PA LANSIA
Minggu, 12 Juli 2026 (VI. Setelah Trinitatis)
Nas : Galatia 4:1-11
Tema : Dipelihara oleh Kasih, dikuatkan oleh Roh
Tujuan : Agar kaum Lansia mengerti bahwa identitas sebagai anak Allah tidak akan berubah,karena orang percaya adalah janji Allah yang hidup dalam terang kasih-Nya.
Usul doding : Hal No. 497:1-3
Parlobeini
Galatia on isurathon Paulus hubani kuria na adong i wilayah Galatia. Isurathon Paulus do surat on ibagas horu ni uhur ni halani kuria Galatia na dob manjalo injil, mulai ma “menyimpang” hunbani hasintongan. Aido ase somalni surat ni si Paulus ipungkah marhitei hata “diatei tupa” tapi Galatia mintor hubani inti aima“podah”. Buei parpodah na kahou panorang namangkatahon bahasa lang sungkup pitah porsaya hubani Jesus Kristus, itambahi sidea do marhitei
- Maningon unduk hubani titah
- Manigon marsunat
- Maningon mangihutkon aturan-aturan ni halak Jahudi.
Halani ajaran-ajaran na sonai ai gabe bingung, mabiar, janah magouan malas ni uhur ma use kuria Galatia ai. Hape injil mangajarhon hubani sidea haluahon pitah halani idop ni uhur marhitei haporsayaon hubani Jesus Kristus.
Marhitei surat on, ipaingat Paulus bahasa kuria Galatia ai aima:
- Anak ni Naibata
- Halak namerdeka
- Panean
Hatorangan
Buei lansia na bergumul bani hal on:
- Hinan aktif, nuan terbatas
- Hinan marhorja, nuan bahatan soh i rumah
- Hinan margogoh, nuan domma lambin galek
- Hinan iporluhon buei jolma, sonara songon na ihalupahon ma pangahap.
Lang sadar, nanget-nanget songon na berubah ma identitas diri, janah adong ma humbani Lansia namaruhuri:
“lang be marguna ahu, domma matua, paima panorangni mando, domma salosei be, pnl”
Tapi hata ni Tuhan/ambilan on patugahkon hubanta bahasa “identitas ta lang itontuhan umur, tapi ise hita ilobei-lobei ni Tuhan in.
Manggoluh Songon Jabolon (1-3)
Apostel Paulus manggambarhon keadaan ni jolma songon dakdanak. Agepe panena ia sadokah danak ope, siaturon do ia, ibatasi janah goluhni songon jabolon. Itoruh ni kuasa ni sipanramoti ampa sipanuturi do ia das hubani na tinontuhon ni bapani.
Aima gambaran ni goluh na lang mananda holong ni Tuhan Naibata ampa namanggoluh ibagas aturan ni titah. Goluh on songon na gok tumang aturan, gok hawajiban janah lang mangahapkon hamerdekaon.
Bani piga-piga lansia, adong do pengalaman masa lalu na sonon:
- Goluh na gok hawajiban, tapi lang dong hadameion
- Mangidangi, tapi lang dong pengertian
- Marugama tapi lape mangahapkon holong ni Tuhan secara pribadi.
Atap bahkan sonari
Pangahapni, gok beban do goluh on janah maningon torus do “mambayar” ase boi ijalo Tuhan Naibata, hape hata ni Tuhan mangkatahon hita lang be manggoluh gabe janolon.
Hita Itobus Marhitei Holong (4-5)
Hata ni Tuhan mangkatahon “Dob gok panorangni, isuruh Naibata ma Anak-Ni……”
On ma bukti holong-Ni na banggal. Jesus roh, lang halani margogoh hita, atap halani hataluponta tapi halani naihaholongi do hita. Porlu tumang do on ingaton ni ganup Lansia, holong ni Tuhan lang moru agepe martambah umur. Lambin galek pe angkula, holong-Ni totap do lambin gogoh. Lambin mandaoh halak nalegan, holong-Ni totap lambin dohor. Lambin borat pe pargoluhan on iahap hita, holong-Ni ai totap do patoguhkon hita. Holong ampa panobusan nahumbani Tuhan Naibata lang marlaku pitah bani haposoonta tumang. Holomh ampa panobusion ai marlaku hinan, sonari ampa sadokahni-dokahni.
