*IBADAH HARIAN KELUARGA GKPS*
Senin, 7 September 2026

I. Bahasa Simalungun

*1. Doding: Haleluya No. 3:1+3*

Sai Puji Naibata ai holong tong atei-Ni
Malayak tong homa bai ganup tinompa-Ni.
Megah ma hita on, mamuji Naibata.
Ai sasap dousa on, ibahen Naibata

Halani ai talup na bere ma uhurta
Bai Naibata unduk ampa Jesus Tuhanta
Sonai ‘ge Tonduy in na roh hubanta on
Gantih ni Jesus in, pujion do tongtong.

*2. Tonggo*

*3. Ayat Harian: Pangukabon 21:6*

_”Lanjar ihatahon ma hubangku: “Domma saud! Ahu do Alpa pakon Omega. Bonani pakon Ujungni. Bereon-Ku do minum halak na horahan humbani bah tubuh hagoluhan, seng pala marpamboli.”_

*4. Renungan*
Kuria ni Tuhan,
Bani ujung ni abad na parlobei, sunsah do situasi ni kuria-kuria Kristen. Hasatiaon hubani Kristus sedo pilihan na bebas resiko. Idompakhon sidea do tekanan humbani lingkungan sosial ni sidea pakon tuntutan ase menyesuaihon diri hubani goluh parugamaon pakon politik ni Kekaisaran Romawi; janah dong homa na manaron sitaronon ampa hamateian halani haporsayaonni. I tongah-tongah ni kondisi ai, Johannes sandiri mandompakhon isolasi ampa sitaronon halani hasatiaonni hubani Kristus. Ibagas sitaronon ni bangsa-Ni, ibere Naibata do hubani si Johannes panonggoran pasal langit na bayu pakon tanoh na baru. Naibata patuduhkon anggo sitaronon sedo ujung ni janah kuasa-kuasa ni duniawi on sedo panontu akhir bani sejarah. Dob das si Johannes bani Pangungkabon 21, ibogei ma sora ni Naibata sandiri mangkatahon: “Domma saud, Ahu do Alpa pakon Omega, Bonani pakon Ujungni.” On ma sada pernyataan na pasti janah sintong. Dob ai, ipadas Naibata ma ontangan na lamlam hubani halak na horahan: “Bereonku do minum halak na horahan humbani bah tubuh hagoluhan, seng pala marpamboli.”

Kuria ni Tuhan, ayat on pataridahkon sada kenyataan: Naibata sedo Naibata na daoh; Ia aima Naibata na dohor bani goluh ni bangsa-Ni—dohor bani sitaronon ni sidea.
Ahu do Alpa pakon Omega. Alfa aima huruf na parlobei janah Omega aima huruf na parpudi bani alfabet Yunani. Pernyataan on lobih bagas marimbangkon pitah mangkatahon anggo Naibata domma adong bani mungkahni pakon ujungni; Naibata patugahkon bahwa ganup pardalanan ni sejarah ibagas tangan-Ni do. Ia sedo Naibata na mamungkah sada-sada horja dob ai misir, tapi Naibata na mangkasomani proses ai janah pasaudkon horja-Ni. Hasintongan on jumpahan hagogokni ibagas Kristus. Sanggah Kristus manjalo suruhan humbani Bapa laho paluahkon hajolmaon, lang satongah-satongah uhur-Ni mangkorjahon ai. Mardalan do Ia ibagas pambalosion das hu Golgata, manaron sitaronon ampa hamateian, dob ai humbani hayu parsilang do Ia marsurak, “Domma salosei”. Aha na ipungkah ibagas pambalosion hubani Bapa in domma salosei ibagas na sempurna marhitei pengorbanan-Ni. Halani ai Pilippi 1:6 mambere jaminan hubanta bahwa Ia na mamungkah sada horja na madear, Ia do na mandalankon ai das hubani ujungni.

Kuria ni Tuhan, sanggah songon na ganjang pardalanan ni goluh on, sanggah lalap boritan, sanggah susah ekonomi, anjaha sanggah masa depan songon na lang tontu—porsaya ma hita, seng itadingkon Naibata hita. Ra do lang ibotoh hita sonaha ujung ni pardalanan ai, tapi ijolom Tuhan do hita das hubani ujungni. Kristus mangkatahon, “sai hasomanan-Ku do hanima ganup ari, ronsi roh ujung ni dunia on” (Mateus 28:20). Halani ai, hasatiaon ni Naibata gabe onjolan bani hasationta sandiri. Mardalan ma hita sedo halani ibotoh hita ganup dalan na ilobeita, tapi halani porsaya hita bani Ia na gabe Alpa pakon Omega: Naibata na mamungkah, na mangkasomani, pakon na pasaloseihon berehononku do minum bani na horahan—lang pala margalar.
Dobkonsi ipatugahkon diri-Ni sebagai Alpha pakon Omega, Naibata marsahap hubani hajolmaon ibagas cara na sangat intim pakon pribadi: “Bereon-Ku do minum halak na horahan.” Ungkapan Yunani na ipakei aima tō dipsōnti—na marharohan humbani dipsaō (“haus/horahan”)—na martudu hubani sasahalak na mangahapkon horahan sonari.

