*IBADAH HARIAN KELUARGA GKPS*
*Selasa, 7 Juni 2026*
I. Bahasa Simalungun
*1. Doding: Haleluya No. 451:1-2*
Sihol do uhurhu patimbulhon Ham Jahowa,
na pagoluhkon au pardousa
Sanggah na hudilo, goran-Mu lao mangurupi,
sirsir do Ham roh mambalosi
Itogu Ham do, au humbai lombang bagas,
in ma ianan hagolapan
Sai boban Ham ma au hu nagoriatas,
ase tongtong marhasonangan
Ganupan munsuhku, seng ilopas Ham marmegah,
manangkut au baen jabolonni
Ipatudu Ham do, au bai dalan na gok tuah,
tongtong do Ham mangkasomani.
Itogu Ham do, au humbai lombang bagas,
in ma ianan hagolapan
Sai boban Ham ma au hu nagoriatas,
ase tongtong marhasonangan.
*2. Tonggo*
*3. Ayat Harian: Maleaki 1:11*
_“Ai hun hapoltakan das hu hasundutan timbul do goran-Ku i tongah-tongah ni bangsa-bangsa anjaha bani ganup ianan igalangkon do dahupa bani goran-Ku ampa galangan sipanganon na pitah; ai timbul do goran-Ku i tongah-tongah ni bangsa-bangsa,” nini Jahowa Zebaot.”_
*4. Renungan: “Totap Patimbulhon Naibata”*
Kuria na hinaholongan ni Tuhan. Gati do halak mangahap paboa anggo domma mandalankon kebaktian secara rutin pasti ma marosuh Naibata. Hape, hatani Naibata paingatkon paboa na iharosuhkon Naibata lang pitah mandalankon horja parugamaon, tapi uhur na hormat janah pasangapkon-Si. Marhitei panonggoran on, Naibata maminsang Israel halani mangondoskon galangan na mabutak/martikas, halani ai ipadas do paboa dobni holi bani sada panorang bangsa-bangsa sihol roh mamboban galangan na mapansing hu-Bani. On mambobai hita laho manguhuri use domma sonaha panombahon ampa panggalanganta hubani Naibata? Parsombahan na martikas aima na taridah marhitei uhur na lang manghargai hapansingon ni Naibata. Panombahon na songon na dear idarat hape gabe lang mararti anggo lang iuduti marhitei na mandalankon holong, hormat, janah mambalosi Tuhan. Halani ai selaku halak na porsaya hita idilo laho mangondoskon goluhta gabe galangan na manggoluh, pansing, janah gabe rosuh ni Tuhan. Tuhan lang mangindahi rutinitas parugamaon hansa, tapi ningon iambahi uhur na sintong-sintong mangkaholongi Naibata.
Dob ai, hansi pe Israel gagal laho manghormati Naibata, tapi anggo sura-suraNi seng anjai gagal. Tuhan mangkatahon paboa bangsa-bangsa na legan sihol pasangapkon goran-Ni. On mararti paboa hasangapon ni Naibata ai, lang marsigantung bani pitah sada bangsa hansa atap sada kelompok hansa. Halang-satiaon ni jolma lang hape boi manlanglangi sura-sura ni Naibata. Tontu hunjon mangajari hita ase torus martoruh ni uhur. Gabe bangsa pinilih sedo gabe alasan marmogah, tapi pandiloon ase manggoluh ibagas na satia. Boi do ipakei Tuhan atap ise pe na sirsir martoruh ni uhur janah pasangapkon goranNi.
Panjahaion on mangarah hubani hagogokni aima sanggah ganup bangsa-bangsa mananda janah manombah Naibata. Marhitei horja ni Jesus, haluahon ai lang be marsintig pitah bani sada bangsa hansa tapi tarbuka do hubani ganup halak na porsaya Bani. Naibata sanggah patumpuhon panombah-panombah na bulus uhur humbani suku, hata, ampa bangsa. Halani ai, gareja idilo ase maruhur na sadalan bani misi ni Naibata i dunia on. Hita lang pitah menikmati haluahon ai, tapi dihut do gabe saksi ase ganup halak mananda janah pasangapkon Naibata. Talup do Tuhan manjalo panombahon na pitah janah pansing humbani bangsaNi. Seng marosuh Ia bani formalitas, rutinitas tapi uhur na pitah manghormati ampa pasangapkon Tuhan. Hansi pe gagal jolma in, hasangapon ni Naibata ningon do totap ai, halani lang ongga sundat sura-sura ni Naibata. Sai ra ma ganup hita sirsir lang pitah ringgas bani kegiatan parugamaon, tapi gabe sipanombah na sintong mangondoskon goluh, pambalosi, janah marholong bani Naibata bani ganup ari. Marhitei goluhta, marsangap ma Naibata das huujung ni tanoh on. Amen.
*5. Doding Haleluya No. 459:1-2*
O Tuhan tiap jam, au mamorluhon Ham.
Ai ham tumang na boi, pasonang uhurhin.
Bai haganup ianan, Ham do hupindahi.
Na roh do au sonari, holong ma Ham.
O, Tuhan tiap jam, sai hasomani au.
Ai anggo rapkon Ham, sibolis in pe lao.
