IBADAH HARIAN KELUARGA GKPS
Sabtu, 15 November 2025
I.Bahasa Simalungun
1. Doding Haleluya 407 : 1-2
Puji ma Jahowa Tuhan Naibata ai marjumbalang do Goran-Ni in
Haganupan jolma sai marsombah ma sai hagoluhkon hata-Ni in
Holsoh haganupan mambur tubuh ma malas ni uhur
Gok bai pangarapan holong na totap rap mangolobkon Goran-Ni in
Ningon do marsombah bani Naibata, puji ma Ia pargogoh do in
Ulang marnaloja sai irikkon ma rap mambalosi hata-Ni in
Holsoh haganupan mambur tubuh ma malas ni uhur
Gok bai pangarapan holong na totap rap mandoding : Haleluya
2. Tonggo
3. Ayat Harian : Jeremia 27: 5
_Ahu do, marhitei gogoh-Ku na banggal in ampa marhitei tangan-Ku na gostong in manjadihon tanoh on, jolma ampa pinahan na i tanoh on, anjaha Hubere do ai bani atap ise harosuh ni uhur-Hu._
4. Renungan
Kuria na hinaholongan ni Tuhan.
Jeremia aima sada juak-juak-Ni Naibata na pasingatkon bangsa Jehuda ase totap mardalan bani dalan na iharosuhkon Naibata. Tapi hengkeng do uhurni bangsa ai janah lang tarpasingat age pe domma torus iojur-ojur. Halani na lang tarpasingat si Jeremia be bangsa Jehuda ase tunduk bani aturan pakon parentahni Naibata, iojur si Jeremia do ase tunduk bangsa Jehuda ai bani Raja Babel. Hal on iojurhon Jeremia bani bangsa ai lang halani magigi bani bangsa ai, janah sedo na laho paboishon Jehuda tapi na laho pahampungkon bala na roh bani sidea. Mangorbankon hamerdekaon ni sidea marhitei na tunduk bani Raja Babel, na martujuan ase lang agouan hosah sidea. Seng adong be pilihan na legan na boi ipilih sidea, sobali na maningon tunduk bani raja Babel aima halani hengkengni janah lang ra manangihon aha do na gabe sihorjahononni sidea.
Markuasa do Naibata bani haganup na tinompa-Ni, selaku tinompa tontu maningon tunduk do bani panompani. Naibata do na mambere uhur, pikkiran bani jolma ase boi jolma in manlahoi haganupan lahoanni janah ase boi jolma in manimbang na madear ampa na masambor. Seng ongga salah Naibata mamilih ronsi mamberehon kuasa bani jolma na manrajai tinompa in. Songon sitopa hudon na patureihon masam-masamni hudon songon aha harosuhni, sonai do homa Naibata na manompa haganup tinompa-Ni, markuasa marhak do Naibata na laho manjadihon tinompani songon harosuh-Ni. Jeremia pe totap pasingathon bangsa Jehuda ase mardalan janah tunduk songon na parentahkon Naibata janah agouan hamardekaan halani ulahni sidea, tapi hansi pe sonai mulak do use holi hadearon domu bani panorangni, halani harajaon Babel ai lang torus margogoh.
Tontu ongga do hita ipasingat hasomanta/sindohorta bani parlahouta na hurang dear, tapi gati do ipanengel-nengel hita bani singat-singat ai. Janah lansei bani pinsang-pinsang ai. Na bani ujungni gabe batu partolsuan hita bani hasomanta sonai age bani halak na legan. Lupa hita bahasa Tuhan do na manjadihon haganup ronsi na adong banta nuan on. Porini mandompakkon hamaholon pe hita, koreksi hita ma hadirionta janah sadari hita ma gogoh na dong banta ai kuasa na humbani Naibata janah Naibata manotapkon ai bani ise harosuh uhur-Ni. Markuasa do Naibata bani goluhta seng ongga salah alamat sonai do homa age pasu-pasu ai.
