Skip to content

G K P S

Gereja Kristen Protestan Simalungun

Primary Menu
  • BERANDA
  • TENTANG GKPS
    • KANTOR SINODE GKPS
    • PIMPINAN SINODE GKPS
    • VISI GKPS 2011-2030
    • STRUKTUR ORGANISASI KANTOR SINODE
    • TATA GEREJA DAN TATA LAKSANA GKPS
    • PERATURAN RUMAH TANGGA GKPS
  • DEPARTEMEN-BIRO
    • DEPARTEMEN PERSEKUTUAN
    • DEPARTEMEN KESAKSIAN
    • DEPARTEMEN PELAYANAN
      • PELAYANAN RBM
      • PELAYANAN BKM
      • PELAYANAN WCC
    • DEPARTEMEN PEMBINAAN
    • BIRO ADMINISTRASI
    • BIRO KEUANGAN
    • BIRO LITBANG
    • SATUAN PENGAWAS INTERNAL
    • BIRO HUKUM
    • BIRO USAHA
  • PARMAHAN NA MADEAR
    • PARMAHAN NA MADEAR (BAHASA SIMALUNGUN)
      • JANUARI BAHASA SIMALUNGUN
      • FEBRUARI BAHASA SIMALUNGUN
      • MARET BAHASA SIMALUNGUN
      • APRIL BAHASA SIMALUNGUN
      • MEI BAHASA SIMALUNGUN
      • JUNI BAHASA SIMALUNGUN
      • JULI BAHASA SIMALUNGUN
      • AGUSTUS BAHASA SIMALUNGUN
      • SEPTEMBER BAHASA SIMALUNGUN
      • OKTOBER BAHASA SIMALUNGUN
      • NOVEMBER BAHASA SIMALUNGUN
      • DESEMBER BAHASA SIMALUNGUN
    • PARMAHAN NA MADEAR (BAHASA INDONESIA)
      • JANUARI BAHASA INDONESIA
      • FEBRUARI BAHASA INDONESIA
      • MARET BAHASA INDONESIA
      • APRIL BAHASA INDONESIA
      • MEI BAHASA INDONESIA
      • JUNI BAHASA INDONESIA
      • JULI BAHASA INDONESIA
      • AGUSTUS BAHASA INDONESIA
      • SEPTEMBER BAHASA INDONESIA
      • OKTOBER BAHASA INDONESIA
      • NOVEMBER BAHASA INDONESIA
  • LOGO TAHUN GKPS
    • LOGO TAHUN 2008
    • LOGO TAHUN 2009
    • LOGO TAHUN 2010
    • LOGO TAHUN 2011
    • LOGO TAHUN 2012
    • LOGO TAHUN 2013
    • LOGO TAHUN 2014
    • LOGO TAHUN 2015
    • LOGO TAHUN 2016
    • LOGO TAHUN 2017
    • LOGO TAHUN 2018
    • LOGO TAHUN 2019
    • LOGO TAHUN 2020
    • LOGO TAHUN 2021-2025
    • LOGO JUBILEUM 120
    • LOGO TAHUN 2026-2030
  • VIDEO
Light/Dark Button
GKPS Channel
  • Home
  • 2026
  • November
  • RENUNGAN LANSIA 22 NOVEMBER 2026
  • Bahan PA
  • DEPARTEMEN PEMBINAAN

RENUNGAN LANSIA 22 NOVEMBER 2026

Admin 17 November 2026 6 minutes read
image_dbe8c2e5

RENUNGAN LANSIA GKPS

 22 Nopember 2026 (Ujung Tahun Kuria)

 

Nas      :   Psalmen 71:17-24

Tema   :   Masa Tuamu Aman dalam Penyertaan Tuhan

Tujuan  : Agar Kaum Lansia menyadari bahwa Allah yang setia akan terus membimbing dan menyertai sampai kapan pun dan dalam situasi apapun.

