RENUNGAN BAPA
16 Agustus 2026 (11 Dob Trinitatis)
Nats : Ibrani 12:1-4
Tema : Jangan Berdosa di Dalam Pergumulan
Tujuan : Agar kaum bapa dimampukan untuk tetap menjaga kekudusan dalam pergumulan hidup
Kuria na hinaholongan ni Tuhan Jesus Kristus,
Pardalanan ni goluhta on lang ongga maluah humbani hamaholan-hamaholan. Sipata tonggota lang ibalosi, labah songon na tartutup, janah dalan hagoluhan on songon na buntu. Bani situasi na sonon, boi do hita totap setia marpangarapan bani Naibata? Hasatiaon lang pitah singgan martahan sanggah haganupan mardalan ibagas na dear, tapi maningon dihut do totap hita berkomitmen bani haundukon pori pe maningon idompakhon hita sitaronon pakon hamaholon. Marhaporsayaon bani Naibata mararti mangondoskon goluhta hu-Bani janah sirsir mandalankon parentah ni Naibata ibagas na satia. Hansi pe bani pardalanan goluh gati idompakkon hita parlajouan mambahen gabe lang satia. Anggo ipardiateihon hita, bueinan do halak na sukses tapi lang pala daoh pargoluhanni humbani halak na i lambungni. Kunci keberhasilan sasintongni aima hapongkuton, anggo boi hita torus manlangkah sanggah buei halak na domma menyerah. Umpamani, sonaha hita mamungkah sada-sada horja lang saporlu sonaha hita mandobkon ai. Ase boi salosei sada-sada horja dear, maningon totap do hita martahan das hubani ujungni.
Ai do homa isobut bani ambilan on, na ija bahat tumang do parlajouan na ihadapi halak Kristen ijia, pas songon hombun na manlioti sidea bani panorang ai, golap pangahap sidea. Tapi nini penulis kitab Heber on, tadingkon ma haganupan ai artini ulang ipadingat-dingat. Halani domma buei saksi pasal ai. Anggo bani bindu sabolas isobut luar biasa do tantangan na ihadapi si Musa, Abraham, Ishak bahkan si Noak. Tapi halani hapongkutonni boi do sidea maluah janah jumpah mals ni uhur bani panorangni. Mase boi monang sidea, halani hapongkuton ni sidea ai. Hapongkuton ni sidea ai usih songon sada atelet na marlumba. Bahat do Latihan-latihan na dob idalani atlet ai, tapi dobni modang do ia. Tontu hita pe sonai do porlu do latihan iman, ase boi monang bani ujungni. Aha do mambahen sipata hita talu bani parlumbaan ai, porini pe domma latihan ibagas na pongkut? Penulis manggambarhon bahwa adong hal-hal na mambahen hita talu bani parlumbaan ai, aima halani mamboan bahat beban, misalni jaket na tebal, jins na tobal pakon sipatu na borat tu. Tontu anggo sonai llang boi hita monang. Namun, ketika kita menjalani perlombaan rohani bersama Yesus, justru inilah yang sedang kita lakukan. Kita perlu melepaskan semua beban dalam hidup kita. Kita harus melepaskan semua beban dan barang bawaan yang kita seret dalam hidup.
Hita kuria na hinaholongan ibagas Kristus Jesus, sonai do homa haporsayaonta. Palegan-legan do hasusuranta ganupan, palegan – legan do homa turi-turianta pasal sonaha hita mamungkah goluhta rap pakon Jesus. Tapi ganup do hita ibere na halobihan atap istimewa. Dob gabe Kristen hita, ibere do banta goluh na bayu pakon uhur na bayu. Itongah-tongah ni dunia na golap on, ibere do banta panondang. Ibere do banta pangarapan. Halani ai bagian humbani tanggungjawabta selaku halak Kristen lang sekedar porsaya, tapi totap do homa hita satia agepe buei mandompakkon tantangan bani goluh on. Magou pe haganup na adong banta bani goluh on tapi totap do Jesus banta. Seng dong na manirang hita humbani holong ni Naibata. Artini maningon lambin barani do hita mangayaki hagoluhan on. Panurat surat Heber mangojur kuria bani panorang ijia ase totap pongkut manaron parlawanan na maparah dompakSI hun pihak ni halak pardousa ase ulang gabe galek hita anjaha mandolei. Sai pasaudon-Ni do bagah-bagah-Ni anggo lang ra hita mandolei. Ra do hita sihol manlembang humbani Naibata janah ra do sonari hita maruntol bani haporsayaonta. Ulang mandolei hita, jolom hita ma poltik pangarapan na adong ibagas Jesus Kristus. Manjolom bagah-bagah ni Naibata. Anggo toguh hita, dapotan bagah-bagah ampa pasu-pasu ni Naibata do hita, age bani goluh on sonai age i nagori atas. Porini pe buei hamaholon ni goluh, sahalak bapa totap do marondos hubani Naibata, seng ongga laho hu ianan na lang iharosuhkon Naibata laho menyelesaihon masalahni.
Marhitei haporsayaon torus ma hita manlangkah maju ibagas pangarapan janah manggoki goluh on marhitei horja na madear. Janah torus ma marlajar ase totap martahan bani mandompakkon tantangan ni goluh on. Goluh na tahan bani hamaholon aima goluh na mangajamkon haporsayaon bani Naibata. Hata ni Naibata marhitei Heber 10:23, paingatkon hita bahasa pangarapan bani Naibata lang ongga sisoya-soya, halani onjolan ni pangarapan ai sedo humbani gogohta sandiri, tapi bani hasatiaon ni Naibata. Bagah-bagah ni Naibata sedo bagah-bagah na lumei. Anggo marsahap Ia, margogoh do homa Ia pasaudkon ai. Itongah-tongah ni hamaholon lambin itompa do haporsayaonta ase lambin toguh hita manjolom-Si. Halani ai anggo galek haporsayaonta, dingat hita ma bahasa dong do banta Naibata na gabe hatengeran ni uhur. Seng ongga itadingkon niombah-Ni. Jolom ma bagah-bagah ni Naibata, halani humbani ganup hamaholon ai adong do tongtong pangarapan, janah ibagas pangarapan ai adong do hatotapan monang hita ibagas Kristus. Ibagah-bagahkon Naibata do seng anjai tadingkonon-Ni hita, bahenon-Ni do haganup ase dear, anjaha bereon-Ni do banta pangarapan bani ari simagira. Anggo ipilih hita manjolom bagah-bagah ai, gabe toguh ma uhurta. Lang be sahalakta mardalan, ai Naibata sandiri do na patorsahon hita marhitei gogoh, damei, pakon tenger ni uhur na so mubah. Lambin tenger uhurta bani hasation-Ni, lambin banggal ma habaranionta ase totap maju – manggoki pandiloon ni Naibata marhitei tonduy na lang bumbang, pori pe legan do hata ni dunia on atap sora-sora na adong i lambungta. Amen
About the Author
