*IBADAH HARIAN KELUARGA GKPS*
*Selasa, 04 Agustus 2026*
I. Bahasa Simalungun
*1. Doding: Haleluya No. 308:1-2*
Jesus na manobus ahu sai tangihon au
Ulang lupa Ham hubangku tatap Ham ma au
Jesus, Jesus sai tangihon au
Ulang lupa Ham hubangku pasu-pasu au
Tuhan Jesus na gok holong, sai paluah au
Se toguh haporsayaon au ma rupei-Mu
Jesus, Jesus, sai tangihon au
Ulang lupa Ham hubangku pasu-pasu au
*2. Tonggo*
*3. Ayat Harian: 2 Raja-raja 19:19*
_“On pe, Ham Jahowa, Naibatanami, sai paluah Ham ma hanami hun tanganni, ase itanda haganup harajaon na i atas tanoh on, paboa Ham tumang hansa Naibata, Ham Jahowa.”_
*4. Renungan: “Ipaluah bahen hadearonta pakon hasangapon Tuhan”*
Kuria na hinaholongan ni Tuhan. Panorang sanggah Raja Hiskia mangindo pangurupion hubani Tuhan i tongah ni na mandompakkon ancaman humbani harajaon Assur, ia lang pitah mamingkirkon pasal haluahon ni bangsani. Ibalik tonggoni buni do sihol ni uhur na banggal aima ase ganup bangsa na i tanoh on mananda paboa pitah Tuhan do Naibata na sintong. Ayat on mangajarhon sada prinsip haporsayaon na porlu tumang paboa Tuhan paluahkon bangsa-Ni sedo bahen haporluan ni bangsa ai hansa tapi laho pasangapkon goran-Ni Tuhan. Haluahon na ijalo hita ai sedo gabe ujungni tujuan tapi gabe bona ni laho mambalosi pandiloon manaksihon ise Naibata hubani dunia on.
Gati do hita mangidah paboa haluahon ai pitah hubani hinaporluni bani dirinta sandiri hansa marhitei na isasap dousanta, goluhta ipasuang, tonggonta ibalosi, ampa pangarapan bani hagoluhan simagira. Ganupan on iparhatongon hita gabe sibere-bere ni Tuhan na banggal do. Tapi hata ni Tuhan mangajarkon hubanta paboa bani Naibata adong ope tujuanni na tang sibanggalan. Marhitei goluh ni halak na dob ipaluah ai, goran-Ni Tuhan lambin itanda, ipasangap, ipuji sagala bangsa.
Halani ai, pargoluhanni halak na porsaya lang marpusat bani dirini sandiri. Idilo do hita ase manggoluh ibagas hadearon ase halak na legan boi mangidah holong, hapansingon ampa kuasa ni Naibata, marhitei parsahap, parlahou, ampa pangidangionta. Gareja lang pitah ianan laho martumpu hansa, tapi gabe parugas ni Naibata laho mamboban ambilan na madear hubani halak na lape mananda Kristus. Halani nuan on, jutaan jolma na lang ope manangar pasal ambilan na madear in ibagas na torang. Halani ai ipaingat do hita, paboa amanat agung ai lang ope targoki janah lape salosei. Naibata mangkasiholhon ase ganup halak na porsaya marhitei tonggo, hasaksian ni goluh pakon pangidangion ampa marhitei na mangurupi horja zending, ase lambin buei halak mananda Jesus Kristus, Tuhan ampa Sipaluah.
Sai dingat hita ma paboa tujuan ni goluhta sedo pitah laho mandaihon pasu-pasu ni Tuhan hansa, tapi gabe parugas laho pasangapkon-Si i tongah ni dunia on. Martarimakasih ma hita tiap-tiap ari halani haluahon na dob ijalo hita marhitei Jesus Kristus. Pataridahkon hita ma goluh na pasangap Tuhan, ase halak na legan boi mangidah pambahenan ni Tuhan marhitei pargoluhanta. Janah totap manonggohon bangsa-bangsa na lang ope mananda Kristus janah sirsir mangurupi horja zending marhitei na boi idalankon hita. Parpudi sahali, totap ma hita marsungkun bani dirinta sandiri: Sonah goluhta sadarion bueinan do hita patunggungkon dirinta atap bueian do pasangapkon Naibata? Amen
*5. Doding Haleluya No. 338:1-2*
Togu Ham ma au o Tuhan bai goluh dunia on
Na gogoh do Ham parholong, togu au na galek on
Roti surga, roti surga, in ma sipanganonkin
in ma hagoluhankin
Bere Ham bah hagoluhan na pamalum uhurhon
Ham mardalan i lobeihu rapkon tiang hombun in
Ham Jesusku, Ham Tuhanku, Ham na gabe gantarhin
Ham ma haluahonkin
*6. Tonggo Ham Bapanami*
II. Bahasa Indonesia
*1. Nyanyian Kidung Jemaat No. 26:1-2*
Mampirlah, dengar doaku, Yesus Penebus
Orang lain Kauhampiri, jangan jalan t’rus
Yesus, Tuhan, dengar doaku;
Orang lain Kauhampiri, jangan jalan t’rus.
