IBADAH HARIAN KELUARGA GKPS
Selasa, 10 Februari 2026
I. Bahasa Simalungun
1. Doding: Haleluya No. 341:1-2
Ari na madear tumang lao marayakkon Tuhan in
Hubaritahon Ham Tuhan bujur au mandalankon in
Tuahkin ari in sanggah isasap dousangkin
Ai ipatalar dalankin, janah iungkap uhurhin
Tuahkin ari in sanggah isasap dousangkin
Sai huondoskon ma nuan ‘ge diringkon Bamu Tuhan
PandiloMu hubangku on, sai hubalosi do tongtong
Tuahkin ari in sanggah isasap dousangkin
Ai ipatalar dalankin, janah iungkap uhurhin
Tuahkin ari in sanggah isasap dousangkin
2. Tonggo
3. Ayat Harian: Galatia 2:16
_“Tapi ibotoh hanami do, na so dapotan hapintoron jolma marhitei na mangkorjahon titah, tapi marhitei haporsayaon bani Jesus Kristus do. Halani ai, hanami pe, marhaporsayaon do bani Kristus Jesus, ase ipintori hanami marhitei haporsayaon bani Kristus, sedo marhitei na mangkorjahon titah, ai marhitei na mangkorjahon titah, seng adong na dapotan hapintoron.”_
4. Renungan: “Ipintori marhitei Haporsayaon”
Kuria na hinaholongan ni Tuhan. Titah iondoskon Tuhan hubani bangsa-Ni marhitei nabi Musa. Isini titah ai aima parentah na mambobai bangsa ai ase pansing goluhni sidea lang martikas ilobeini Naibata. Titah aima hondor na manjaga tonduy ni jolma ase ulang maseda hubungan ni pakon Naibata sonai homa pakon jolma. Jadi ipausih do Israel na manjalo titah ai songon sada lombu na mamorsan pasangan bani tangkuhukni. Titah ai gabe siporsanon na borat, ningon ituhuk. Jadi borat do ai. Halani boratni, bangsa Israel bangsa pilihan ni Tuhan pe lang tolap laho mangkorjahonsi. Halani madabuh do sidea hubagas dosa janah lang boi manggoki na pinangindo ni titah ai. Hape, Naibata aima Naibata na gokan dear, ai do marhitei titah ituntut do ase gokan dear halak na manjalo titahNi ai. Titah aima na mambobai hita hubani sada pribadi na gokan dear domu hubani standar ni Naibata aima Jesus Kristus.
Titah iondoskon hubani Israel tapi lang dong kuasani laho mamintori bangsa pardosa. Hape titah ai gabe manguhum tiap halak na lang tolap laho mambalosi titah ai, ai ganup jolma domma mardosa janah lang adong be na pintor ilobei ni Naibata. Marhitei titah jolma manjalo uhuman. Tapi diatei ma Naibata mambuka dalan marhitei haporsayaon ase ganup halak na porsaya hubani Tuhan Jesus Kristus na gokan dear mandalankon titah. Ibagas Ia ma jolma pardosa manjalo pamintorion. Kristus aima Anak ni Naibata na gokan dear manggoki tuntutan ni titah, marhitei on ma halak na porsaya ipintori ibagas haporsayaon. Itobus ma hita humbani dosa janah ipintori ilobei ni Naibata. Halani ai dingat hita ma paboa hita ipintori sedo halani pambahenan laho mandalankon titah tapi pitah marhitei haporsayaon ibagas Kristus Jesus do, ijai ma ijalo hita idopni uhur ampa holong na humbani Tuhanta na paluahkon hita humbani papa ampa hamateian.
Marhitei ayat sadarion ipaingat do hita paboa jolma ipaluah aima pitah marhitei haporsayaon sedo halani pambahenan. Somalni jolma inilai marhitei aha nahinorjahonni, misalni sadiha ma konstribusini sahalak siparhorja hubani perusahaan ija ia marhorja sonai ma ia manjalo imbalan atap upahni domu hubani na ihorjahonni. Ibagas hakaristenon lang sonai, jolma lang ipintori marhitei pambahenan mandalankon titah (halani lang adong na boi manggoki ai) tapi ibagas haporsayaon hubani Kristus do jumpah hita pamintorion. Halani ai do ase ningon totap ma hita marhaporsayaon hubani Jesus, janah totap marsigantung huBani. Marhitei pangarusion ampa haporsayaon na sonai ma hita torus manlatih dirinta ase totap orod huBani, martoruh ni uhur, janah gok marpangunsandean bani Tuhan. Halani goluh na idalani hita nuan on aima pitah halani idop ni uhur ampa holong na humbani Tuhan do. Amen.
5. Doding: Haleluya No. 339:3-4
Ai pintor uhum-Mu bai harajaon-Mu
In ihutkononku, baen hagoluhanku
Dob tangkas hubotoh sonang i lambung-Mu
ai pintor uhum-Mu bai harajaon-Mu
Ham paridop uhur bai ganup pardousa
daroh-Mu madurus, baen tobus ni dousa
In do na margogoh mamintori jolma
Ham paridop uhur bai ganup pardousa
6. Tonggo Ham Bapanami
II. Bahasa Indonesia
1. Nyanyian: Kidung Jemaat No. 305:1-2
‘Ku mengasihi Yesus, Tuhanku, Penghibur kalau hatiku
gelisah, Yang melepaskan orang dari susah. Wahai jiwaku,
puji Tuhanmu!