Ijalo Hita Hak Haanakon (6-7)
Inti ni panobusion ni Naibata aima ase gabe anak ni Naibata hita, lang pitah iampuni atap ipaluah humbani dousa tapi gabe anak. Lang hita namanjalo gabe anak tapi marhitei holong pakon idop ni uhur-Ni manjalo hak haanakon.
Gabe anak mararti ma ai, ijalo, ihaholongi, marparsaoran pakon Tuhan Naibata janah na tang sibanggalan aima panean. Lang pitah hak anakon tapi ibere do homa Tonduy Napansing hubagas uhurta laho mangapohi hita sanggah ibagas namarpusok ni uhur, mampargogohi anggo ibagas hagalekon janah paingathon hita bahasa hita anak ni Naibata.
Domma Gabe Anak, Ulang Gabe Jabolon Be (8-11)
Paulus mangidah kuria Galatia sihol mulak hubani pargoluhan ni sidea na dob ni in, halani pengaruh lingkungan. Kuria Galatia lang pitah halak Jahudi dong do homa non Jahudi janah aido minroritas na hinan manumbah gana-gan, na lang mananda Naibata na sintong. Janah dong homa kaum Judaisme na roh mangajarhon hubani sidea bahasa uhum ni si Musa ai do sigijangan marimbang uhum naija pe ai, janah na boi mambobai sidea hubani Naibata. Jadi sobali domma mulai madabuh use hubani parnaibataan na legan, mulai ma homa tergoda sidea songon halak jahudi namaningon mangkorjahon titah, marsunat janah maningon mandalankon ari raya ni Jahudi ase dapotan haluahon pakon holong ni Naibata.
Marhitei uhur na gok holong, ipaingat si Paulus sidea ase ulang paluahkon hak haanakon gabe manggoluh gabe jabolon. Domma anak panean, ulang be marparlahou songon jabolon. Halani domma gabe anak, tontu marbeda ma homa pargoluhan ni sidea marimbang na hinan.
Refleksi
Nuan on, hita manggoluh bani zaman na torus marubah. Dunia na urah berubah, sonai homa tekhnologi sonai homa hubungan ni jolma pe urah marubah. Halani ai, buei ma jolma tarlobih lansia na lungunan itongah-tongah ni na ramei, merasa lang ianggap itongah-tongah ni keluarga janah merasa lang marguna halani domma matua.
Tapi ambilan on paingathon hita, umur boi martambah, angkula boi do lambin galekni janah situasi naidompakkon hita pe boi do marubah. Tapi, sada hal namaningon ibotoh janah ulang ihalupahon hita aima “holong ni Naibata lang ongga mubah”. Hita anak ni Naibata naijaga marhitei holong-Ni, ipargogohi Tonduy-Ni janah gabe panean ni padan-Ni Naibata sisadokahni-dokahni. Tongon, lang songon na hinan be gogoh, lang be songon na hinan be aktif, lang songon na hinan be na boi tarhorjahon tapi ilobei-lobei ni Naibata totap do ham anak, lang jabolon, lang halak dagang janah lang na halak na ilupahon.
Bahat ope halak kristen na porsaya bani hagagogohon na hun luar ni Naibata na sintong, misalni hagogohon ni roh-roh nalegan atap benda-benda na gati isobut hita jimat, nainggap boi pamalumhon mambere malas ni uhur pakon aman humbani gangguan-gangguan ni atap ahape. Hape haluahon marhitei idop ni uhur-Ni hubanta lang pitah marlaku bani goluh simagira tapi marlaku do homa bani goluh ta nuan. Halani ai ulang atap lang porlu hita manorihi haluahon bani naibata na legan sonai homa tradisi-tradisi pakon jimat. Ulang gabe ipaluah hita hak haanakon gabe jabolon use. Amen
About the Author
