*IBADAH HARIAN KELUARGA GKPS**Senin, 9 November 2026*
I. Bahasa Simalungun
*1. Doding: Haleluya No. 395:1-2*
Pasangap ma Tuhanta marhasoman arbab pakon doding
Sombahkon ma pujian marhiteihon inggou maraloling
Dear ma riap mandoding haganupan malas uhur rap mangolobhon
Porini adong pusok ni paruhuron roh do Tuhan lao patorsahon
Dodingkon doding baru marhasoman sora na malurlur
Pamaling ma sora mu songon parmaling ni taur-taur
Dear ma riap mandoding haganupan malas uhur rap mangolobhon
Porini adong pusok ni paruhuron roh do Tuhan lao patorsahon
*2. Tonggo*
*3. Ayat Harian: Yohannes 14:6*
_Nini Jesus ma hu bani, “Ahu do dalan in pakon hasintongan ampa hagoluhan. Seng dong na das hubani Bapa in, anggo seng marhiteihon Ahu._
*4. Renungan*
Kuria na hinaholongan ni Tuhan, Johannes 14 aima parsahapan pasal parsirangan ni Jesus pakon susian-Ni paima mandalani sitaronon ampa parmatei-Ni. Sanggah ipatugah Jesus na laho misir ma Ia hubani Bapa in, gabe tonjan do uhur ni susian ai janah magou ma kepastian ni sidea. Ipatugah si Tomas do kebingungan ni sidea halani lang ibotoh sidea huja do Jesus laho janah dalan aha sidalankononni. Laho mambalosi tonjan ni uhur ai, Jesus lang mambere petunjuk arah, tapi ipatandahon do diri-Ni: “Ahu do dalan in, pakon hasintongan ampa hagoluhan”. Artini, kepastian hidup lang terletak terutama bani panandaion pasal dalan, tapi justru bani panandaion ampa haporsayaon bani Jesus sandiri. Hata ni Naibata bani panorang on mangajarhon hubanta pasal 3 hal:
*Jesus do dalan: Ulang ma Magouan arah bani pardalanan ni goluhmu.*
Kuria na ihaholongi Tuhan, Bani bahasa Gorik hata “dalan” mamakei hata hodos, na mararti dalan, arah, atap cara laho mandapotkon sada tujuan. Sanggah ihatahon Jesus “Ahu do dalan in” Ia menegaskon bahwa marhiteihon-Si do jolma in memiliki dalan laho marayak Naibata Bapa. On ma sada pernyataan na bagas tumang. Jesus lang mangkatahon anggo Ia pitah mambotoh dalan hubani Bapa in, tapi Ia sandiri do dalan ai. Artini, relasi ni jolma pakon Naibata lang terbangun semata-mata marhitei kemampuan, gogoh, prestasi, habayakon, atau hadaulaton ni jolma.
*Jesus do hasintongan: Ulang ma ipajongjong ham goluhmu bani ladung ampa pangoto-otoion.*
Kuria na hinaholongan ni Tuhan, Bagian na paduahon humbani hata ni Jesus aima “Ahu do hasintongan”. Bani sahap Gorik hata na ipakei aima aletheia, artini hasintongan, sesuatu na nyata, lang ponop, janah lang palsu. Sanggah isobut Jesus diri-Ni hasintongan, Ia menegaskon bahwa ibagas Ia do jumpah hita hasintongan ni Naibata na sintong. Jesus patalarhon ise do Naibata janah aha do harosuh ni Naibata bani jolma. Hasintongan sedo pitah sesuatu na ihatahon hita, tapi sesuatu na ipatalar marhitei pribadi ampa goluh ni Jesus. Jesus lang pitah mangajarhon hasintongan, tapi manggoluh ibagas hasintongan. Aha na ihatahon-Ni sadalan do pakon aha na ihorjahon-Ni. Taridah do holong-Ni ai marhitei pambahenan. Taridah do idop ni uhur-Ni marhitei na mangurupi halak na marsitaronon. Ia lang memanipulasi halak na legan untuk kepentingan-Ni sandiri.
*Jesus do hagoluhan: Ulang pitah mamparayak hagoluhan, tapi pindahi ma arti ni goluh ibagas Kristus.*
Bagian na patoluhon humbani hata ni Jesus aima “Ahu do hagoluhan in”. Bani sahap Gorik hata na ipakei aima zoe, na bani Injil Johannes gati martudu hubani hagoluhan na sintong na roh humbani Naibata, sedo sekedar eksistensi biologis ni jolma. Jesus patandahon diri-Ni sebagai sumber hagoluhan. Marhiteihon-Si, jolma in dapotan hagoluhan na sintong, aima hagoluhan na dob ipauli ibagas parsaoran pakon Naibata janah marpangarapan bani hagoluhan na sadokah ni dokahni. Jadi, hagoluhan na imaksud ijon lang pitah marhosah, marhorja, mangan, minum, dong rumah ni dong horjani, ampa menikmati bagei-bagei fasilitas ni goluh on. Hansi pe porlu do haganupan ai, tapi goluh ni jolma daoh lobih bagas marimbangkon pitah memenuhi kebutuhan fisik.
