IBADAH HARIAN KELUARGA GKPS
Selasa, 30 Juni 2026
I. Bahasa Simalungun
1. Doding: Haleluya No. 348:1-2
Sauhur sapanriah ma, ganup kuria in.
Marhasadaon na dear, ibagas Tuhan in.
Riap ma hita haganup, mamuji Tuhan rup.
Mardamei marsiurupan, marsihaholongan.
Hasadaon totap toguh bani onjolan in,
ai ma haporsayaonni si sada Tuhan in.
Sada bai pandidion in na hunbai Bapa in,
ai ganup na porsaya da, mamuji Ham Tuhan.
2. Tonggo
3. Ayat Harian: Sepanya 3:9
_“Tapi berehonon-Ku ma hubani bangsa-bangsa bibir na legan anjaha na pitah, ase ganup sidea boi mandilo goran ni Jahowa, anjaha sauhur sidea mambalosi-Si.”_
4. Renungan: “Hata na ipapitah Naibata”
Kuria na hinaholongan ni Tuhan. Ayat on pataridahkon padan ni Naibata na dear tumang: BerehononKu ma hubani bangsa-bangsa bibir na legan.” Bani dunia na dob maseda halani dousa on, taridah do bukti na nyata aima marhitei hatani manisia. Hata-hata ai namin ipakei laho pasangap Tuhan, gati ipakei gabe dalan laho mambaen borit uhur, mamolah-molah ampa manipu. Ai do ase marhitei nabi Sepanya, Naibata padaskon paboa sihol do ipasuang goluhni bangsa in lang pitah parlahou ni sidea tapi dihut do hata atap parsahap ni sidea.
_Naibata na mamungkah papitahkon ai marhitei bibir ni bangsa ai_
Papitah hata ai lang horja ni jolma, tapi horja ni Naibata sandiri do: “berehononKu”. On patangkaskon paboa transformasi atap habayuon ni partonduyon ai totap do ipungkah humbani idop ni uhur ni Naibata. Jolma lang talup laho paborsihkon dilah ampa bibirni anggo lang lobei ipabayu hauhuronni. Humbani Ambilan na Madear ma, Naibata mambere hata na bayu aima hata idop ni uhur, hasasapan ampa hasintongan. On ma na ibaritahon hubani bangsa-bangsa marhitei Jesus, ase ganup halak humbani buei latarbelakang na marlegan-legan boi mandilo goranni Tuhan.
_Hata na baru tubuh humbani uhur na bayu_
Hata na luar humbani pamangan ai tubuh humbani uhur parbagas. Halani ai, ‘bibir na legan’ mararti uhur na ipabayu Tonduy Napansing. Halak na porsaya lang be manggoluh bani goluh si sapari marladung, mamapai, marhata na lumei, tapi marubah ma ibagas buah na bayu: martonggo, martarimakasih, marsaksi, ampa marhata na padearhon ma.Tontu perubahan on lang instan, tapi mardalan torus marhitei sasahalak na dob ipabayu ai torus paorodkon dirini pakon Jesus.
_Hata na ipapitah ai marbuahkon hasadaon ni bangsani Naibata_
Dob ai, nabi Sepanya manokankon paboa bangsa ni Naibata sihol, ‘mandilo goranni Jahowa’ janah ‘sauhur mambalosi-Si.’ Hata na ipapitah ai marbuahkon hasadaon. Tingki uhur ipamalum, relasi ipasuang. On na ningon taridah bani gareja. Gareja seng be igoki persaingan pakon parbolahan tapi gabe sada komunitas na riap janah saling mangidangi. Parbedaan latarbelakang ni anggotani lang gabe pangambati be ai halani haganup hita domma ipasada bani sada hata aima sipanombah hubani Naibata na sintong in.
Halani ai marhitei ayat on, nabi Sepanya mangarahkon hita hubani visi bolon ni Naibata aima bangsa na ipasuang secara total aima uhur, bibir, ampa hasadaonni. On sedo pitah pangarapan bani panorang na laho roh, tapi gabe pandiloon ase ihagoluhkon hita nuan on. Selaku halak na porsaya hita, idilo do hita paturutkon Tuhan marhorja pabayuhon hatanta marhitei hataNi pakon TonduyNi. Ase tiap hata na luar humbani pamanganta ningon ma pataridahkon na marhorja Kristus ibagas hita. Tingki dunia on igoki hata na parsedahon, gareja idilo gabe saksi harajaon ni Naibata marhitei na padaskon hata na madear, apoh-apoh, padameihon ampa pasangap goranni Tuhan. Etah, bere hita ma goluhta on riap laho ipakei Tuhan ase gabe bangsaNi hita na marhasadaon, maruhur na bayu, ampa marhata na ipapitah, dalanta laho pasangapkon Tuhanta in. Amen.
5. Doding Haleluya No. 471:1+3
Na Pansing, Na Pansing, do ham Naibatanami.
Sigomgom haganup tanoh on, Na Pansing do Ham.
Na Pansing, Na Pansing, do ham Naibatanami.
Sai sasap dousanami ganup, ’se talup Bamu.
