IBADAH HARIAN KELUARGA GKPS
Selasa, 27 Januari 2026
I. Bahasa Simalungun
1. Doding Haleluya No. 187:1-2
O Tuhan na marholong atei na so tartimbang jolma in
Ai halak si pardousa bagei na rap mamuji goran-Mu.
Ibaen buei ni layak-Mu, marhitei-hitei Jesus in.
Ibahen Ham do pardearan, salosei dousa in ganup;
In do mangkorhon haluahon bani parjahat ganup.
Ai pe tarima kasih, au on Bamu, o Naibata
2. Tonggo
3. Ayat Harian: Epesus 2:8-9
_“Ai humbani idop ni uhur do ase maluah nasiam, marhitei haporsayaon; sedo binahen nasiam, sibere-bere ni Naibata do. Sedo humbani horja, ase ulang adong na mamuji diri.”_
4. Renungan: “Maluah pitah halani Idop ni Uhur”
Kuria na hinaholongan ni Tuhan. Haluahon aima onjolan ni hasintongan na ra songon mahol tarjalo pingkiran ni jolma janah ihagoluhkon. Bani pambotoh, buei do halak mangarusi paboa haluahon ai aima idop ni uhur ni Naibata. Tapi bani praktek pargoluhan ari-ari, sai buei ope hita na mangarusi paboa Naibata manjalo hita halani habujuron, hadaulaton, atap ganup horja pangidangion na idalankon hita. Hata ni Tuhan tangkas paboahon hubanta paboa hita ipaluah sedo halani nabinahenta, atap halani pambahenanta tapi pitah halani idop ni uhurni Naibata.
Paulus bani suratni hu kuria Rom (Rom 3:23-24) padaskon paboa ganup jolma domma mardousa janah seng adong age sada talup i lobei ni Naibata. Dosa sedo pitah pasal parlahou na lepak na ihorjahon hita, tapi hauhuronta na dob maseda janah sirang/mandaoh humbani Naibata. Jadi, anggo haluahon ai marsigantung bani habujuron, ampa pambahenan, seng adong be age sada na boi mangarap maluah. Tapi justru ibagas na lang talup ai do hita, ijai ma Naibata pataridahkon holong-Ni na gokan dear ai marhitei na marsuruh AnakNi, Tuhan Jesus Kristus gabe Sipaluah banta, sanggah mardousa ope hita. Gabe megah uhurta aima halani Naibata lang pitah pasirsir haluahon ai tapi ibere do banta gabe parbagian bani haluahon ai. Haporsayaonta pe homa idop ni uhur na humbani Naibata do. Halani ai, seng adong hape alasan banta laho mangenjengkon dirinta. Halani haluahon ai bulat pambahenan ni Naibata, humbani mungkah das hubani ujungni janah pitah Ia do talup ipasangap.
Pangarusion si sonon ma na mambere lumbang ni uhur bani pingkiran ampa tonduyta. Lang manggoluh hita ibagas biar janah manungkun dirinta na dob bujur do nani au i lobei ni Naibata? Lang porlu gobir be hita sanggah galek janah madabuh hita halani ai gabe songon na moru ma idop ni uhurni Naibata banta. Ijai ma hita marlajar lambin marsigantung bani idop ni uhurni Tuhan na lang marubah ai. Anggo Naibata domma paluahkon hita sanggah na magou hinan hita, tontu hal na pasti satia do Ia manramotkon ampa manggoki sura-sura ampa horja na madear ibagas pargoluhanta.
Manggoluh ibagas idop ni uhur mangubah caranta ibagas na mandalani goluh on. Pambalosion hubani Tuhan sedo gabe usaha ai ase jumpah hita panjaloon ni Tuhan, tapi gabe ungkapan tarimakasih do ai bani ganup pasu-pasu na ijalo hita. Hita mangidangi, mangkaholongi, janah mangkorjahon hasintongan sedo ase manjalo haluahon. Tapi halani na dob ipaluah do hita. Sai andohar ma torus hita marlajar, laho mangkaporsayai idop ni uhur ni Naibata ganup ari, pasal haluahon, ibagas hagalekon ampa bani ganup na porlu banta. Marhiteihonni ai, goluhta on igoki damei, malas ni uhur, ampa haporsayaon nag ok paboa Naibata domma mamungkah horja na madear bani goluhta janah pasti do ai totap do Ia marhorja das hubani ujungni. Amen.
5. Doding: Haleluya No. 252:1-2
Sonang i lambung Jesus sonang na roh hujin
Ulang be ho mabiar, lao mangayaki in
Sai idilohon Jesus: Irikkon ma lah Au.
Tadingkon hagolapan, janah haposi Au
Sonang i lambung Jesus sonang na roh hujin
Ulang be ho mabiar, lao mangayaki in.
Sonang i lambung Jesus rup hita lao hujin
Ianan na tarsulur do i lambung-Ni in
Domma sirsir itagang hasonanganta in
Ase marhasonangan na roh hu Jesus in
Sonang i lambung Jesus rup hita lao hujin,
ianan na tarsulur do i lambung-Ni in.
