Teks : Pilipi 4: 1-9
Haleluya No.503 : 1, 3 “Gok bai Malas ni uhur do au”
Tema : Pabotohkon haganupan ibagas tarimakasih
Tujuan : Lansia totap marmalasni uhur ibagas Tuhan in agepe aha namasa bani goluh on
- Shalom ma hubanta haganupan. Tarpuji ma Tuhan ondos ope hosah hagoluhan hubanta nuan on. Malas ni uhur bani sada niombah aima “totap ibagas panjagaanni orangtuani,” sonai homa orangtua totap ibogei marparlahou na suman, nadear, lobih ni hunjai halak na totap ibagas mandalankon hata-Ni (Pil.1:3-4). Anggo lirik doding mangkatahon “sai jaga ma nasiam orangtua da, na paborhathon niombah marsikolah, marhorja, pnl”, sintong do ai tapi porlunan do homa songon pangakuanni Paulus bani teks on. Porlu surathonon janah sahapkonon totap ase “sai jaga ma ibagas na marhaporsayaon” (Pil.2:27-29). Gelah ulang marnalupa hubani simada haganup goluh janah pangarapanni na manongtong in. Sanggah panorang marminggu sonin sodap ni pamujian huBani. Ibagas hataNi ipadas siparambilan “aha malasni uhurmu,hita sonari on ijon?”. Adong langsung marbalos; boi mamuji Tuhan, adong homa na tarsirom, adong na cuek, adong homa na manuratkon. Haganupan ai domu hubani aha na domma iahapkonni bani goluh on. Tontu tene ibagas 3 Joh.1:4 “On do malas ni uhurhu sibanggalan, aima, aonggo hubogei marparlahou anakku ibagas hasintongan”.
- Bani haganup do hata on ondoskonon ibagas siirikkon-Si. Isobut Paulus do “halani ai, nasiam sanina, na huhaholongi anjaha na huhasiholi, malas ni uhur bangku ampa sortalingku, sai sonin ma nasiam totap ibagas Tuhan in, nasiam hinaholongan”(Pil. 4:1, 1, 2 Kor. 1:14, Tes. 2:19-20). Ibagas Tuhan in sai harga do goluhta. Kuria na i Pilipi ai totap ma gok tarimakasih hubaNi, totap ipasingat toguh marhaporsayaon ase ulang soya parsaoran na domma jenges ididah, ibogei Paulus pasal sedea. Tapi sonai pe porlu homa hita mangidah ronsi mambotoh na menarik humbani : 1. Oidia: ia sahalak na toguh marhaporsayaon, goluhni lang sebatas hata tapi taridah do sonaha sintongni parbaenni. Lang na lang adong siporsanonni, sipikkirhononni monang do ia marhasomankon Jesus. Sintike: sahalak na mandalankon hatani Tuhan in jumpah habotohon na humbani Tuhan in. Klemens: sada halak Roma na totap homa ibagas hasatiaanni hubani Tuhan in. Barani ibagas manaksihon Tuhan in. Hita haganupan sai adong do ciri khas ta bei, adong bei do programta nai ge pengawasan das hubani sonaha pencapaian ibagas haganupan ai. Totap do gok malas ni uhurta bei?. Ibagas Tuhan in gokdo , buei do malasni uhur. Bueinan do malas ni uhur marimbang haganup. Anjaha ai do nasinuratkononkon ijon “haganup do tarbahen-Si,” (Ef.3:20-21). Haganup na domma mangkagoluhkon Tuhan in patut ma lambin padaskon habaggalonNi. Ija pe ia sonaha pe namasa bani. Goluh sipartarimakasih totap do ai na idingat hita ge humbani pambobaita i GKPS on. Horja ronsi pangidangionni na domma igoki Tuhan in. Aido ase hubani na domma matoras : Mandiri, teguh, tidak goyah ibagas haporsayaon gok do situriankonni , sipadasonni, sipatugahonni pasal Tuhan in. Aido anggo idingati hita homa sonaha sanggah hinan ronsi nuan on. Pancacita ni Pdt. Jaulung Wismar Saragih aima totap ibagas haporsayaon janah nini Paulus aima Hadameion (Gal. 5:22).
