Renungan Mingguan Seksi Bapa GKPS, 16 Februari 2025 (Septuagesima)
Nas : 1 Samuel 3:1-10
Doding : Haleluya No. 8:1,3,4,5
Tema : Dipanggil untuk melayani Tuhan
Tujuan : Agar kaum bapa memberikan dirinya untuk menjadi hamba Tuhan
JABOLONNI TUHAN
Horas ma hubani nasiam seksi Bapa GKPS!
Pangarapan nami, sehat jorgit hita itumpakki Tuhan Naibata.
Bani panorang on, aima masa periodisasi i GKPS, mamungkah humbani lingkup jemaat das hubani lingkup sinode. Panorang on domma homa buei terjadi periodisasi bani lingkup jemaat, age bani seksi-seksi sonai homa bani Pimpinan Majelis Jemaat. Haganup na tarpilih gabe pengurus ihaporsayai hita bahasa Naibata sandiri do na mandilo sidea melalui mekanisme pemilihan na itotapkon GKPS. Marhitei kesadaran bahasa Naibata do na mamilih janah na mandilo ise pe ai gabe pengurus i GKPS, tontu mangonjar hita ase makkorjahon kepengurusan ai sadear-dearni domu hubani pemenuhan tanggungjawab hubani na mardilo aima Tuhan Naibata sandiri. Bani kepengurusan bani ganup lingkup i GKPS on, tontu buei do homa humbani warga seksi bapa. Ihaporsayai hita bahasa Tuhan Naibata do na mambere kuasa-Ni ase mampu manghorjahon horja pandiloon ai. Irik hujai, sada unsur na maningon torus idingat janah adong ibagas uhur ampa pingkiranta pasal horja i gareja aima bahasa idilo do hita gabe jabolon. Kepemimpinan i gareja aima kepemimpinan hamba sedo kepemimpinan bos (tuan). Sasintongni kepemimpinan hamba lang pitah ipakei bani horja i gareja tapi dihut do homa bani kepemimpinan-kepemimpinan na legan, bani ianan pakkorjaan age bani rumah tangga pe. Kepemimpinan hamba ai maksud ni hita hamba ni Tuhan. Ase bani na makkorjahon horja pangidangion, sedo tujuan pakon sura-suranta sipasaudon, tapi tujuan pakon sura-surani Tuhan do, sedo caranta sipakeion, tapi cara ni Tuhan do. Ase haganup sipangidangi kuria in, maningon memiliki parsaoran na dohor pakon Tuhan, ase iarusini tujuan, sura-sura pakon cara ni Tuhan bani na manghorjahon horja pangidangion ai.
Nas renungan mingguta on aima pasal pandiloon pakon parpatalar ni Naibata bani si Samuel. Bani ayat 1 isobut: “Sanggah si Samuel, parana ai marugas bani Jahowa i lobei ni si Eli, majarang do hata ni Jahowa, anjaha seng sadiha pangungkabon.” Ijon isobut bahasa majarang do hata ni Naibata janah seng sadiha pangungkabon. Memang bani panorang ai, terjadi do krisis spiritualitas. Hajahaton das do hu rumah panumbahan aima na hinorjahon ni anak-anak ni malim Eli (1 Sam. 2:11-36). Sahalak Malim gagal mendidik niombahni ase marparlahou na dear. Anak ni si Eli aima halak na jahat janah lang parduli bani Jahowa (2:12). Kondisi on mambere gambaran banta bahwa memang terjadi do ijai krisis spiritualitas. Hajahaton lang pitah masa i darat ni rumah panumbahan janah ihorjahon halak na lang ongga hu rumah panumbahan, tapi parah ni aima hajahaton masa i rumah panumbahan janah ihorjahon pemuka agama. Tontu on pe gabe sada parlajaran na maharga do homa banta bahasa maningon jaga do hita bani dirinta ase ulang das terjadi penyelewengan i gareja janah ihorjahon parhorja ni kuria age pengurus-pengurus i kuria in. Ase bani kondisi sisonai aima si Samuel idilo Naibata.
Sanggah ibasa hita nas renunganta on boi do ra hita mambayangkon sonaha na terjadi bani panorang ai. Adong ma sada parana na margoran si Samuel janah adong ma sada Malim na margoran si Eli na domma rambon janah lang boi be mangidah. Ia si Eli modom-modom janah anggo si Samuel domma modom i rumah ni Jahowa, hajongjongan ni Poti Parpadanan. Dob ai dong ma sora na mardilo si Samuel janah laho do si Samuel manjumpahkon si Eli na gabe respon ni bani dilo-dilo ai, ai iaganni do si Eli do na mardilosi. Das hubani na tolu hali do sonai. Dob patoluhalihon ai sadar ma si Eli bahasa Jahowa do hape na mardilo si Samuel janah ihatahon si Eli ma bani si Samuel: “…..anggo adong use na dilo-dilo bam, hatahon ma, ‘Marsahap ma Ham ale Jahowa, manangi-nangi do jabolon-Mu on’’’. Dob ai tongon ma use roh sora na mardilo ai, janah ibalosi si Samuel ma songon na ihatahon si Eli. Dob ai, anggo itoruskon hita mambasa das hubani dob nas renungan on, ijai ihatahon Jahowa ma hubani si Samuel pasal pangapasini ginompar ni si Eli bani Jahowa janah seng iajari si Eli ginompar ni ai. Ase uhumon ni Naibata ma ginompar ni si Eli.
