Minggu : 29 Maret 2026 (Palmarum)
Nas : Efesus 5:9–10
Tema : Hidup Baik dan Benar di Hadapan Tuhan
Tujuan : Agar kaum Lansia terdorong untuk tetap hidup dalam kebaikan, keadilan,
dan kebenaran dalam sebuah refleksi dan evaluasi kehidupan yang berkenan
di hadapan Tuhan.
PARLOBEI NI
Hatani Tuhan natarsurat bani Epesus 5:9–10 mangkatahon sonon :
“Ai buah-buah ni haliharon ai ma sagala halayakon, hapintoran ampa hasintongan. Paruhurhon nasiam ma, atap aha do harosuh ni Tuhan in! (Rom 12:2.)” Sederhana tumang do Ayat on tapi bagas tumang do arti ni anggo ipardiatei hita tarlobih goluh ta na dob buei mandalani ari ari ni goluh on.
HATORANGAN
- Lansia aima Juma na marbuah
Nasiam Bapa pakon inang, panorang lansia lang panorang “domma salosei”, tapi panorang ni ma “mamanen”.
Songon hayu na dob matoras, ijon ma hita mangarap buah na mantin janah matobu. Tuhan in lang mangidah umurta nagabe batas atappe bolat-bolat, tapi kesempatan naparpudi do banta laho manghasilkon buah na tang si jengesan :
- Lambin roh bujurni — uhur na lam-lam, lambin manggoluh ibagas hadameion
- Lambin roh sintong ni — Manggoluh ibagas na pintor, gabe si usihan, setia hubani Tuhan das bai ujung ni goluhni
Didahonni niombah ma, pahompu ronsi hasoman sakuria :
Sonaha ma tongon hasabaronta age bani manaron naborit pe,
Sonaha do pongkut ni hita martonggo,
sonaha do tongon pangarapanta mandalani goluh on.
On ma na isobut buah-buahni haliharon ai.
- Haliharon ai lang ongga Horlom halani umur
Haliharon na dob adong bani goluhni jolma in lang ongga horlom ai halani umur ni Jolma in. Angkula boi do lambin roh galekni tapi haliharonni haporsayaonni lambin roh lihar ni do.
Adong do tingi poso ia totap do pongkut, tapi panorang marua ia mapaet pargoluhanni.
Tapi adong do homa Sebalikni, panorang tingki matua ia lambin roh dohor ni pakon Tuhan in, lambin roh dameini pargoluhanni, marhapentaran na humbani Tuhan in.
Sungkun sungkun, sedo: “sadiha ma sonari umurta?”
Tapi: “Ai Marsinal-sal dope haliharonnta?”
Ai bani hal -hal sederhana do hansa taridah haliharon in:
- Parsahap na mambangun, sedo sahap na mandolei
- Uhur na totap martarimakasih, sedo marungut-ungut
- Marhaporsayaon na totap damei, sedo hagobiron
- “Manimbangi aha do Harosuh ni Tuhan in”
On ma najenges. Bani panorang Lansia, lang pala pangindoanni Tuhan in maningun na banggal-banggal sihorjahononta, tapi Tuhan in mangindo hubanta ase manggoluh ibagas manggoluh ibagas na maruhur biar dompak Jahowa.
Boi do homa hita manungkun hubani Tuhan in:
“Tuhan, aha do harosuh ni uhur-MU si lahoanku sadarion?”
Boi do homa balos na sederhana tumang:
- Mangampuni salah ni hasoman
- Manonggohon Pahompu
- Manjalo keadaan ibagas haporsayaon
- Totap setia age ibagas goluh naterbatas
Boi do sonai sidalankonon ni namarhaporsayaon sedo pitah ibagas haposoon si sonin tapi ibagas
hatuaon pe.
- Lansia aima Haliharon do homa bai Generasi
Nasiam bapa, inang, nahinaholongan ibagas goranni Jesus Kristus, ai anggo goluh na idunia on lang pitah mangindahi Halak na gogoh tumang, tapi na paling I pindahi I dunia on aima ise do jolma na maruhur.
Hajong-jonganni Lansia i Gareja songon Palita do ai:
- Mambere arah
- Mabere hadameion
- Mambere hasaksianni goluh
Nasiam aima “Bibel na tarbuka” sibasaonni generasi na poso sonari on.
PANUTUP
Sogari pe sadarion pangahap ni ham songon na galek, dingat ham ma:
Lang ongga si soya-soya goluh ni na bujur janah sintong bani Tuhan in.
Age pe songon na lambat ma manlangkah, ingat ham ma
Panondang ni Tuhan in totap do marsinal-sal janah marhaliharon bani goluh ni na porsaya.
Anggo pe marsukkun hita, “Aha do lapatanni goluh ku sonari?”
balosni aima: Gabe marbuah haliharon ma ham—Totap marhabujuron, totap marhasintongan, das hubani ujungni. Amen
