Renungan Lansia 12 April 2026
Teks Khotbah : 1 Petrus 2:2 (Songon dakdanak na baru tubuh, horahan ma nasiam bani tadah partonduyon na pitah, ase lambin magodang nasiam halani ai anjaha maluah)
Thema : Kekuatan hidup baru dalam Kristus
Tujuan : Agar kaum lansia semangat untuk terus haus dan rindu akan Firman Tuhan dalam pertumbuhan rohani yang berlangsung seumur hidup
Gogoh na bayu ibagas Kristus
Bahat jolma na marpingkir sanggah imasuki ma lanjut usia, ia mangahapkon bahwasani masa perkembangan domma salosei. Angkula mungkin lang margogoh be, aktivitas moru ma homa, anjaha buei kegiatan na lang boi tarhorjahon be songon sanggah margogoh hinan ope. Tapi marhitei hata ni Naibata sadari on, ipaingat do jolma in bahwasani pertumbuhan partonduyon atap haporsayaon lang ongga marnasoh age pe domma lanjut usia jolma in.
Hatani Tuhan mambobai hita ase tongtong pataridahkon sihol ni uhur songon dakdanak na baru tubuh na horahan, tulus anjaha marsigantung hubani inangni. Dakdanak na baru tubuh ai mangindahi sipanganon “susu” halani ai do sumber hagoluhanni. Dakdanak na baru tubuh ai ipausih hubani na dob lanjut usia na tongtong mangkaporluhon “sipanganon partonduyon” aima hatani Naibata, martonggo, ampa marhasadaon pakon Tuhan in.
Lanjut usia sedo gabe alasan laho maronti marlajar hatani Naibata. Bani panorang na sonon ma sada panorang na jenges lambin padohor diri hubani Tuhan in. Bueini pengalaman goluh seharusni lambin mambahen haporsayaonta lambin matoras, gok ibagas podah ampa gabe pasu-pasu hubani generasi na mangihut.
Secara usia, ra ma tongon lang margogoh be bani parangkulaon, tapi totap ope boi:
Tuhanta Jesus Kristus mangkasiholhon totap ma hita on bertumbuh, age pe lang be secara jasmani, tapi ibagas haporsayaon ma. Hatani Naibata paingatkon hita sadokah manggoluh ope hita, totap ma pongkut ibagas Tuhan in. Sanggah angkulata lang mergogoh be, hatani Naibata do na gabe hagogohanta. Buei na keadaan lanjut usia gati do hita mangahapkon lungunan, songon lang adong be hasoman, panahit na lang marnamalum, atap magouan na hinaholonganni, bani situasi na sonai ai ma Tuhan Jesus roh laho mambere gogoh, ronsi mangapohi marhitei holong-Ni na banggal in.
Age pe dunia on mangkatahon lanjut usia aima masa-masa ‘penurunan’ secara fisik, tapi Tuhan mangidah paboa aima masa lambin patoraskon haporsayaon. Sanggah hita mangahapkon lang margogoh be, ijai do Tuhanta Jesus marhorja. Paimahon Tuhan aima sikap na porsaya bahwasani Naibata lang ongga tarlambat mangurupi hita. Ase tongtong ma hita marlajar mangondoskon hagalekonta hubani Naibata. Tuhan in do na tongtong mambere gogoh hubanta laho manlopusi haganupan paruntolon bani goluhta, janah mambere hapentaran ase boi hita manlawan anjaha bertahan bani haganupan paruntolon bani goluhta.
Hubani nasiam orangtuanami na lanjut usia, maharga tumang do nasiam i lobei Naibata. Tonggo nasiam, podah-podah ampa goluh nasiam aima pasu-pasu na tang sibanggalan. Lang iidah Naibata sonaha togap ni angkulata, tapi na porlu bani Naibata aima hapongkutonta mangihutkon hata-Ni. Ase marhitei renunganta on, iarapkon do tongtong hita songon dakdanak na baru tubuh na sai horahan bani hatani Naibata janah tongtong pongkut ibagas haporsayaonta. Ase, age pe bani lanjut usia on, tongtong ma goluhta totap gabe siboan pasu-pasu hubani buei jolma. Ingat ma, ibagas Kristus tongtong do adong gogoh na baru. Amen.