 

Naibata totap do manogu-nogu ampa mangkasomani

halak na porsaya bani ganup panorang

 

Sebagai sahalak na Lansia janah na domma gabe ompung ham, ongga do ham hundul sahalakmu i rumah bani panorang siang ni ari, dob misir niombahmu hu Juma atap marhorja anjaha pahompumu marsikolah, ibagas na tenang i jabu, anjaha tubuh ma ibagas pingkiranmu : “Tuhan, sampai antigan ma ahu songon non?, lambin roh galekni do angkulaku anjaha buei ma roh parnaboritan, lambin tarbatas ma mardalan, lang selera be mangan, hasoman satorbanganku pe lambin moru ma sada-sada idilo ham Tuhan. Idingat ham ope ahu Tuhan?”. Anggo ongga do ham mangahapkon sisonai, botoh ham ma lang pitah ham na mangahapkon sisonai. Parpsalmen bani Psalmen 71 on pe mangahapkon pingkiran na sarupa. Ia panuratni Psalmen on lang sanggah poso ope ia, gogoh ope, janah sanggup marporang, melainhon isuratkon do on aima sanggah domma matua ia, marjambulan na lopak, munsuh na sai adong ope, pakon angkula na domma galek. Anjaha aha do tonggoni..?, bani ayat 18 isobut “age ronsi matua ahu anjaha lopak ubanku, Ham Naibatangku, ulang ma tadingkon Ham ahu; ase huambilankon pambahenan ni tangan-Mu bani sundut on, sonai hagogohon-Mu bani ginompar na sihol roh”. Adong do pesan ni Naibata bani nasiam Lansia na hinaholongan i GKPS, nasain dokahni sampai sonari totap do iramoti Naibata nasiam. Keamanan nasiam lang roh humbani na marniombah na bayak, sonai homa lang bergantung hubani kesehatan fisikmu, sebalikni, aman do ham ai halani Naibata sandiri do na manjolom masa tuamu ronsi sonari. Adong tolu hasintongan humbani Psalmen 71 na maningon ijolom ham sadari on.

 

  1. Lang ongga itadingkon naibata ham humbani haposoon nari das hubani na matua

(ayat 17–18).

Ayat 17 mangkatahon, “Ham Naibata, Ham do mangajari ahu humbani sietek-etekon nari, ronsi sonari sai huambilankon do halongangan na binahen-Mu”. Bere ham ma panorangmu laho mangkawah hu pudi. Uji ma mamilangi piga hali ham iurupi Naibata. Sanggah poso ope ham anjaha seng dong artamu, iparmudu-mudu Naibata do ham. Sanggah marhajabuan ham anjaha lape dong rumahmu sandiri, ra marianan i rumah ni halak na legan, ipargogohi Naibata do ham. Sanggah manubuhkon niombahmu, age ibagas hasunsahan ampa hurang ni duit, Naibata do na patorsahon ham. Sanggah boritan ham, sanggah matei pasangan hidupmu, atap sanggah tangis ham sandiri, dong do Naibata ijai. Anggo Naibata totap do setia bamu sadokah 60, 70, atap 80 tahun, ra do Ia manadingkon ham sonari? Tontu lang. Naibata na mardalan rap pakon ham sanggah birong ope jambulanmu, sonai do homa Naibata na mardalan rap pakon ham sonari dob gabe lopak jambulanmu. I dunia on, ra do halak manlembang anggo iahap sidea lang be “marguna” ham, niombah ta be gabe sibuk, hasoman pe lambin misir, anjaha angkulamu gabe galek. Tapi Naibata seng sonai. Sasintongni lambin dohor do Naibata anggo lambin galek hita. Podah 16:31 mangkatahon, “Uban aima sortali hamuliaon”. Nasiam na dob gabe lansia, jambulan nasiam na lopak ai sedo tandani na laho bois ma nasiam; melainhon uban ai ma sada mahkota. Sada sortali na gabe bukti na dob dokah do Naibata mangkasomani ham. Ase, anggo sadari on iahap ham songon itadingkon ham, dingat ham ma: Seng ongga itadingkon Naibata ham. Ia do hasomanmu humbani hadakdanakonmu nari, anjaha Ia do hasomanmu ronsi matua ham.

