RENUNGAN MINGGUAN LANSIA GKPS

04 Oktober 2026 (18 Dob trinitatis)

Nas      : 1 Petrus 1:3-12

Tujuan : Menanti dengan setia, menerima dengan sukacita

Nasiam hasoman hinaholongan ni Tuhan Jesus.

Menjadi Kristen bani zaman perjanjian baru lang hape hal na gampang, tapi sada hal na penuh perjuangan do hape. Mase boi sonai? Halani bani panorang ijia bahat tumang do halak na lang mangkarosuhkon parjongjongni ha kristenan. Bahkan humbani pamarentah sandiri pe manlarang keberadaan kekritenan.

Anggo ibasa hita buku-buku sejarah Alkitab adong do tolu masam penderitaan na ialami halak Kriten bani panorang ai, aima: parlobei amia na isobut; “penganiayaan resmi” on roh ni humbani pamarentah Romawi bani panorang ai mengijinhon melarang hajongjongan halak Kristen i kekaisaran Romawi. Napaduahon: “Penganiayaan tidak resmi” on perlawanan pemerintah lokal hubani halak Kristen. Napatoluhon aima: “Penganiayaan median”. On antara masyarakat na lape mananda Kristus boi do mambahen parlawanan hubani  halak Kristen ijia. Ase boi do hatahononta borat tumang do sitaronon ni halak Kristen ijia, lang bebas sidea ibagas na manombah Tuhan Naibata. Halani ai bani nas renunganta on, roh do rasul Petrus hubani kuria ase sidea martahan bani sitaronon na ihadapi sidea ai. Ulang mundur haporsayaon, tp totap toguh manjolom haluahon na dob ibagahkon Tuhan Jesus Kristus.

Hatorangan

Bani ayat 3-6 jelas ididah hita paboa Petrus pasingatkon pakon mambere gogoh hubani sidea ase margogoh sidea haganupan, ase ulang talu sidea bani penderitaan na dob ijalo sidea ai. Halani kekuatan sidea terletak bani iman haporsayaon na dob ijalo sidea humbani Tuhan Jesus. Mangkawah ma hubani Jesus Kristus na dob matei tarsilang laho mangkopkop hita, nini Petrus. Jesus pe menderita tumang do bani pardalan ni goluhni, ibuarai, ifitnah, itijuri ronsi matei i hayu parsilang. Ase porini pe ijalo hita sitaronon ai, anggo setia do hita parsimada do hita bani arta siteanon na lang ra maseda tapi hot roni sadokah ni dokahni. Halani anggo porsaya do hita hubani Jesus na dob matei i hayu parsilang ai, Ia ma gabe sumber pengharapan hubanta. Kristus ma mangaksomani hita bani bagei-bagei paruntolon na dob ijalo hita, halani yakin do hita paboa rap pakon Jesus dapot hita ma hagoluhan sisadokah ni dokahni.

Memang lang urah menghadapi sitaronon ai, tapi Petrus mangkatahon paboa dong do rencana Tuhan bani penderitaan na ialami hita ai. Halani marhitei bagei-bagei parlajoan ai lambin pitah ma haporsayaonta ai. Ai haporsayaon na teruji harganan di ai marimbang omas na ra maseda. Mahal do tongon omas, tapi sifatni sementara do halani omas ai pe boi do maseda. Tapi anggo haporsayaon na pitah tontu abadi atap kekal ma ai rosin sadokah ni dokahni.

Nasiam inang hinaholongan, Petrus pasingatkon hita paboa lang dong alasanta lang mamuji Tuhanta Jesus Kristus. Hita mamuji Naibata sedo halani saut haganupan aha na iparsinta hita bani goluhta on. Berhasil haganupan usahanta, berhasil niombahta, jumpah hita homa harosuhni uhurta. Hansipe lang dapot hita haganupan na pinarsinta hita, bahkan sipata hita ibagas bagei-bagei paruntolon, tapi hita maningon do mamuji Tuhan Naibata. Aha do alasanta mamuji Tuhanta ai? Nini bani nas on, halani domma matei Tuhan Jesus i hayu parsilang laho mangkopkop hita pardousa on. Sasintongni halani bagei-bagei dousanta ilobei ni Tuhan in patut ma namin hita hu paruhuman janah dapotan uhuman sisadokah ni dokahni. Tontu on sada barita malas ni uhur banta na ija hita domma mardousa, tapi sir-sir do Tuhan paluahkon hita pardousa on.

Tongon lape ididah hia Tuhan Jesus ai secara pardagingon, tapi hita totap yakin janah ai do alasanta marolob-olob ilobei ni Tuhann in. Bahkan olob-olobta ai seng tarpajojor pamanganta. Ase holong ni Tuhan ai do mambahen boi hita bmarmalas ni uhur bani bagei-bagei sitaronon na ihadapi hita. Halani tujuanta sedo kenikmatan dunia on tapi hagoluhan na sadokah ni dokahni do. On domma ipatugah nabi-nabi bani padan na basaia. Boi ibasa hita bani Jesaya 53:2-7, ijai ipatugah do sonaha gambaran pasa Tuhan Jesus na sihol roh ai. Tubuh songon tunas na horah-horah, ipahiri janah isimbili jolma do Ia, dalahi na somal mandogei sitaronon do Ia. Tapi sasintongni panahitta do na iboan-Ni. Ona gambaran pasal Tuhan Jesus ai. Halani ai bani bagei-bagei naboritta, pergumulanta kawahkon hita ma Tuhanta Jesus Kristus.

Nasiam bapa inang, aha ma renungkontonta marhitei nas on:

1. Sadokah hita manggoluh itanoh on totap do paruntolon bagian humbani pargoluhanta, tapi ambilan on pasingatkon hita ase kawahkon hita ma Tuhan Jesus na gabe hasomanta bani parlajouanna ihadapi hita.
2. Baru ope terjadi pelarangan beribadah i gereja GKPI Tangerang, sonai homa pelarangan ibadah GKPS i kota Purwakarta Jawa barat. Tontu mangidah ai rado sungkun-sungkun hita, mase nani terjadi ai. Tontu lang lingot ai bani panonggor ni Tuhan Naibata, talar do haganupan ai. Pasti dong do rencana Tuhan bani haganupan na masa ai.
3. Haganupan sitaronon na roh mandorap hita, aima dalan laho papitahkon haporsayaonta ilobei ni Tuhanta Naibata. Usih songon omas na itompa, ibakar, ibokbok dobni jadi ma permata na maharga tumang. Sonai do homa hita bani bagei-bagei sitaronon ai aima laho mambahen roh dohorni hita hubani Tuhanta. Amen.