Horahan on boi ipahami songon hasombuhon ibagas uhurta, atap pangahap na tarluka, kecewa, atap mabiar, lang ibotoh huja laho mangindo pangurupion. Dong na horahan bani hadameion ibagas kaluargani; na legan horahan bani keadilan dobkonsi iperlakuhon lang adil; korban kekerasan sihol ase merasa aman use; anjaha dakdanak masihol bani holong ni namatorasni. Hape, justru hubani halak na sonai do Kristus roh. Nini Jahowa, “bereon-Ku do minum halak na horahan.” On ma sada ontangan ase lambin orod hu-Bani. Bani ontangan on, ibere Naibata do “bah tubuh hagoluhan” aima bah tubuh na torus mabaor. Janah bah hagoluhan on ibere secara gratis/seng pala marpamboli, sibere-bere idop ni uhur—idop ni uhur na lang boi itukarhon hubani status, keberhasilan, arta, atap goluh na sempurna. Jadi, Kristus gabe sumber hagoluhan, mamboan hasonangan hubani ianan na horah bani hadirionta.
Idop ni uhur na totap mardalan.

Kuria ni Tuhan,
Idop ni uhur ni Naibata lang ongga maronti banta. Anggo roh hita hubani Kristus songon halak na horahan janah manjalo bah hagoluhan na ibere-Ni secara gratis, lang idilo hita laho patumpuhon hasonangan ai pitah bani dirinta sandiri. Halak na dob manjalo idop ni uhur idilo gabe saluran idop ni uhur. Boan hita ma Kristus hu dunia na horahan. Gabe bah tubuh ma ham bani halak na legan, ase marhitei goluhta, iahap sidea na adong ope pangarapan, holong, hapintoron ampa hagoluhan. Tenger ma uhurmu; Naibata do hasomanta. Amen

*5. Doding Haleluya No. 381:1-2*

Ringgas au pararatkon Hata-Ni Tuhan in,
ronsi hasangapon-Ni, ge holong uhurNiin.
Ambilan siharganan, Hata ni Tuhan in,
pasonang paruhuran ampakon Tonduy in.
Tongtong do marmulia barita ni Tuhanta,
sai lambin tarambilan Goranni Tuhan in.

Ringgas au mangkatahon Hata ni Tuhan in,
buei do halonganan humbani na hinan
Dihut ma au marulih bai hasonangan in,
janah huhaporluhon mangambilankon in.
Tongtong do marmulia barita ni Tuhanta,
sai lambin tarambilan Goranni Tuhan in.

*6. Tonggo Ham Bapanami*

II. Bahasa Indonesia

*1. Nyanyian Pelengkap Kidung Jemaat No. 14*

Kunyanyikan kasih setia Tuhan selamanya, selamanya.
Kunyanyikan kasih setia Tuhan selamanya,
kunyanyikan s’lamanya.
Kututurkan tak jemu kasih setiaMu,
Tuhan; kututurkan tak jemu
kasih setiaMu turun temurun.
Kunyanyikan kasih setia Tuhan selamanya, selamanya.
Kunyanyikan kasih setia Tuhan selamanya,
kunyanyikan s’lamanya.

*2. Doa*

*3. Ayat Harian: Wahyu 21:6*

_”Firman-Nya lagi kepadaku: ‘Semuanya telah terjadi. Aku adalah Alfa dan Omega, Yang Awal dan Yang Akhir. Orang yang haus akan Kuberi minum dengan cuma-cuma dari mata air kehidupan.”_

*4. Renungan*
Jemaat Tuhan,
Pada akhir abad pertama, jemaat-jemaat Kristen hidup dalam situasi yang tidak mudah. Kesetiaan kepada Kristus bukanlah pilihan tanpa risiko. Mereka harus berhadapan dengan tekanan dari lingkungan sosial, tuntutan untuk menyesuaikan diri dengan kehidupan keagamaan dan politik. Kekaisaran Roma, bahkan sebagian mengalami penderitaan dan kematian karena iman mereka. Di tengah keadaan itu, Yohanes juga menyaksikan bahwa ia mengalami keterasingan dan penderitaan karena kesetiaannya kepada Kristus. Dalam penderitaan umat-Nya Allah memberikan kepada Yohanes sebuah penglihatan tentang langit baru dan bumi baru. Allah memperlihatkan bahwa penderitaan bukanlah akhir cerita dan bahwa kekuasaan dunia bukanlah penentu terakhir sejarah. Ketika Yohanes sampai pada Wahyu 21, ia mendengar suara Allah sendiri berkata: “Semuanya telah terjadi. Aku adalah Alfa dan Omega, Yang Awal dan Yang Akhir.” Ini adalah sebuah deklarasi yang bersifat pasti dan otoratif. Dan kemudian Allah memberikan sebuah undangan yang sangat lembut kepada manusia yang sedang kehausan: “Orang yang haus akan Kuberi minum dengan cuma-cuma dari mata air kehidupan.”

