PA SEKSI BAPA GKPS
11 Oktober 2026 (19 Set. Trinitatis)
Nats : Matius 6:5-13
Tema : Doa Bapa Kami
Tujuan : Agar kaum bapa memahami makna doa Bapa kami
Parlobeini
Surat Injil Mateus on isuratkon isuratkon si Mateus, sahalak pemungut cukai na gabe susanni Jesus bani panorang ijia, bani tahun 70 M. Mateus manuratkon on hubani halak Jahudi na porsaya bahasa Jesus aima Mesias sipaluah. Bani panorang ai, halak Jahudi golgol tumang manghorjahon na madear, marpuasa ampa martonggo na gabe bukti disiplin rohani ni sidea. Tapi domma marhusor motivasi ni sidea. Haringgasonni sidea ai ihorjahon ase adong pengakuanni halak na legan / validasi pasal disiplin rohani ni sidea. Mateus manekanhon hubani sidea bahasa na tang siporlunan aima hubunganta hubani Naibata.
Anggo i pardiatei hita, teks ambilanta on aima bagian humbani “kotbah dibukit (Mat.5-7)” na tujuanni laho pasingatkon ase manggoluh na sintong ilobeini Naibata, lang pitah halani hasomalan atap terpaksa, tapi humbani gok ni uhur ma. Secara khusus bani teks ta on Jesus patorangkon pasal na martonggo.
Hatoranganni
Tonggo aima nafas hidup halak na porsaya. Sadokah manggoluh hita tontu marhosah do. Halani ai sadokah marhosah hita maningun martonggo do. Halak na porsaya hubani Jesus tapi lang martonggo, doskon songon halak na lang marhosah do ai. Tonggo aima salah sada hiteita pajumpah anjaha marbuali pakon Bapanta na i nagori atas. Ipasingat Jesus do hubani halak namabuei bani panoang ai anggo martonggo ulang songon halak sipakulah-kulah, na mangharosuhkon jongjong martonggo i rumah parguruan atap bani sirpang-sirpang, ase ididah halak (ay.5). Anggo halak na sonon, ianan tonggo ai do na iharosuhkon, sddo tonggo ai. Kesempatan ase i anggap pansing/kudus hansa na gabe motivasi ni sidea, sedo sonaha ase lambin dohor hubani Naibata. Sasintongni domma ijalo sidea upahni sidea. Tikki martonggo hita, adong hubungan emosional na madear ibangun hita pakon Naibata. Ase anggo pujianni halak do na i arapkon hita, upah na lang mararti do jumpah hita.
Tonggo na sintong aima tonggo na ipadas ibagas haporsayaon. Lang maningun ididah halak ase das tonggo ai hubani Bapa in. Tonggo sedo dalanta manorih pujian humbani hasoman na legan. Tonggo aima pasal hubunganta pakon Bapanta na i nagori atas. Aido ase ipatorang Jesus anggo martonggo, masuk ma hu kamar, tutup ma labah ai, martonggo ma hubani Bapa, ai sididah na ponop ai ma mambalosi ai (ay.6). Anggo idingat hita sonaha Ishak martonggo hu juma (padang) (1 Musa 24:63), Jesus hu dolog, atap Petrus na iatas ni rumah. Memang lang salah martonggo age ija pe, tapi anggo motivasi ni na laho pajuntul-juntulhon diri do, ai ma na lepak ai. Bani ayat 6 on na sihol ipasingat Jesus aima padaohkon sikap pamer. Aha na ipadas hita hubani Bapa, lang i hakimi halak na legan sehingga hita pe merasa lebih bebas. Bapanta aima sididah na ponop. Itonggor Bapa janah ijalo do hita tikki lang adong panonggorni halak mangidah hita laho mamuji hita.
