Yohanes 20:24-29 (Paskah)
Tanggal : 05 April 2026
Thema : Percaya Walau Tidak Melihat
Tujuan : Agar kaum bapa dapat melihat dengan iman segala anugrah
Horas banta haganupan!
Nasiam bapa, somal do ai anggo lang isaksihon hita sada-sada kejadian marhitei panonggor, ra do lang porsaya hita. Misalni anggo dong halak mangkatahon nantuari doras do udan ihuta nami, halani lang ididah hita ra do ragu hita pasal barita ai. Hira sonaima homa jumpah hita bani renunganta sahalion. Thomas aima sahalak murid Jesus ragu do ia pasal parpuho ni Jesus hun kuburan ai. Mase ragu? Halani memang lang ididahni na masa ai. Padahal anggo ipareksa hita bibelta adong do tolu hali Yesus pataridahkon dirini dobkonsi ai matei janah i kubur i Golgata.
Naparlobei sanggah Maria i tanoman Yesus Kristus. Bani panorang ai Maria marpingkir paboa jenajah Jesus domma itangko halak, halani ai tangis-tangis ma si Maria mangidah na masa ai. Maria menduga bahwa jenajah Yesus Kristus dong na manangko. Dobni marsahap ma Jesus hubani Maria janah mangkatahon paboa Ia borhat hu rumah Bapa halani ai Ia manuruh Maria patugahkon pasal parjumpahan-Ni on pakon hasoman-hasoman si Maria. Napaduahon aima Jesus manjumpahkon murid-murid tapi lang dihut Thomas. Bani panorang ai martumpu do murid-murid Yesus ai bani sada ianan atap rumah tapi lang dihut Tomas bani panorang ai. Rumah ianan sidea martumpu pe bani panorang ai ikunsi sidea do. Halani memang mabiar tumang ma sidea ipardakdak halak Jahudi bani panorang ai. Sanggah sonai ma roh Jesus manisei sidea, nini Jesus: “damei ma bannima! Songon sinuruh ni Bapa in Ahu, sonai do suruhanku hanima”. Dob ai manompul ma Ia dompak susuian-Ni anjah nini: “jalo hanima ma Tonduy Napansing”. Dob ai ihatahon susian ai ma parjumpahanni pakon Jesus hubani Thomas, tapi lang porsaya si Thomas halani memang lang rup ia pakon murid-murid ai bani panorang ai.
Parjumpahan murid pakon Jesus na patoluhon aima sanggah rup murid-murid ai pakon Thomas. Dob salpu ualuh borngin tumpu use susian ai bani rumah ondi, jadi roh ma Jesus sanggah tutup haganupan labah, irik jongjong ma Jesus bani labah irik ihatahon ma hubani Susian ai: “damai ma bannima”, irik ihatahon bani Thomas: bahen ma hujon jari-jari-Mu in, anjaha torih ma tanganku! Surdukkon ma tanganmin, manjamah tontonKu. Ulang sangsi uhurmu, porsaya ma”! Jadi nini Thomas ma: “Ham Tuhanku anjaha Naibatangku”. Jadi nini Jesusma hubani Thomas: “halani ididah ho do Ahu ase porsaya ho. Martuah ma na porsaya age lang ididah”.
Nasiam hasoman marhitei renunganta on dong do piga-piga na gabe perenunganta, aima:
- Sada pe hita lape ongga mangidah Jesus secara kasat mata, tapi lang ai mangkurangi haporsayaonta bani Tuhan Naibata. Tongon Thomas on mewakili pikiranta halani maningon ididah hita do loebi baru hita porsaya huba-Ni. Keragu-raguan Thomas on usih do homa songon keragu-raguanta pasal holong pakon pangkasomanion ni Tuhan hubanta. Tapi marhitei teks on ibobai do hita, paboa iman do na boi mangidah Tuhan Jesus. Songon na ihatahon bani heber 11:1 “ia haporsayaon, aima tenger ni uhur bani siarapkonon ampa mamabhen torang na so ididah”.
- Kebangkitan Jesus Kristus membuktihon bahwa Ia lang ibatasi ruang pakon waktu. Songon na ididah hita bani teksta on, na ija pintu domma itutup haganupan tapi boi do Ia masuk manjumpahi susian-Ni ai. Halani ai hubanta haganupan porsaya ma hita bahwa ibotoh Jesus do homa aha na gabe pergumulanta. Lang dong na lingot ilobei ni Tuhanta Naibata.
- Parjumpahan pakon Tuhan Jesus pasti do mangkorhon hadameian bani hita jolma on. Halani memang Tuhan Jesus maboan hadameion hubanta jolma on. Memang dunia on boi do mambere malas ni uhur hubanta, tapi sifatni sementara do hansa. Tapi anggo hadameian humbani Naibata manongtong do sifatni.
- Memang pangkorhonni zaman semakin maju sipata porlu do hita songon si Thomas on. Halani nuan on bahat tumang do berita-berita na hoax, apalagi dobkonsi dong aplikasi AI na palsu pe boi do ibahen gabe real. Halani ai maningon pangkei do hita pasal berita-berita na mambahen ragu hita pasal na masa.
Nasiam bapa haganupan!
Ase hubanta haganupan porini pe lape ongga ididah hita Tuhanta Yesus Kristus secara hajolmaon tapi marhitei iman haporsayaonta domma ididah hita Tuhanta ai bani pardalanan ni goluhta. Janah ai do na gabe malas ni uhurta martuah ma na porsaya age pe lang ididah. Sai martuah ma hita Bapa haganupan. Amen.
