BAHAN PA LANSIA
Minggu 10 Dob Trinitatis, 09 Agustus 2026
Nas : 2 Timoteus 2: 1-13
Tema : Dipegang oleh Kesetiaan-Nya
Usul Doding : Haleluya No. 326: 1 – 2
Tujuan : Ase Lansia totap marpangunsandeian bani holong atei-Ni Naibata aima simada hagogohan agepe lambin galek angkula tapi Holong ni Atei ni Naibata totap
do ronsi sadokah ni dokahni.
Anggo isungkun hubanta adong do halak na sihol marsitaronon? Pasti hampir haganup mambalosi “lang”. Hansi pe sonai, adong do hagoluhan na lang marsitaronon? Tontu on pe songon na lang mungkin. Ganup do halak mangahapkon sitarononni bei. Somalni, marusaha do halak ase maluah humbani sitaronon. Bani zaman modern on, rosuhan do jolma mangindahi hasonanganni sandiri; seng marosuh bani hasunsahan, apalagi bani sitaronon. Bagei do cara ipakei jolma laho memenuhi haporluanni, lang pitah marhitei cara na madear, tapi dihut do marhitei cara na sambor bahkan bertentangan pakon haporsayaon. Tapi halak na porsaya idilo do ase sirsir manaron janah maningon margogoh do hita ibagas ai. Hata ni Naibata sadari on mangontang hita bani “Pandiloon ase sirsir marsitaronon”, pargoluhan ni halak Kristen agepe mangahapkon bagei-bagei ni tantangan, pergumulan, pakon parsoalan na borat tumang, lang mambahen halak na porsaya lang margogoh, tapi sebalikni lambin margogoh do ibagas Naibata. Perenungan on mambere balos hubanta ase ulang pitah mangindahi hasonangan na tongkin marhitei bagei dalan pintas laho mandapotkon keberhasilan, tapi porlu do usaha, horja, ampa haundukon laho mandapotkon hasil na maksimal.
2 Timoteus 2:1-13 aima marisi podah ni si Paulus hubani si Timoteus “anak ibagas haporsayaon” ase toguh haporsayaonni mangirikkon Jesus Kristus janah gabe si usihan pakon totap gabe sipambalosi bani sitaronon. Podahni Paulus ipadas halani bueini ancaman penganiayaan na kejam na ibahen pamarentah Romawi hubani halak Kristen na parlobei ampa pengaruh ajaran sesat na pakahouhon humbani pesan injil na iambilankon si Paulus. Haganup podah on ipadas marhitei mambahen tolu jenis gambaran humbani militer, humbani dunia atletik, pakon humbani bidang pertanian. Bani ayat 3-4, ipausih do halak Kristen songon tentara na marporang. Tentara marsitaronon i medan porang, sonai do homa halak Kristen manaron sitaronon na terjadi halani setia bani haporsayaonni. Sahalak tentara mambalosi komandanni, sonai homa halak Kristen maningon mambalosi Kristus bani haganup. Sebagai tentara ni Kristus Jesus na bujur, lang haru uhurni pasal dirini sandiri, artini, lang pitah dirini sandiri iparuhurhon, tapi sihol do ia mangkorjahon na sidearan ase monang i parporangan romban hubani parentahni komandanni.