6. Tonggo Ham Bapanami
II. Bahasa Indonesia
1. Nyanyian Kidung Jemaat No. 393:1-2
Tuhan, betapa baiknya berkat yang Kauberi,
istimewa rahmatMu dan hidup abadi.
T’rima kasih, ya Tuhanku atas keselamatanku!
Padaku telah Kauberi hidup bahagia abadi.
Sanak saudara dan teman Kaub’ri kepadaku;
berkat terindah ialah ‘ku jadi anakMu.
T’rima kasih, ya Tuhanku atas keselamatanku!
Padaku telah Kauberi hidup bahagia abadi.
2. Doa
3. Ayat Harian : Efesus 2:8-9
_”Sebab karena kasih karunia kamu diselamatkan oleh iman; itu bukan hasil usahamu, tetapi pemberian Allah, itu bukan hasil pekerjaanmu: jangan ada orang yang memegahkan diri.”_
4. Renungan: “Selamat oleh Kasih Karunia”
Jemaat yang terkasih di dalam Tuhan. Keselamatan adalah salah satu kebenaran paling mendasar sekaligus paling sulit untuk benar-benar kita hidupi. Secara pengetahuan, banyak orang percaya memahami bahwa keselamatan adalah oleh kasih karunia Allah. Namun dalam praktek hidup sehari-hari, mungkin kita masih memiliki pemahaman seolah-olah Allah menerima kita karena kebaikan, kesalehan, atau kegiatan rohani yang kita lakukan. Firman Tuhan dengan jelas menyatakan bahwa kita diselamatkan bukan karena perbuatan baik, melainkan semata-mata oleh kasih karuniaNya.
Paulus dalam surat kepada jemaat Roma (Rom.3:23-24) menyatakan bahwa semua manusia telah berdosa dan tidak seorang pun layak di hadapan Allah. Dosa bukan hanya tentang perbuatan salah yang kita lakukan, tetapi kondisi hati yang telah rusak dan terpisah dari Allah. Jika keselamatan bergantung pada kebaikan kita, maka tidak seorang pun akan memiliki pengharapan untuk selamat. Namun justru di tengah ketidaklayakan itulah Allah menunjukkan kasihNya yang sempurna dengan mengutus Yesus Kristus sebagai Juruselamat, bahkan ketika kita masih hidup dalam dosa. Yang mengagumkan, Allah bukan hanya menyediakan keselamatan, tetapi juga memungkinkan kita untuk menerimanya. Iman yang kita miliki pun adalah anugerah dari Allah. Dengan demikian, tidak ada satu pun alasan bagi manusia untuk bermegah. Keselamatan sepenuhnya adalah karya Allah dari awal sampai akhir, dan hanya Dia yang layak menerima kemuliaan.
Pemahaman ini membawa kelegaan yang besar bagi jiwa kita. Kita tidak lagi hidup dalam ketakutan apakah kita sudah cukup baik bagi Allah? Kita tidak perlu cemas setiap kali jatuh dalam kelemahan, seolah-olah kasih Allah akan berkurang. Sebaliknya, kita belajar untuk bersandar pada kasih karunia-Nya yang tidak berubah itu. Jika Allah telah menyelamatkan kita saat kita masih terhilang, Ia pasti setia memelihara dan menyempurnakan karyaNya di dalam hidup kita.
Hidup dalam kasih karunia juga mengubah cara kita menjalani kehidupan ini. Ketaatan bukan lagi usaha untuk mendapatkan penerimaan Allah, melainkan sebagai ungkapan penuh syukur atas kasih yang telah kita terima. Kita melayani, mengasihi, dan hidup benar bukan untuk diselamatkan, tetapi karena kita telah diselamatkan. Kiranya kita terus belajar mempercayai kasih karunia Allah setiap hari; dalam keselamatan, dalam kelemahan, dan dalam setiap kebutuhan hidup. Dengan demikian, hidup kita akan dipenuhi oleh damai sejahtera, sukacita, dan keyakinan bahwa Allah yang memulai pekerjaan baik dalam diri kita pasti akan tetap berkarya hingga akhirnya. Amin.
5. Nyanyian Kidung Jemaat No. 388:1-2
S’lamat di tangan Yesus, aman pelukanNya; dalam
teduh kasihNya aku bahagia. Lagu merdu malaikat
olehku terdengar dari neg’ri mulia: damai sejahtera.
S’lamat di tangan Yesus, aman pelukanNya; dalam
teduh kasihNya aku bahagia.
S’lamat di tangan Yesus, aku tent’ram penuh; dosa pun
dan cobaan jauh dari diriku. Duka, cemas dan bimbang,
kuasanya tak tetap; goda dan air mata akan seg’ra lenyap.
S’lamat di tangan Yesus, aman pelukanNya; dalam
teduh kasihNya aku bahagia.
6. Doa Bapa kami
_KANTOR SINODE GKPS_