Jemaat Tuhan, ayat ini menampilkan sebuah kenyataan, Allah bukanlah Tuhan yang jauh, Dia adalah Tuhan yang dekat dengan kehidupan umat-Nya, dekat dengan penderitaan umat-Nya. Aku adalah Alfa dan Omega.
Alfa adalah huruf pertama dan Omega adalah huruf terakhir dalam alfabet Yunani. Pernyataan ini jauh lebih dalam daripada sekadar mengatakan bahwa Allah ada di awal dan di akhir; Allah sedang menyatakan bahwa seluruh perjalanan sejarah berada dalam tangan-Nya. Ia bukan Allah yang memulai lalu meninggalkan, tetapi Allah yang menyertai proses dan membawa karya-Nya menuju kepenuhan. Kebenaran ini menemukan kepenuhannya di dalam Kristus. Ketika menerima misi dari Bapa untuk menyelamatkan manusia, Kristus tidak mengerjakannya setengah-setengah. Ia berjalan dalam ketaatan sampai ke Golgota, menanggung penderitaan dan kematian, lalu di kayu salib berseru, “Sudah selesai.” Apa yang dimulai dalam ketaatan kepada Bapa diselesaikan dengan sempurna melalui pengorbanan-Nya. Karena itu Filipi 1:6 memberikan keyakinan bahwa Dia yang telah memulai pekerjaan yang baik akan meneruskannya sampai kepada akhirnya.

Jemaat Tuhan, ketika perjalanan hidup terasa panjang, ketika sakit belum sembuh, ketika kehidupan perekonomian begitu sulit, ketika masa depan tampak tidak jelas, percayalah, Allah tidak meninggalkan kita. Kita mungkin tidak mengetahui bagaimana perjalanan itu akan berakhir, tetapi Tuhan memegang kita sampai akhir. Kristus berkata, “Aku menyertai kamu senantiasa sampai kepada akhir zaman” (Matius 28:20). Karena itu, kesetiaan Allah menjadi dasar bagi kesetiaan kita. Berjalanlah bukan karena kita mengetahui seluruh jalan di depan kita, tetapi karena kita percaya kepada Dia yang adalah Alfa dan Omega—Allah yang memulai, menyertai, dan menyelesaikan.

Orang yang haus akan Kuberi minum – dengan cuma-cuma
Setelah menyatakan bahwa Ia adalah Alfa dan Omega, Allah kemudian berbicara kepada manusia dengan sangat dekat dan pribadi: “Orang yang haus akan Kuberi minum.” Dalam bahasa Yunani digunakan ungkapan tō dipsōnti, yang berasal dari kata dipsaō, “haus,” dan menunjuk kepada seseorang yang sedang mengalami kehausan. Kehausan dapat diterjemahkan dengan hati kita kosong, terluka, kecewa, takut, dan tidak tahu harus mencari pertolongan ke mana. Ada orang yang haus akan kedamaian dalam keluarganya, ada yang haus akan keadilan setelah diperlakukan tidak adil, ada korban kekerasan yang hanya ingin merasa aman kembali, dan ada anak yang haus akan kasih orang tuanya. Namun justru kepada manusia seperti itulah Kristus datang. Tuhan berkata bahwa “Orang yang haus akan Kuberi minum.” Ini adalah undangan untuk datang lebih dekat kepada-Nya. Di dalam undangan itu Allah memberikan “mata air kehidupan” sebuah sumber yang terus mengalir. Dan air kehidupan itu diberikan dengan cuma-cuma, sebagai anugerah. Anugerah yang tidak dapat ditukar dengan jabatan, keberhasilan, kekayaan, atau kesempurnaan hidup. Demikianlah Kristus menjadi sumber kehidupan yang memberikan kesegaran pada bagian-bagian kehidupan yang mengalami kekeringan. Anugerah yang berkelanjutan

Jemaat Tuhan,
Anugerah Allah tidak pernah dimaksudkan untuk berhenti di dalam diri kita. Ketika kita datang kepada Kristus sebagai orang yang haus dan menerima air kehidupan yang diberikan-Nya dengan cuma-cuma, kita tidak dipanggil untuk menyimpan kesegaran itu hanya bagi diri sendiri. Orang yang telah menerima anugerah dipanggil untuk menjadi saluran anugerah.
Bawalah Kristus kepada dunia yang haus. Jadilah mata air bagi orang lain, dimana melalui kehidupan kita orang lain merasakan masih ada pengharapan, kasih, keadilan, dan kehidupan.
Semangat juang, Allah menyertai kita

*5. Nyanyian Kidung Pujian Tuhan Alfa dan Omega*

Kau Tuhan alfa dan omega
Dahulu s’karang dan s’lamanya
Namamu yang berkuasa
Menara perlindungan dari-Mu kudapat harapan baru

Kau Tuhan alfa dan omega.
Firmanmu mengubah s’galanya.
Yang tak pernah kulihat yang tak pernah kudengar
Itu yang engkau sediakan bagiku

Kuangkat suara nyanyikan syukur bagi nama mu
Yang besar dan berkuasa
Dengan kuatku ku terus maju lakukan perbuatan gagah perkasa
Didalam mu

*6. Doa Bapa Kami*

_KANTOR SINODE GKPS_