 

  1. Naibata pagoluhkon ampa mangangkat nasiam lansia (ayat 20–21)

Ayat on na boi patoguhkon uhurni na Lansia, “Ham, na dob padageihon bennami hasosakan pakon parmaraan, sai pagoluhon-Mu do hanami use, sai panaikon-Mu do hanami use humbagas luhung-luhung ni tanoh on. Sai tambahan-Mu do habanggalonku anjaha sai apohon-Mu do ahu”. Pardiateihon hita parpsalmen lang mangkatahon paboa ‘Seng ongga huahap hasunsahan’, Jujur do ia: “Domma buei hasunsahan ampa hamagouan huahapkon”. Sonai do homa bani nasiam Lansia. Ulang marsipakulah-kulah ham songon na lang ongga ham mandompakkon hasunsahan; tontu domma iahapkon ham. Dong do humbani nassiam na dob matei pasangan hidupni. Na legan domma dong na matei niombahni. Dong na marsitaronon halani naborit na parah, na mamorluhon tambar tiap ari. Dong na mangahap lang be ipardiateihon niombahni sidea. Ibotoh Naibata do ganupan in. Ia lang pitah mangkatahon, “Oh, marmalas ni uhur ma ham, ulang ma pusok uhurmu”. Sebalikni, Ia mangkatahon, “Hupagoluh pe ham”. Aha do artini ipagoluh use? Lang mararti anggo ham gabe poso use, boi marlintun hu juma, sahali nari lang. Ase boi ipagoluh mararti do ai anggo Naibata mambere bamu gogoh na baru bani tahun-tahunmu na mangihut. Hagogohon ase totap senyum pori pe ibagas pusok ni uhur. Hagogohon ase torus mengampuni niombah na dob mambahen borit uhurmu. Hagogohon ase totap martarima kasih pori pe duit pas-pasan. Hagogohon ase totap martonggo girah sogod, age sanggah loja angkula. Anjaha Naibata mangkatahon, “Maningon pabanggalonmu do habanggalon-Ku”. Bani panonggor ni dunia on, umur na matua aima panorang na moru, lang be marpangidah, lang be marpanangar, lambin moru gogoh, pakon lambin moru hasoman. Tapi bani panonggor ni Naibata, masa tua aima masa perluasan. Lambin banggal ma haporsayaonmu, lambin bagas hapentaranmu, lambin margogoh ma tonggomu.

 

  1. Masa tua lang panorang pensiun, tapi panorang marsaksi (ayat 18, 22–24)

On ma poin na paling ponting, na gati ihalupahon. Parpsalmen martonggo do ia bani ayat 18 ai, “Ulang ma tadingkon Ham ahu, ase huambilankon pambahenan ni tangan-Mu bani na sundut on”. Lang martonggo ia, “Ulang tadingkon Ham ahu, ase sonang ahu marsaran”. Sebalikni, martonggo do ia: “Ulang tadingkon Ham ahu, ase huambilankon / husaksihon”. Artini, Naibata do na patorsahon ham bani panorang na matua ham, lang ase boi ham tading i rumah, tapi ase boi ham patugahkon pasal Tuhan. Janah aha do na maningon ibagihon nasiam..? Patugah ham ma bani ginomparmu / pahompumu: “Ongga do huahapkon sitaronon banggal, tapi iurupi Naibata do ahu”. Hatahon ma bani niombahmu: “Ongga do lang dong banta, tapi ipasirsir Naibata do na porlu hubanta, mambahen nasiam boi marsikolah janah mandapot horja”. Patugah ma bani na maposo GKPS: “Gereja on hinan pitah topas-topas mardingding papan do, etek tumang, tapi marhitei tonggo ampa pangurupionni Tuhan, domma marbanggal gabe sonon sonari”. Ayat 22-24 responni malas uhurni Parpsalmen bani hasintonganni Tuhan gabe ipuji do Tuhan marhitei arbab, mandodingkon Tuhan marhitei husapi, marolob-olob mamuji Naibata, mansahap-sahapkon hapintoron Tuhan ganup ari. Jadi adong tolu horja Lansia bani masa tua aima Parlobei, Totap martonggo, ulang ongga maronti martonggo bani niombah, pahompu, pakon kuria/gereja. Na paduahon, Totap ma marsaksi, patugah ma sarita pasal panogu-noguan ampa pangurupion ni Naibata hubani ginompar na mangihut. Na patoluhon, Totap ma mamuji Tuhan, age sanggah borit angkulamu, lang piah be ham bani goluhmu, totap ma mamuji Tuhan in. On ma pangidangion ni na matua, gabe hasasaksian na manggoluh ma ham, manaksihon na dob ongga mangahapkon panramotionni Naibata sadokah goluhmu das hubani panorang on. Tarpuji ma Tuhan sonari ronsi sadokahni dokahni. Amen.