*Refleksi hubanta: Bahen hita ma Jesus gabe pusat ampa arah bani goluhta.*
Nasiam kuria ni Naibata na hinaholongan, ningon serius do hita merenungkon pasal on. Halani, gati do buei na ibahen hita gabe pusat ni goluhta. Adong do halak na mambahen habayakon gabe pusat ni goluhni, mambahen hajongjongan pakon jabatan gabe ukuran keberhasilanni, mambahen penilaian ni halak na legan gabe penentu kebahagiaanni. Hape, haganupan on boi do mubah janah lang boi hita totap mampartahankon ai. Martarimakasih ma hita halani domma ibuka Kristus dalan banta roh hubani Bapa in. In ma dalan na manogu-nogu, hasintongan na patoguhkon, pakon hagoluhan na mambere pangarapan. Halani ai mardalan ma hita rap pakon Tuhan in, bahen hita ma Kristus gabe onjolan ampa pusat ni goluhta, ase ulang magou arahta, jolomanta, ampa pangarapanta.
Dingat ma, kuria na hinaholongan:
Ulang magou arahmu, ai Jesus do dalan in.
Ulang magou jolomanmu, ai Jesus do hasintongan in.
Ulang magou pangarapanmu, ai Jesus do hagoluhan in. Amen
*5. Doding Haleluya No.117:1+4*
Pitah Jesus hubaen hasomanku.
Ia do na pasonangkon au.
Ningon sai tongtong torang langkahku,
anggo rapkon Jesus in au lao.
anggo rapkon Jesus in au lao.
Jesus do tongtong haporusanku,
arta pakon hagoluhankin;
Ai pe tonduy ‘ge pe pamatangku,
hu ondoskon hu tangan-Ni in,
hu ondoskon hu tangan-Ni in.
*6. Tonggo Ham Bapanami*
II. Bahasa Indonesia
*1. Nyanyian Kidung Jemaat No. 10:1+4*
Pujilah Tuhan, Sang Raja yang Mahamulia!
Segenap hati dan jiwaku, pujilah Dia!
Datang berkaum, brilah musikmu bergaung,
Angkatlah puji – pujian !
Pujilah Tuhan yang dapat dan mau melakukan
jauh melebihi doamu dan yang kau rindukan.
Ingat teguh: Ia berkuasa penuh!
KasihNya t’rus kautemukan.
*2. Doa*
*3. Ayat Harian: Yohanes 14:6*
_“Kata Yesus kepadanya: ‘Akulah jalan dan kebenaran dan hidup. Tidak ada seorang pun yang datang kepada Bapa, kalau tidak melalui Aku.’”_
*4. Renungan*
Jemaat yang dikasihi Tuhan, Yohanes 14 merupakan percakapan perpisahan Yesus dengan murid-murid-Nya menjelang penderitaan dan kematian-Nya. Ketika Yesus menyampaikan bahwa Ia akan pergi kepada Bapa, para murid menjadi gelisah dan kehilangan kepastian. Tomas mengungkapkan kebingungan mereka karena tidak mengetahui ke mana Yesus pergi dan jalan apa yang harus ditempuh. Menanggapi kegelisahan itu, Yesus tidak memberikan petunjuk arah, tetapi memperkenalkan diri-Nya: “Akulah jalan dan kebenaran dan hidup.” Artinya, kepastian hidup bukan terutama terletak pada pengetahuan tentang jalan, melainkan pada pengenalan dan kepercayaan kepada Yesus sendiri. Firman Tuhan pada hari mengajarkan kita tentang 3 hal:
*Yesus adalah jalan: Jangan kehilangan arah dalam perjalanan kehidupanmu.*
Jemaat yang dikasihi Tuhan, Dalam bahasa Yunani, kata “jalan” menggunakan kata hodos, yang berarti jalan, arah, atau cara untuk mencapai suatu tujuan. Ketika Yesus mengatakan, “Akulah jalan,” Ia sedang menegaskan bahwa melalui diri-Nya manusia memperoleh jalan untuk datang kepada Allah Bapa. Ini merupakan pernyataan yang sangat mendalam. Yesus tidak mengatakan bahwa Ia hanya mengetahui jalan menuju Bapa, tetapi Ia sendiri adalah jalan itu. Artinya, hubungan manusia dengan Allah tidak dibangun semata-mata melalui kemampuan, kekuatan, prestasi, kekayaan, ataupun kesalehan manusia.