5. Doding Haleluya 248 : 1-2
Huhaholongi Ham gogohku, huhaholongi ham tongtong
In ma marhitei pambaenanku, humbani gok ni uhurhon
Ai Ham do manondangi au, ronsi na matei au
Huhaholongi Ham goluhku ai Ham do hagoluhankin
Ningon tongtong Ham pujionku au na sinondangan-Mu in
Holong mamitah uhurhin Bamu o Jesuskin
6. Tonggo Ham Bapanami
II. Bahasa Indonesia
1. Nyanyian Pelengkap Kidung Jemaat No. 25 : 1-2
Muliakan nama Tuhan bersama rebana dan nyanyian
Sajikan persembahan bersama pujian dan tarian
Hai mari bersama-sama kita nyanyi dan menari bersukaria
Kendati adapun susah dalam hati Tuhan pasti menghibur kita
Nyanyikan lagu baru bersama gen’drang bertalu-talu
Dengungkanlah suaramu selembut suara suling bambu
Hai mari bersama-sama kita nyanyi dan menari bersukaria
Kendati adapun susah dalam hati Tuhan pasti menghibur kita
2. Doa
3. Ayat Harian: Yeremia 27 : 5
_Akulah yang menjadikan bumi, manusia dan hewan yang ada di atas muka bumi dengan kekuatan-Ku yang besar dan dengan lengan-Ku yang terentang, dan aku memberikannya kepada orang yang benar di mata-Ku._
4. Renungan
Saudara-saudara terkasih!
Yeremia adalah seorang nabi yang diutus Allah untuk memperingatkan bangsa Yehuda supaya tetap berjalan di jalan yang benar. Tapi bangsa itu adalah bangsa yang bebal dan tidak mengindahkan larangan Allah yang terus disampaikan oleh Yeremia. Karena Yeremia tidak lagi mampu mengingatkan bangsa Yehuda agar tunduk pada aturan dan perintah Allah, Yeremia mengarahkan supaya bangsa Yehuda tunduk kepada raja Babel. Hal ini bertujuan bukan karena Yeremia benci dan bukan juga untuk menghancurkan Yehuda, tetapi untuk meringankan petaka yang datang kepada mereka. Mengorbankan kemerdekaan mereka agar tunduk kepada raja Babel, yang bertujuan supaya mereka tidak kehilangan nyawa mereka. Mereka tidak memiliki pilihan untuk dipilih kecuali harus tunduk pada raja Babel karena kesombongan dan ketidak patuhan mereka yang sepatutnya mereka lakukan.
Allah berkuasa atas segala ciptaanNya, selaku ciptaan tentu harus tunduk kepada sipenciptanya. Allah yang memberikan hati, pikkiran kepada manusia agar manusia itu mampu menimbang segala perbuatan baik dan buruk dalam dirinya. Allah tidak pernah salah memilih dan memberikan kuasa pada manusia yang akan menaklukkan ciptaan-Nya. Seperti layaknya tukang periuk yang menciptakan berbagai macam bentuk yang ia ingini. Demikian juga Allah berkuasa atas semua ciptaan-Nya seperti yang Ia ingini. Yeremia juga mengingatkan bangsa Yehuda supaya berjalan dan tunduk seperti yang Allah perintahkan walaupun kehilangan kemerdekaan karena ulah mereka. Walaupun demikian semua akan kembali pada waktunya karena kerajaan Babel tidak akan memerintah selamanya.
Setiap kita pasti pernah menerima nasihat dari orang-orang terdekat ketika kita melakukan sesuatu hal yang kurang baik. Dan sering kali kita mengabaikan nasihat itu dan juga menolak nasihat tersebut yang pada akhirnya menjadi batu sandungan pada hidup kita dan berdampak bagi orang lain. Kita mungkin lupa bahwa Tuhanlah yang menjadikan segala ciptaannya sejak dunia dijadikan hingga kini. Walaupun kita diperhadapkan dengan kesulitan-kesulitan, marilah kita intropeksi diri serta menyadari bahwa semua itu bukan karena kekuatan kita tapi kuasa yang dari Allah yang menetapkan kita seperti yang Ia ingini. Marilah kita mengingat bahwa rencana Allah dalam hidup kita tidak pernah salah alamat, demikian juga berkat-berkat-Nya.
4. Nyanyian Kidung Jemaat No. 18 : 1-2
Allah hadir bagi kita dan hendak mem’bri berkat
Melimpahkan kuasa Roh-Nya bagai hujan yang lebat
Dengan Roh Kudus ya Tuhan umat-Mu berkatilah
Baharui hati kami, o curahkan kurnia
Allah hadir sungguh hadir di jemaat-Nya yang kudus
Biar kasih kurnia-Nya menyegarkan kita t’rus
Dengan Roh Kudus ya Tuhan umat-Mu berkatilah
Baharui hati kami, o curahkan kurnia
5. Doa Bapa Kami
_KANTOR SINODE GKPS_