 

About the Author

Admin

Administrator

Visit Website View All Posts

Post navigation

Previous: RENUNGAN BAPA 22 NOVEMBER 2026
Next: RENUNGAN REMAJA 22 NOVEMBER 2026

Related Stories

image_b1ada4d1
  • Bahan PA
  • DEPARTEMEN PEMBINAAN

RENUNGAN NAMAPOSO 22 NOVEMBER 2026

Admin 17 November 2026
image_196501a9
  • Bahan PA
  • DEPARTEMEN PEMBINAAN

RENUNGAN REMAJA 22 NOVEMBER 2026

Admin 17 November 2026
image_2cadc713
  • Bahan PA
  • DEPARTEMEN PEMBINAAN

RENUNGAN BAPA 22 NOVEMBER 2026

Admin 17 November 2026

LOGO TAHUN 2026-2030

BULAT

TONAH

https://www.youtube.com/watch?v=WvTymIq6pIc&t=78s

ARSIP BERITA

KATEGORI

  • AMBILAN (10)
  • ARTIKEL (235)
  • Bahan PA (384)
  • BERITA (334)
  • BERITA PEMUDA (7)
  • BIDANG OIKOUMENE (7)
  • BIRO ADMINISTRASI (67)
  • BIRO KEUANGAN (5)
  • BIRO PENELITIAN DAN PENGEMBANGAN (17)
  • BIRO USAHA (4)
  • DEPARTEMEN KESAKSIAN (42)
  • DEPARTEMEN PELAYANAN (73)
  • DEPARTEMEN PEMBINAAN (100)
  • DEPARTEMEN PERSEKUTUAN (41)
  • DISTRIK II (3)
  • DISTRIK III (6)
  • DISTRIK IV (3)
  • DISTRIK IX (3)
  • DISTRIK V (4)
  • DISTRIK VII (4)
  • DISTRIK X (2)
  • DISTRIK XI (7)
  • DOWNLOAD TATA IBADAH (11)
  • GKPS DISTRIK I (5)
  • GKPS DISTRIK II (5)
  • GKPS DISTRIK IX (2)
  • GKPS DISTRIK VI (1)
  • GKPS DISTRIK VIII (5)
  • GKPS DISTRIK XII (4)
  • KEUANGAN (3)
  • NEW (1)
  • OIKOUMENE (3)
  • PANITIA SSB GKPS KE-46 (2)
  • PANTI KARYA REMAJA GKPS (1)
  • PENELITIAN DAN PENGEMBANGAN (LITBANG) (6)
  • PESAN PASTORAL PIMPINAN SINODE GKPS (4)
  • PIMPINAN SINODE GKPS (57)
  • PPLMG (1)
  • RBM GKPS YAYASAN IDOP NI UHUR (2)
  • Rubrik Pastoral (6)
  • SEKSI NAMAPOSO (10)
  • SEKSI SEKOLAH MINGGU (20)
  • SIBASAON (42)
  • TATA IBADAH (1,935)
  • TONAH PIMPINAN SINODE (23)
  • TUGAH-TUGAH (71)
  • VIDEO (1)
  • YAYASAN BKM GKPS (2)
  • YAYASAN IDOP NI UHUR (2)
  • YAYASAN KESEHATAN GKPS (1)
  • YAYASAN PENDIDIKAN GKPS (9)
| ReviewNews by AF themes.