Bai haganup ianan, Ham do hupindahi.
Na roh do au sonari, holong ma Ham.
*6. Tonggo Ham Bapanami*
II. Bahasa Indonesia
*1. Nyanyian: Kidung Jemaat No. 46:1-2*
Besarkan nama Tuhan, Haleluya
KasihNya tak berkurang
Haleluya! Sekalipun keluhan menimpa umatNya
BerkatNya ditemukan, Haleluya
DibriNya hidup baru, gelap menjadi trang
SabdaNya besertamu di ngarai yang kelam
Hai kamu yang selalu padaNya berpegang
Tak usah ragu-ragu: tuntunanNya tent’ram
*2. Doa*
*3. Ayat Harian: Maleakhi 1:11*
_”Sebab dari terbitnya sampai kepada terbenamnya matahari nama-Ku besar di antara bangsa-bangsa, dan di setiap tempat dibakar dan dipersembahkan korban bagi nama-Ku dan juga korban sajian yang tahir; sebab nama-Ku besar di antara bangsa-bangsa, firman TUHAN semesta alam.”_
*4. Renungan: “Senantiasa Meninggikan Allah”*
Jemaat yang terkasih di dalam Tuhan. Sering kali manusia mengira bahwa ibadah yang dilakukan secara rutin pasti berkenan kepada Allah. Namun, firman Tuhan mengingatkan bahwa yang Allah kehendaki bukan sekadar kegiatan keagamaan, melainkan hati yang menghormati dan memuliakan-Nya. Melalui nubuat ini, Allah menegur Israel karena mempersembahkan korban yang tercemar, sekaligus menyatakan bahwa suatu hari nanti bangsa-bangsa lain akan datang membawa persembahan yang kudus kepada-Nya. Kebenaran ini mengajak kita merenungkan kembali kualitas penyembahan kita di hadapan Tuhan. Israel tetap mempersembahkan korban, tetapi hati mereka jauh dari Allah. Persembahan yang cacat mencerminkan sikap hati yang tidak lagi menghargai kekudusan Tuhan. Ibadah yang tampak benar di luar dapat kehilangan maknanya apabila tidak disertai kasih, hormat, dan ketaatan kepada Allah. Sebagai orang percaya, kita dipanggil untuk mempersembahkan hidup sebagai korban yang hidup, kudus, dan berkenan kepada-Nya. Tuhan tidak mencari rutinitas keagamaan semata, tetapi hati yang sungguh-sungguh mengasihi-Nya.
Lalu, meskipun Israel gagal menghormati Allah, rencana-Nya tidak pernah gagal. Tuhan menyatakan bahwa bangsa-bangsa lain akan memuliakan nama-Nya. Hal ini menunjukkan bahwa kemuliaan Allah tidak pernah bergantung pada satu bangsa atau kelompok tertentu. Ketidaksetiaan manusia tidak dapat menggagalkan maksud Allah. Kebenaran ini seharusnya menumbuhkan kerendahan hati. Menjadi umat pilihan bukan alasan untuk bermegah, melainkan panggilan untuk hidup setia. Tuhan dapat memakai siapa saja yang mau merendahkan diri dan menghormati namaNya.
Nubuat ini mengarah kepada penggenapan ketika semua bangsa mengenal dan menyembah Tuhan. Melalui karya Kristus, keselamatan tidak lagi terbatas pada satu bangsa, tetapi terbuka bagi semua orang yang percaya kepadaNya. Allah sedang mengumpulkan penyembah-penyembah sejati dari setiap suku, bahasa, kaum, dan bangsa. Karena itu, gereja dipanggil untuk memiliki hati yang selaras dengan misi Allah bagi dunia. Kita bukan hanya menikmati keselamatan, tetapi juga menjadi saksi agar semakin banyak orang mengenal dan memuliakan Tuhan. Sebab, Allah layak menerima penyembahan yang murni dari umat-Nya. Ia tidak berkenan pada ibadah yang hanya menjadi formalitas, tetapi berkenan pada hati yang menghormati-Nya dengan tulus. Sekalipun manusia gagal, kemuliaan Allah akan tetap dinyatakan di seluruh bumi, sebab rencana-Nya tidak pernah dapat digagalkan. Kiranya setiap kita tidak hanya menjadi orang yang rajin beribadah, tetapi juga menjadi penyembah sejati yang mempersembahkan hidup, ketaatan, dan kasih kepada Tuhan setiap hari. Dengan demikian, melalui hidup kita, nama Tuhan semakin dimuliakan sampai ke ujung bumi. Amin.
*5. Nyanyian: Kidung Jemaat No. 457:1-2*
Ya Tuhan, tiap jam ‘ku memerlukanMu,
Engkaulah yang memb’ri sejahtera penuh.
Setiap jam, ya Tuhan, Dikau kuperlukan;
‘ku datang, Jurus’lamat, berkatilah!
Ya Tuhan, tiap jam dampingi hambaMu;
jikalau Kau dekat, enyah penggodaku.
Setiap jam, ya Tuhan, Dikau kuperlukan;
‘ku datang, Jurus’lamat, berkatilah!
*6. Doa Bapa kami*
_KANTOR SINODE GKPS_
About the Author