Selain sikap na martonggo, ipasingat Jesus do homa pasal isini tonggo. Tonggo aima ungkapan paruhuran pasal pujianta hubani Bapa, hatarimakasihonta, malas ni uhurta, pangindoanta, holsohta ampa haganup na iahapkon hita. Nini Jesus do, ulang ma marganjang-ganjang songon sipajuh begu-begu, na mangagan tangihonon ni Naibata sidea halani bueini sahap ni sidea. Sasintongni ibotoh Bapa do na porlu banta, sanggah lape ipindo hita ai hubani. Halani ai lang pala marganjang-ganjang (bertele-tele). Tonggo lang pasal kata-kata indah na puitis na ipadas hita. Tonggo lang pasal susunan kalimat dengan gaya bahasa na tinggi janah formal. Tapi lang berarti tonggo na ganjang ai salah. Adong do panorangni memang bahat topik sitonggohonon. Na i maksud Jesus bani panorang on aima tonggo na bertele-tele, kosong dan tanpa makna. Jadi lang pasal ganjangni tonggo ai, tapi pasal haporsayaonta mangondoskon tonggo ai. Naibata na isombah hita.
Jesus mangajarhon tonggo na sintong anjaha na lang marganjang-ganjang. Ham Bapa nami na i nagori atas, sai na papansing ma Goran-Mu. On pataridahkon hubunganta na dohor hubani Naibata, Bapanta. Bani tonggo on iajarhon do hita ase mamukkah ibagas na papansingkon goranni Bapa, lang mintor mangindo aha na porlu banta. Sai roh ma harajaon-Mu, sai saud ma harosuh ni uhur-Mu i nagori tongah on songon na i nagori atas. Kalimat on patuduhkon haundukon ni uhurta ase Naibata ma na mamarentah bani goluhta on. Naibata Bapanta aima Raja siparmonang. Sai saud ma rosuhni Bapa in i dunia on halani pitah Ia do na talup. Bere Ham ma bannami sadari on hagoluhan ari-ari. Jesus mangajarhon hita ase ulang serakah bani na pangindoanta. Ihatahon Jesus do ase mangindo “bannami” lang pitah bani goluhta sandiri tapi jumpahan do homa hasoman na legan. Naibata ma na gabe haondosanta laho mambere hagoluhan ari-arinta. Sukkup do na ibere Naibata. Halani ai porsaya ma hita hu-Bani. Bani tonggo on pe homa ipasingat Jesus do hita ase martoruh ni uhur. Sasap Ham ma dousa nami songon panasap nami bani dousa ni hasoman, na mardousa dompak hanami. Sebagai halak na porsaya idilo do hita ase marsisasapan dousa pakon hasomanta. Iajari do hita ase mangindo hasasapanni dousa setiap hari, usih songon hita na mangindo sipanganon bani pardagingonta. Karakter mengampuni aima salah sada kesempurnaan na menonjol bani hadirionni Naibata. Tontu sebagai anakni Naibata maningun irikkon hita do tabiat-Ni on.
Ulang ma bobai Ham hanami hu parlajouan, tapi paluah Ham ma hanami humbani pangagou. On aima sada pengakuan bahasa pitah Naibata hansa, satu-satunya na boi paluahkon goluhta humbani pangagou. Lang dong gogohta laho paluahkon dirinta sandiri. Pitah halani idop ni uhur tumang do ase boi maluah hita. Ai ham do simada harajaon, ampa hagogohon, ampa hasangapon sadokah ni dokahni. On aima pengakuanta pasal kemahakuasaanni Naibata ronsi sadokahni dokahni, das hubani ujungni. Tonggo na iajarhon Jesus itutup marhitei pengakuan pasal hagogohonni Naibata. Janah tonggo on pe itutup marhitei hata Amen, artini “sai saud ma” na menggambarhon haporsayaon na gok.
Hahonaanni
Tonggo na sintong aima tonggo na ibagas gok ni uhur, na berpusat hubani Naibata lang hubani dirinta sandiri. Tonggo na sintong lang halani ganjangni, tapi sonaha hita mangondoskon ai ibagas haporsayaon hubani Bapanta, simada kuasa. Tonggo ampa sikap martonggo na jelas na iajarhon Jesus bani tonggo Ham Bapa nami on mamboan hita hubani pemahaman bahasa bani na martonggo maningun isadari hita do dirinta, lang memaksahon kehendakta na maningun saud. Haporsayai hita ma bahasa sukkup do idopni uhurni Naibata bani goluhta on. Lang pala gobir hita, porsaya ma iparorot Naibata do goluhta. AMEN.
About the Author