Di hadapan takhta rahmat aku menyembah
tunduk dalam penyesalan. Tuhan tolonglah!
Yesus, Tuhan, dengar doaku;
Orang lain Kauhampiri, jangan jalan t’rus.
*2. Doa*
*3. Ayat Harian: 2 Raja-raja 19:19*
_”Maka sekarang, ya TUHAN, Allah kami, selamatkanlah kiranya kami dari tangannya, supaya segala kerajaan di bumi mengetahui, bahwa hanya Engkau sendirilah Allah, ya TUHAN.”_
*4. Renungan: “Diselamatkan untuk kebaikan kita dan kemuliaan Tuhan”*
Jemaat yang terkasih di dalam Tuhan. Ketika Raja Hizkia memohon pertolongan kepada Tuhan di tengah ancaman kerajaan Asyur, ia tidak hanya memikirkan keselamatan bangsanya. Di balik doanya tersimpan kerinduan yang lebih besar, yaitu agar seluruh bangsa di bumi mengenal bahwa hanya Tuhan adalah Allah yang benar. Ayat ini mengajarkan sebuah prinsip penting bahwa Allah menyelamatkan umat-Nya bukan hanya demi kebaikan mereka, tetapi juga demi kemuliaan nama-Nya. Keselamatan yang kita terima bukanlah tujuan akhir, melainkan awal dari sebuah panggilan untuk menyatakan siapa Allah kepada dunia.
Sering kali kita memandang keselamatan hanya dari sisi manfaatnya bagi diri kita sendiri karena dosa diampuni, hidup dipulihkan, doa dijawab, dan ada pengharapan akan hidup kekal. Semua itu benar dan merupakan anugerah yang luar biasa. Namun firman Tuhan mengajarkan bahwa Allah memiliki tujuan yang lebih besar. Melalui hidup orang-orang yang telah diselamatkan, namaNya harus dikenal, dihormati, dan dimuliakan oleh segala bangsa.
Karena itu, kehidupan orang percaya tidak boleh berpusat pada diri sendiri. Kita dipanggil untuk hidup sedemikian rupa sehingga orang lain melihat kasih, kekudusan, dan kuasa Allah melalui perkataan, sikap, dan pelayanan kita. Gereja juga bukan sekadar tempat berkumpul, tetapi menjadi alat Tuhan untuk membawa kabar sukacita kepada mereka yang belum mengenal Kristus. Hari ini masih ada jutaan orang yang belum pernah mendengar Injil dengan jelas. Ini mengingatkan kita bahwa Amanat Agung belum selesai. Allah ingin memakai setiap orang percaya melalui doa, kesaksian hidup, pelayanan, maupun dukungan terhadap misi agar semakin banyak orang mengenal Yesus Kristus sebagai Tuhan dan Juruselamat.
Marilah kita mengingat bahwa tujuan hidup kita bukan hanya menikmati berkat Allah, tetapi juga menjadi sarana agar kemuliaan-Nya dinyatakan kepada dunia. Bersyukurlah setiap hari atas keselamatan yang telah Allah berikan melalui Yesus Kristus. Hiduplah dengan cara yang memuliakan Tuhan sehingga orang lain dapat melihat karyaNya dalam hidupmu. Dan berdoalah secara teratur bagi bangsa-bangsa yang belum mengenal Kristus dan dukunglah pemberitaan Injil sesuai kesempatan yang Tuhan berikan. Serta tanyakan kepada diri sendiri: Apakah hidup saya hari ini lebih banyak memuliakan diri sendiri atau memuliakan Allah? Amin
*5. Nyanyian Kidung Jemaat No. 412:1-2*
Tuntun aku, Tuhan Allah, lewat gurun dunia.
Kau perkasa dan setia; bimbing aku yang lemah.
Roti sorga, Roti sorga, puaskanlah jiwaku,
puaskanlah jiwaku.
Buka sumber Air Hidup, penyembuhan jiwaku,
dan berjalanlah di muka dengan tiang awanMu.
Jurus’lamat, Jurus’lamat, Kau Perisai hidupku,
Kau Perisai hidupku.
*6. Doa Bapa kami*
_KANTOR SINODE GKPS_
About the Author