*Yesus adalah kebenaran: Jangan membangun kehidupan di atas kebohongan dan kepalsuan.*
Jemaat yang dikasihi Tuhan, Bagian kedua dari perkataan Yesus adalah “Akulah kebenaran.” Dalam bahasa Yunani, kata yang digunakan adalah aletheia, yang berarti kebenaran, sesuatu yang nyata, tidak tersembunyi, dan tidak palsu. Ketika Yesus menyebut diri-Nya sebagai kebenaran, Ia sedang menegaskan bahwa di dalam diri-Nya kita menemukan kebenaran Allah yang sesungguhnya. Yesus menyatakan siapa Allah dan bagaimana kehendak Allah bagi manusia. Kebenaran bukan sekadar sesuatu yang kita ucapkan, tetapi sesuatu yang dinyatakan melalui pribadi dan kehidupan Yesus. Yesus tidak hanya mengajarkan kebenaran, tetapi hidup dalam kebenaran. Apa yang Dia katakan sesuai dengan apa yang Dia lakukan. Kasih-Nya nyata dalam tindakan. Kepedulian-Nya terlihat dalam keberpihakan kepada orang-orang yang menderita. Ia tidak memanipulasi orang lain untuk kepentingan diri-Nya sendiri.
*Yesus adalah hidup: Jangan hanya mengejar kehidupan, tetapi temukan makna kehidupan di dalam Kristus.*
Bagian ketiga dari perkataan Yesus adalah “Akulah hidup.” Dalam bahasa Yunani, kata yang digunakan adalah zoe, yang dalam Injil Yohanes sering menunjuk kepada kehidupan sejati yang bersumber dari Allah, bukan sekadar keberadaan biologis manusia. Yesus sedang memperkenalkan diri-Nya sebagai sumber kehidupan. Melalui Dia, manusia memperoleh kehidupan yang sesungguhnya, yaitu kehidupan yang dipulihkan dalam hubungan dengan Allah dan memiliki pengharapan akan kehidupan kekal. Jadi, hidup yang dimaksud bukan sekadar bernapas, bekerja, makan, minum, memiliki rumah, mempunyai pekerjaan, dan menikmati berbagai fasilitas kehidupan. Semua itu memang penting, tetapi kehidupan manusia jauh lebih dalam daripada sekadar memenuhi kebutuhan jasmani.
*Refleksi bersama: Jadikan Yesus sebagai pusat dan arah kehidupan kita.*
Jemaat yang dikasihi Tuhan, kita harus merenungkan hal ini dengan sungguh-sungguh. Sebab, sering kali kita menjadikan banyak hal sebagai pusat kehidupan kita. Beberapa orang menjadikan kekayaan sebagai pusat hidupnya, menjadikan jabatan dan kedudukan sebagai ukuran keberhasilannya, menjadikan penilaian orang lain sebagai penentu kebahagiaannya. Padahal semua itu dapat berubah dan tidak selalu dapat kita pertahankan. Kita bersyukur karena Kristus telah membuka jalan bagi kita untuk datang kepada Bapa. Ia adalah jalan yang menuntun, kebenaran yang meneguhkan, dan kehidupan yang memberikan pengharapan. Karena itu, berjalanlah bersama Tuhan, mari menjadikan Kristus sebagai dasar dan pusat kehidupan, agar kita tidak kehilangan arah, pegangan dan pengharapan.
Ingatlah, jemaat terkasih:
Jangan kehilangan arah, sebab Yesus adalah jalan.
Jangan kehilangan pegangan, sebab Yesus adalah kebenaran.
Jangan kehilangan pengharapan, sebab Yesus adalah hidup. Amin.
*5. Nyanyian Kidung Pujian “Ku Hidup Bagi-Mu”*
Yesus Kau kebenaran, Yang menyelamatkanku
Kau memb’rikanku hidup, Dan pengharapan
Ku ikut kehendakMu, Ku perlu anug’rahMu
Kunyatakan janjiku, KepadaMu
Kalau ku hidup, ku hidup bagiMu
Hatiku tetap, tetap menyembahMu
Dunia tak bisa menjauhkanku dari kasihMu
S’lama ku hidup, ku hidup bagiMu
Mataku tetap, tetap memandangMu
Dunia tak bisa menjauhkanku dari kasihMu
*6. Doa Bapa Kami*
*Bacaan Pagi: Yesaya 20:1-6*
*Bacaan Malam: Lukas 6: 20-26*
_KANTOR SINODE GKPS_
About the Author
