cukup untuk meyakinkan bahwa Allah, pencipta, pemelihara dan penyelamatan kita di dalam Yesus Kristus yang kita rayakan kebangkitan-Nya, dan memberi kita kehidupan kekal. Maka marilah kita terus memaknai kesegambaran kita dengan Allah itu dengan memakai hidup kita secara utuh untuk mencerminkan kemuliaan-Nya, kita semakin mengasihi Allah, hidup dalam kebenaran dan ketaatan di sepanjang hidup kita. Amin.
*5. Nyanyian: Kidung Jemaat No. 82:1-3*
Jurus’lamat, datanglah, Allah da Manusia,
biar dunia terkelu kar’na kelahiranMu.
Roh dan Firman yang kudus menghadirkan wujudMu:
Allah mahamulia dalam rupa yang rendah!
Anak dara bundaMu: Kau manusia penuh,
Kediaman Roh Kudus; dosa kami Kautebus.
*6. Doa Bapa kami*
_KANTOR SINODE GKPS_