6. Tonggo Ham Bapanami
II. Bahasa Indonesia
1. Nyanyian: Kidung Jemaat No. 249:1-2
Serikat persaudaraan, berdirilah teguh!
Sempurnakan persatuan di dalam Tuhanmu.
Bersama-sama majulah, dikuatkan iman,
Berdamai, bersejahtera, dengan pengasihan.
Serikatmu tetap teguh diatas Alasan,
yaitu satu Tuhanmu, dan satulah iman,
dan satu juga baptisan dan Bapa satulah,
yang olehmu sekalian dipuji, disembah.
2. Doa
3. Ayat Harian: Zepanya 3:9
_”Tetapi sesudah itu Aku akan memberikan bibir lain kepada bangsa-bangsa, yakni bibir yang bersih, supaya sekaliannya mereka memanggil nama TUHAN, beribadah kepada-Nya dengan bahu-membahu.”_
4. Renungan: “Bahasa yang Dimurnikan oleh Allah”
Jemaat yang terkasih di dalam Tuhan. Ayat ini menghadirkan janji Allah yang sangat indah: “Aku akan memberikan bibir yang bersih kepada bangsa-bangsa.” Dalam dunia yang telah rusak oleh dosa, salah satu bukti paling nyata dari kerusakan itu adalah bahasa manusia. Kata-kata yang seharusnya dipakai untuk memuliakan Allah justru sering menjadi alat untuk melukai, memecah, dan menipu. Namun melalui nabi Zefanya, Allah menyatakan bahwa Ia sendiri akan memulihkan umat manusia bukan hanya tindakan mereka, tetapi juga perkataan mereka.
_Allah yang memulai pemurnian lewat bibir manusia_. Pemurnian bahasa bukan hasil usaha manusia, melainkan karya Allah sendiri: “Aku akan memberikan” Ini menegaskan bahwa transformasi rohani selalu dimulai dari anugerah. Manusia tidak mampu membersihkan lidah dan bibirnya tanpa terlebih dahulu dibaharui hatinya. Dalam Injil, Allah memberikan bahasa baru yakni bahasa kasih karunia, pengampunan, dan kebenaran. Inilah yang digenapi ketika Injil diberitakan kepada bangsa-bangsa melalui Yesus, sehingga orang dari berbagai latar belakang dapat memanggil nama Tuhan.
_Bahasa baru lahir dari hati yang baru_
Perkataan keluar mulut itu berasal dari hati. Karena itu, “bibir yang bersih” menunjuk pada hati yang telah diperbarui oleh Roh Kudus. Orang percaya tidak lagi hidup dalam pola lama dusta, sumpah serapah, dan perkataan sia-sia tetapi berubah dengan menghasilkan buah baru: doa, ucapan syukur, pengakuan iman, dan perkataan yang membangun. Perubahan ini tidak instan, tetapi progresif seiring dengan seseorang itu semakin hidup dalam hubungannya dengan Yesus.
_Bahasa yang dimurnikan menghasilkan kesatuan umat Allah_
Selanjutnya nabi Zefanya menekankan bahwa umat Allah akan “memanggil nama TUHAN” dan “beribadah dengan bahu-membahu.” Bahasa yang dimurnikan menghasilkan kesatuan. Ketika hati disembuhkan, relasi dipulihkan. Itulah yang seharusnya hadir di dalam gereja. Gereja tidak lagi dipenuhi persaingan dan perpecahan, tetapi menjadi komunitas yang saling melayani. Perbedaan latarbelakang anggotanya tidak lagi menjadi penghalang, karena semuanya disatukan oleh satu bahasa yakni penyembahan kepada Allah yang benar.
Maka lewat ayat ini nabi Zefanya mengarahkan kita kepada visi besar Allah yakni umat yang dipulihkan secara total yakni hati, mulut, dan persekutuannya. Ini bukan sekadar harapan masa depan, tetapi juga panggilan untuk dihidupi saat ini. Sebagai orang percaya, kita dipanggil untuk membiarkan Allah memurnikan bahasa kita melalui firman dan RohNya. Setiap kata yang kita ucapkan seharusnya mencerminkan karya Kristus di dalam kita. Ketika dunia dipenuhi perkataan yang merusak, gereja dipanggil menjadi tanda kerajaan Allah melalui perkataan yang membangun, menghibur, mendamaikan, dan memuliakan Tuhan. Marilah kita berikan hidup kita bersama-sama untuk dipakai Tuhan hingga kita menjadi umat yang bersatu, dengan hati yang baru, dan bahasa yang dimurnikan untuk kemuliaan Allah. Amin.
5. Nyanyian: Kidung Jemaat No. 2:1-2
Suci, suci, suci Tuhan Maha kuasa! Dikau kami puji di pagi yang teduh.
Suci, suci, suci, murah dan perkasa, Allah Tritunggal, agung namaMu!
Suci, suci, suci! Kaum kudus tersungkur di depan takhtaMu memb’ri mahkotanya
Segenap malaikat sujud menyembahMu, Tuhan, Yang Ada s’lama-lamanya.
6. Doa Bapa kami
_Kantor Sinode GKPS_
About the Author