‘Ku mengasihi Yesus, Penebus: olehNya taurat tak mengutuk lagi;
lunaslah sudah utang yang ditagih; dosa dihapus darah Yang Kudus.
2. Doa
3. Ayat Harian: Galatia 2:16
“Kamu tahu, bahwa tidak seorangpun yang dibenarkan oleh karena melakukan hukum Taurat, tetapi hanya oleh karena iman dalam Kristus Yesus. Sebab itu kamipun telah percaya kepada Kristus Yesus, supaya kami dibenarkan oleh karena iman dalam Kristus dan bukan oleh karena melakukan hukum Taurat. Sebab: “tidak ada seorangpun yang dibenarkan” oleh karena melakukan hukum Taurat.”
4. Renungan: “Dibenarkan oleh Iman”
Jemaat yang terkasih di dalam Tuhan. Hukum Taurat diberikan oleh Allah kepada umat-Nya melalui nabi Musa. Isi hukum itu adalah untuk membawa bangsa itu hidup kudus dan tak bercacat di hadapan Allah. Hukum taurat adalah pagar yang menjaga jiwa manusia supaya tidak rusak hubungannya dengan Allah dan sesama manusia. Israel yang telah menerima hukum taurat itu ibarat seekor lembu yang memikul kuk yang di letakkan pada tengkuknya. Hukum taurat itu menjadi kuk, beban yang harus dipikul. Ini sangat memberatkan. Karena berat, maka yang terjadi Israel sebagai bangsa pilihan pun tidak mampu melakukan hukum tersebut. Mereka jatuh ke dalam dosa dan tidak dapat memenuhi tuntutan hukum taurat itu. Allah adalah sempurna, maka lewat hukum yang diberikan menuntut kesempurnaan menaati perintah-Nya. Hukum itu membawa kita kepada pribadi yang secara sempurna sesuai dengan standar Allah selama hidup-Nya yaitu Yesus Kristus.
Hukum diberikan kepada Israel namun tidak memiliki kuasa untuk membenarkan orang berdosa. Sebaliknya hukum taurat itu justru menjadi hukuman bagi setiap orang yang gagal mentaatinya, sebab semua manusia telah berdosa dan tidak ada yang benar di hadapan Allah. Dengan hukum manusia akan dikenakan hukuman, namun bersyukur Tuhan membuka jalan melalui iman, yakni setiap orang yang percaya kepada Yesus Kristus yang sempurna menggenapi hukum itu, oleh-Nya kita memperoleh pembenaran di hadapan Allah Bapa. Manusia tidak dibenarkan oleh perbuatan melakukan hukum, namun iman di dalam Kristuslah yang membenarkan kita. Kristus, Anak Allah yang secara sempurna memenuhi tuntutan hukum taurat, oleh-Nya orang percaya juga memperoleh pembenaran oleh iman. Kita ditebus dari dosa dan kita dibenarkan di hadapan Allah. Untuk itu janganlah kita melupakan bahwa kita dibenarkan bukan karena perbuatan menaati hukum tetapi hanya oleh iman di dalam Yesus Kristus, di situlah kita menerima anugerah dan kasih karunia Tuhan, yang membebaskan dan menyelamatkan kita dari kutukan dan maut.
Lewat renungan hari ini kita diingatkan bahwa manusia diselamatkan hanyalah oleh iman, bukan oleh perbuatan baik. Biasanya manusia akan dinilai dari apa yang dilakukannya, misalnya seberapa besar kontribusi seorang karyawan kepada perusahaan maka ia akan menerima imbalan sesuai dengan apa yang telah dikerjakannya. Di dalam iman Kristen, tidak demikian, manusia tidak dibenarkan lewat perbuatan menaati hukum taurat tetapi hanya oleh iman kepada Kristus. Untuk itu, marilah kita memiliki iman yang percaya kepada Kristus, yang senantiasa bergantung kepadaNya. Dengan pemahaman seperti ini kita akan terus melatih diri untuk tetap teguh beriman kepadaNya, merendahkan hati dan bergantung secara penuh kepada Tuhan. Karena hidup yang kita jalani ini adalah anugerah dan kasih karunia dari Tuhan. Amin.
5. Nyanyian: Kidung Jemaat 376:1-2
Ikut dikau saja, Tuhan, jalan damai bagiku;
Aku s’lamat dan sentosa hanya oleh darahMu
Aku ingin ikut Dikau dan mengabdi padaMu:
Dalam Dikau, Jurus’lamat, ‘ku bahagia penuh!
Ikut Dikau di sengsara, kar’na janjiMu teguh:
atas kuasa kegelapan ‘ku menang bersamaMu.
Aku ingin ikut Dikau dan mengabdi padaMu:
Dalam Dikau, Jurus’lamat, ‘ku bahagia penuh!
6. Doa Bapa kami
_KANTOR SINODE GKPS_