- Bapa, inang, niombah, simatua, orangtua, hita haganupan. Aha sidingaton binahenmu sadokah on?. Parsahap: koras, lappei,sintong, panisei : saluju/tulus dassa, parsirommu: aima na beda ai, beda dari yang lain, boi do sirom ia bani malas nai ge pusokni uhur parohkon pangarusion, pambahenanmu: dos do hubani haganup. Pambahenanni TUHAN hubamu? Hubanta on? istilah mangkatahon “la terturiken anymore” Seng tarbilangi, lang tarpajojor, lang tarsuratkoni haganupan. Tapi sanggah ham roh hubani Tuhan in janah manangihon manjalohon ambilan namadear in sai jumpahan do hagoluhan in. Ronsi nuan on marhitei ay.7 “Damei ni Naibata, na mangatasi haganup paruhuron, in ma na manramotkon uhur ampa pikiran nasiam ibagas Jesus Kristus”. Damei , Shalom, ma pangahapan halani ibagas tonduy-Ni . Bani na domma igomgom Tuhan in goluhta aido homa mambahen lambin surung ma pambahenanta . Lambin surung ibagas haporsayaon (Par, 9:10, Psal.1:3, Mark. 4:26-29). Ambahni ai, aima bani teks ta on ay.8-9 “ambah ni ai, nasiam sanina, paruhurhon nasiam ma sagala na sintong,na hormat, na pintor, na borsih, na jenges, na dear bogeion atap biak na madear atap na patut sipujion. Anjaha aha na ginuruhon nasiam, na jinalo, na binogei ampa nadidah nasiam, anjaha Naibata Sipardamei in ma mangkasomani nasiam” (Rom.12:17, 1 Tes. 5:23).
- Bani konfesi; ajaranta pe aido na sisahapkonon “Domma talu Hameiteian ibahen Tuhan Jesus in” Haleluya.No.73. marhiteihonni in totap ma dingat hita bahawa “Sadokah ho i tanoh on papintor uhur min, padingat-dingat ma tongtong nidok ni Tuhan min, Haleluya No. 115. Bani moment paskah bani bulan on pe domma monang hita manlopusi janah idalani hita goluh on halani-Si do. Ge ra boi ope idingat hita bani malas ni uhurta parjuma na domma paimahon limbuahni, sabar do paimahon, buei do ihorjahon, nunut do tong ia, halani porsaya dohor do Tuhan in. Bani Jubileum na domma iahapkon GKPS bani panorang na salpu domu hubani tahun Injil i Simalungun. Sanggah lape nakawahkon pasti do lang naidah maningon do mangkawah ase boi mangidah. Jubilleum 115 tahun injil di Simalungun (02 Setember 1903 das hubani 02 September 2018), totap do Ia “Mangkawah ma hanima tonggor hanima ma juma in domma gorsing boi ma sabion” (Mat. 9:37, Luk. 10:2, Joh.4:35, ). Bani haganup na masa adong do panorangni anjaha bani panorang adong do masani. Halani ai aha do na ipabotohkon bani goluh on?. Pungkahon ma marsungkun, marbalos, marsahap, manisei, manuratkon, martarimakasih. Ibagas haganupan totap ma: marsada ni uhur ibagas Tuhan, marporang mangkopkop ambilan na madear, marmalas ni uhur, hasabaron ai dohor do ibagas Si, ulang haru uhur, totap martonggo, ai Ia do Naibata Sipardamei in. Hita on ma Ambilan ai, ai goluhta do iambilankon hita. Istilah na totap ai aima “tua itu pasti menjadi dewasa itu pilihan”. Podah na humbani orangtua dear do anjaha ai do homa hataridahanni rudang;mahkota na lang sembarangan laho paetekkonin aima ,. lobih hunjai homa use podah na hunBani Tuhanta tang harganan homa hubanta ai nini doding Haleluya No.404 “ganup ari do in ronsi tahun hu tahun, dodingkon hita”. Ham arta na harga poltik hujolom in. Ai haganupan do maningon manulimati pambahenanNi, ase boi goluh homa gabe tulimat. Tulimat; teliti, cermat, torang, bani haganup songon Tuhanta in lang marnamubah mangondoskon haluahon hubani ganup tinompaNi. Ge das nuan on roh do Ia tongtong mambere malas ni uhur. Tuhan manramoti hita haganupan. GKPS na sari, Martangkupas, janah siboban pasu-pasu. Shalom, Amen
