RENUNGAN LANSIA GKPS
15 Nopember 2026 (24 Dob Triniatis)
Nas : Roma 11:25-36
Tema : Hikmat dan Kasih Allah Tak Terhingga
Nasiam bapa pakon inang hinaholongan ni Tuhan Jesus!
Anggo mangkawah hita hupudi bani pardalanan ni goluhta tontu domma bahat tumang pengalamanta bani goluh on. Mungkin bahat do keberhasilanta aima marhitei niombah, materi age pakon kesehatan. Tapi lang ipungkiri hita ra bahat do homa kegagalanta mungkin kekecewaanta baik bani niombahta, keluarganta, keuanganta age bani horjanta. Bani haganupan pengalamanta ai ra sungkun-sungkun ibagas uhurta, mase boi terjadi ai bani goluhku, ninta. Sipata rado homa hita marsungkun bani Tuhan, mase niombahku lang ra marminggu, lang ra hupartonggoan, niombah lape dapotan horja, pasangan hidup, bahkan rado homa niombahta domma manadingkon Tuhan Jesus Kristus. Bani haganupan ai ra do sungkun-sungkun uhurta, mase? Tapi bapa inang porini pe aha na masa ihaporsayai hita do bahwa haganupan ai lang adong na lang ibotoh Tuhan bani goluhta. Pasti dong do rencana Tuhan ai bani goluhta on.
Sonai do homa na gabe pergumulan Paulus bani nas renunganta bani minggu on. Bani panorang ai adong pemikiran ni halak Kristen paboa halak Israel atap halak Jahudi lang be ipaluah Naibata, halani sidea do na mansalibkon Tuhan Jesus. Pasti do iripashon Naibata halak Jahudi on halani bahat tumang kesalahan ni sidea. Selain mansalibkon Tuhan Jesus, sidea lang porsaya bani Tuhan Jesus bahkan sidea terkenal bangsa na tegar tengkuk atap bangsa na hengkeng. Tapi Paulus mangkatahon bani ayat 1 bindu 11, “ai iambukkon Naibata do bangsa-Ni?”. Nini Paulus lang. on ipertengas Paulus marhitei patugahkon ise ia. Paulus aima halak Jahudi ginomparni Abraham halak Benjamin. Jadi sasintongni porini pe lang marosuh Naibata bani tindakan ni halak Israel na mansalibkon Tuhan Jesus, tapi lang iambukkon Naibata sidea haganupan. On ma isobut RAHASIA ni Naibata. Sebagian halak Israel hengkeng uhurni lang ra manjalo haluahon marhitei Jesus Kristus, tapi nini Paulus anggo das panorangni haganupan do ipaluah Naibata. Justru halani on do ase dapotan haluahon homa haganupan jolma age secara keturunan ia lang halak Israel. Aima na isobut anugereh atap idopni uhur.
Ase tangkas do isobut Paulus sada rusia humbani Naibata, na so boi taririk-irik hita dalanni, ase ulang adong halak namangunsagah bani pambotohni. Onma na porlu irenungon hita tarlobih bani zaman sonari on na ija gati isobut halak zaman digitalisasi. Seolah-olah aha pe ibotoh jolma in marhitei mangandalhon kemajuan zaman on. Tapi nas renunganta mangkatahon sonaha majuni pe zaman on lang adong boi mangatasi hapentaron na humbani Tuhan in.
Tongon anggo marhitei ambilan na madear in musuh do halak Israel ai, tapi jelas isobut ijon paboa na dob iluarhon Naibata lang mungkin tarikonni ai. Secara tidak langsung Paulus sihol mangkatahon paboa bangsa Israel aima bangsa pilihan ni Naibata. Tapi lang hama iparnalang hita idop ni uhur Naibata, bahkan marhitei ai do ase hita pe parsimada bani hagoluhan sisadokah ni dokahni. Ase haluahon ai sedo marhitei gogoh pakon pambotohta, tapi halani idoni uhur Tuhan in do. Ai sabonar lang dong jolma in na sintong, ai haganupan do mardousa, tapi halani anugrah ni Tuhan boi hita maluah.
Domma ipatorang Paulus sonaha rusia haluahon na ibahen Naibata hubani halak Israel age hubani halak non israel, dobni Paulus patugahkon luar biasa do hape habayakon, hapentaron, ampa habotohon ni Naibata. Anjaha na so taririk-irik do dalanni. Memang sintong tumang do pengakuan ni Paulus on. Anggo hun segi hajolmaonta hita roh, lang mungkin ipaluah hita halak na mansusahi hadirionta. Biasani halak na ihagigihon hita lang sihol hita mangurupisi, bahkan anggo boi namin ulang ma dohor-dohor ia hubanta. Tapi Naibata lang hape songon paruhurata jolma on. Aido ase Paulus mangakathon no so taririk-irik do Naibata. Pikiran pakon rencana haluahon na humbani Naibata iluar logika ni hita jolma on.
Dob ai bani ayat 34 ipatugah paboa sada pe lang boi mangarusi dalan ni Tuhan, sonai pakoan pikiranni. Ijon ma taridah paboa Tuhan na isombah hita ai aima sada sosok na benar-benar mandiri lang boi ise pe mempengaruhi keputusanni. Lang porlu homa Naibata ai ipodahi hita halani memang lang porlu ia podah humbanta. Kemandirian ni Tuhan lambin jelas homa isobut ijon ayat 35 bahwa hubani ise pe lang dong Ia marutang, lang tarutang sahap Ia hubanta jolma on. Ase porini pe ipaluahni hita humbani dousa sedo Naibata laho mambayar utangni hubanta, tapi halani idop ni uhur ni do. Ai hunbani, marhitei hon-Si, anjaha hubani do haganupan in. Bani ma hasangapon sadokah ni dokahni (soli Deo Gloria).
Ase posma uhurta bapa inang luar biasa do hape Tuhan ai. Porini pe mungkin lape haganupan sura-suranta isuhuni Tuhan, hape angkulanta lambin roh surutni gogohni, porsaya ma hita dong do rencana Tuhan na lobih jenges bani goluhta on. Amen
About the Author
