Renungan Mingguan Seksi Bapa Tanggal, 16 Nopember 2025

Teks, Kolose 1:13-14

Thema           : Diampuni Oleh ALLAH

Sub Thema   : Agar kaum bapa mengerti bahwa jalan keluar atas keputusasaan adalah memperoleh pengampuan dari Allah

Nasiam bapa hinaholongan.

Hata tarimakasih aima sada hata na cukup familier bani goluhta, bahkan hita pe rado gati mamakei hata tarimakasih on bani goluhta on. Misalni sanggah iurupi hasoman hita ihatahon bita do tarimakasih, sonai homa sanggah bahat keperluanta hape adong homa hasoman sir-sir mambere pangurupion aipe homa hatahononta do tarimakasih. Bahkan bani goluhta bani babei-bagei pardalanan ni goluhta iahapkon hita do homa campur tanganni Tuhan, halani ai ra do homa hita martarimakasih bani tonggonta hubani Naibata. Bahkan ongga do hasaksian ni sahalak bapa pusing tumang ia halani mangindo uang belanja anakni na sedang kuliah bani sada kota. Hape tudu bani panorang ai lang adong duitni bapa on, pusok tumang ma uhurni irik soh ia ilobei ni rumahni. Hape sompong roh ma sada mobil truk soh ilobei ni bapa on irik manungkun adong do ihuta ai marjual kotoranni lombu untuk pupuk. Mintor ibalosi bapa on ma, ai sadia porlu bani. Jadi nini bapa simada truk on ma sadia dong aima bangku nini. Dobni ipatugah bapa onma anggo sa truk dong do ra ai. Akhirni saudma iangkat bapa on kotoranni lombu ai. Tontu martarimaksih tumang ma bapa on hubani Naibata na dob manaruhkon bapa on hu rumahni laho mamboli kotoranni lombu ai. Dobni dong duit laho berehononni bani niombahni na ikota ai.

Hira sonai ma homa malas uhur pakon tarimakasih ni Paulus manangar barita kuria Kolose, janah malas uhur ai ipadasnui hubani Naibata bani tonggoni. Salah sada pribadi na menarik humbani Paulus, sanggah ia marmalas ni uhur, haganupan ai ipadas ni hubani Naibata. Paulus martarimakasih hubani Naibata halani domma ipasu-pasu Naibata horja penginjilan na ilaksanahon i Kuria Kolose. Padahal sasintongni bani kondisi na ialami Paulus ia lang pantas untuk marmalas ni uhur, halani ia sandiri lagi ibagas penjara bani panorang ai. Mase boi sonai? Paulus yakin bahwa pekerjaan yang dilakukan orang percaya domma ipargogohi Naibata janah ihasomani Naibata. Bahkan Paulus yakin haganupan perbuatan baik sonai homa haganupan panggulmitan ni goluhta lang adong na lang ibotoh Naibata.

Aha do alasan Paulus Marmalas ni uhur bani teks on?

Parlobei Haporsayaon bani Kristus. Sanggah roh Epafras ipatugah Paulus do kondisi ni kuria ai hubani Paulus. Ternyata kuria Kolose aima kuria na bertumbuh atap lambin marbanggal. Hal on taridah marhitei sidea lambin porsaya hubani Tuhan Naibata. Janah haporsayaaon ai ipataridahkon sidea marhitei saling mangkaholongi samah sidea. Tontu ondo salah sada aporsaya ham, anggo domma haholongi ma hasoman mu doskon dirimu.

Napaduahon Ambilan na madear domma marbuah. Salah sada hataridahanni pohon atap hayu, age suan-suanan na dear aima anggo hayu atap suan-suanan ai domma marbuah. Hira sonai do homa ambilan na madear ai, ternyata ambilan na isuan Efapras itongah-tongah kuria Kolose domma marbuah. Domma lambin itandai sidea na ija harosuh pakon hagigi ni Naibata. Halani alasan-alasan on ma Paulus martarimakasih hubani Naibata bani tonggoni. Napatoluhon bani haganupan na dob itangar Paulus pasal kuria Kolose, ia lang pitah martarimaksih hubani Naibata, tapi sir-sir do homa ia martonggo hubani Naibata. On ma salah sada poin penting bani teks on, na ija kepedulian Paulus ipataridahkon do bani tonggoni hubani Naibata. Harapan Paulus bani tonggoni ase Naibata mampargogohio kuria ai ase sidea lambin talup janah gabe harosuh babni Naibata. Lambin marbuah homa irik semakin menmgenal akan rencana Allah bani kehidupanni sidea.

Nasiam Bapa hinaholongan

Puncakni hata tarimakasih ni Paulus on taridah do bani ayat 12 on, na ija Paulus patugahkon marhitei na dob ijalo sidea haluahon na humbani Naibata berarti sidea domma hape marparbagianan bani siteanan halak na mapansing ibagas haliharon. Maluah ma humbani hagolapan janah ipapindah ma hubagas harajaon ni Anak hinaholonganni uhurni. Ase boi hatahononta paima itanda hita Yesus Kristus sumber haluahon ai, anak-anak hagolapan hinan do hita haganupan. Tapi dob itanda hita Yesus Kristus parsimada ma hita bani hagoluhan sisadokah ni dokahni. Lanjar ijai do homa dosanta itobus halani domma tongon isasap dousanta. Ase hargahon hita ma haluahonta. Amen