Gambaran na paduahon aima maningon songon atlet do hita ase boi gabe juara. Lang pitah ringgas marlatih, tapi porlu do iarusi janah idalankon hita ganup aturan ni jenis olahraga na ihorjahon ase ulang idiskualifikasi atap iusir humbani parlumbaan ai. Anggo domma marusaha, ringgas marlatih janah mangihutkon ganup aturan dear janah sintong, ijai ma mandapotkon hamonangan janah ibere ma bani mahkota sebagai juara. Na patoluhon, sebagai sahalak parjuma, ase sukses, porlu do ia ringgas marhorja, gogoh marhorja. Janah dob dapot hasilni, ia ma na parlobei menikmati, manjalo, pakon mandapotkon ulih ni horjani. Iatas ni haganupan ai, Naibata sandiri do na mambere pangarusion bani haganup. Na tolu gambaran on ma mambere siusihan pakon contoh na dear hubani Timoteus laho torus mandalankon tanggungjawab pangidangionni, ija ia bertindak sebagai tentara na militan, memiliki semangat berjuang, ia bertindak sebagai atlet na totap ringgas marlatih janah mangihutkon ganup aturan janah ia bertindak sebagai petani na ringgas, marhorja dear, ase boi ia menikmati hasil pangidangionni.
Aha do mambahen sahalak pejuang iman toguh mandompakkon sitaronon? Parlobei gabe margogoh ia sedo halani dirini tapi halani idop ni uhur ni Naibata do. Paduahon, ia fokus hubani parentah ni Naibata, mandalankon titah ni Naibata, janah ringgas marhorja ronsi marbuahkon ulih (4-6). Patoluhon, iirikkon do Jesus huja pe ia laho (11-13). Sitaronon ampa parmatei ni Jesus halani pambalosion-Ni bani Bapa na i Nagori atas ai sedo ujungni. Jesus domma puho janah monang. Hamonangan ni Jesus gabe hamonangan ni siparporang na setia ibagas haporsayaon. Goluhta i dunia on lambin igoki nilai-nilai na bertentangan pakon Ambilan Na Madear. Sasintongni, buei do halak Kristen na manggoluh tanpa nilai-nilai na iajarhon Jesus. Porlu do buei pahlawan Kristen na setia mambaritahon Ambilan Na Madear pasal Kristus pori pe mandompakkon bagei penolakan ampa hambatan. Idilo Tuhan Jesus do hita haganup gabe pejuang ibagas haporsayaon. Balosi hita ma dilo-dilo ni Naibata ibagas hasirsiron ni siparporang ibagas haporsayaon. Pitah ibagas Ia do hita ipargogohi janah ipargogohi manaron halani Ambilan Na Madear. Sebagai halak na porsaya totap ma hita berjuang bani goluh on, halani iparbagah Tuhan Jesus do hadirion-Ni bani ganup jolma na tongtong marpangunsandeian hu-Bani. Membangun goluh on totap toguh ibagas Naibata; ase boi margogoh iporluhon sada proses, iporluhon pengorbanan waktu, tenaga, bahkan materi (duit). Proses gabe margogoh ibagas Naibata mamorluhon hasirsiron manaron, songon na hinatahon ni Tuhan Jesus “barang ise na sihol mangirikkon Ahu maningon parnalangonni dirini, iporsanonni ma silangni anjaha irikkon ma Ahu”. (Mateus 16:24). Pangarapan ni na porsaya aima anggo domma terjadi proses ai, iahapkon ma kehadiran ni Naibata, tontu berhasil ma ia, ase gabe halak na porsaya marhaporsayaon na toguh, tenger bani Naibata.
Marhitei ambilanta sadari on, iontang do hita na lansia ase torus marbanggal ibagas hasatiaon agepe angkulata domma lambin galek. Mungkin sebagai orangtua na lansia domma buei mungkin sitaronon, paruntulon bani pardalanan ni goluh na idompakhon. Tapi totap ma marianan hasabaron pakon haundukon ibagas sitaronon ai janah sekaligus marpangarapan na toguh hubani Jesus Kristus. Agepe domma lansia lang gabe pangambati laho totap mandalankon horja pangidangion na dob iondoskon Naibata hubanta ibagas ketaatan ampa kesetiaan songon puanglima haporsayaon na setia laho pararatkon haluahon pori pe bagei-bagei ni haporsayaon rintangan. Idilo Jesus do hita padaskon hasangapon-Ni ase ijalo hita sortali hasangapon-Ni bani panorangni. Amen
About the Author