Ase hunjon ididah hita ma bahasa Jahowa marhorja do torus laho pajongjong uhum-Ni. Idilo Naibata do ise na hinarosuh-Ni na gabe jabolon-Ni laho manghorjahon horja-Ni. Samuel marhorja lang untuk dirini, tapi untuk Tuhan, maminsang si Eli pakon ginomparni. Horja patugahkon uhuman sedo horja na urah bahkan boi hatahonon horja na borat tumang. Ididah hita do homa bahasa tugah-tugah uhuman na sipatugahon ni si Samuel lang hubani sasahalak na secara agama pakon sosial i toruh ni, tapi justru i atas ni. Si Eli aima sahalak malim, memiliki kedudukan tinggi, tapi lolei bani horjani, bahkan paturutkon ginomparni mangapasi Naibata. Hubani halak sisonai aima si Samuel maningon marsahap. Horja na borat, sisi hajolmaon ni si Samuel ra do sungkan, segan, bahkan mabiar. Tapi mulak use hubani pengertian jabolon ai, bahasa ia maningon makkorjahon aha na sinuruhni Tuanni (Tuhan) bani, halani memang untuk makkorjahon parentah ni Tuan (Tuhan) do ia manggoluh lang laho makkorjahon rosuh ni sandiri. Tuan do pemilik ni goluhni jabolonni.
Tuhan do pemilik goluh ni si Samuel age hita. Bani goluh pangidangion age bani gulmit ni goluh secara keseluruhan bani haganup aspek (spiritual, sosial, ekonomi pakon na legan) hita jabolon ni Tuhan lang boi memiliki tujuan sendiri. Hita maningon mambahen maksud ni Tuhan bani goluhta gabe maksudta, tujuanni Tuhan gabe tujuanta. Lang boi hajolmaonta manombei tujuanta, tapi maningon humbani Tuhan do ai ijalo hita. Age salaku sahalak bapa i tongah-tongahni rumah tangganta bei, sahalak suami untuk istri, age salaku sahalak warga gereja, sahalak warga seksi bapa, sahalak anggota masyarakat, sahalak parhorja ni kuria pakon peran-peran na legan maningon dingat do hita bahasa hita aima jabolon ni Naibata na memiliki misi mengerjakan perintah Tuhan. Bagi orang Kristen tidak ada misi pribadi, yang ada adalah misi Tuhan yang harus kita kerjakan karena untuk itulah kita dibuat oleh Tuhan ada di dunia ini.
Jabolon ni Tuhan makkorjahon parentah ni Tuhan. Salaku sahalak bapa, dingat hita ma bahasa jabolon ni Tuhan do hita. Haganup jabolon domma iparentahkon Tuhan manghorjahon horja parmahanion. Bapa aima parmahan bani rumah tangga ni bei. Parmahan bani konsep Alkitab aima parmahan na martiru Jesus Kristus. Pengorbanan Kristus menjadi teladan yang senantiasa relevan bagi hidup kita. Bapa na martiru hubani Jesus aima bapa na marpanganju bani anggota keluargani. Anju ham ma istri pakon niombahmu bani hahurangan ni sidea. Patoruh ham ma uhurmu mandompakkon sidea ase anggo dong salah ni sidea, mampu ham mangampuni sidea. Uhur Bapa na itiru ham humbani Bapanta na i nagori atas ai ipakei ham ase margogoh ham manganju keluargamu. Sonai do homa biak panghopkop. Nini Bani Epesus 5:25: “Nasiam paramangon, haholongi nasiam ma parinangon nasiam, songon Kristus na mangkaholongi kuria in anjaha ibere diri-Ni mangkopkopsi,”. Seorang suami iparentahkon Tuhan marbiak manghopkop. Manghopkon mengandung unsur mansarihon pakon manganju. Bani unsur mansarihon pakon manganju ai boi ihorjahon anggo adong toruh ni uhur. Mampu martoruh ni uhur anggo dingat tong hita bahasa hita aima jabolon ni Tuhan.
Irik hujai, haganup bapa idilo do homa manghorjahon parentah ni Tuhan bani tugas pangidangion i gareja. Ra satuju do hita bahasa persentase terendah bani ibadah-ibadah I gereja aima persentase kehadiran seksi bapa. Gabe renungan banggal do on banta, mase lambin otik seksi bapa marminggu age partongoan? Aha do na mambahen ai? Ra, phenomena on boi gabe diskusi bani partonggoan seksi bapa. Boi ma iteliti mase sonai? Halani kemampuanta gabe jabolonni ni Naibata ipengaruhi relasita pakon Tuhan. Relasi pakon Tuhan terbangun aima bani na manangar age mamparlajari hata-Ni. Manangar pakon mamparlajari hata-Ni aima bani parmingguan age partonggoan atap Penelaan Alkitab (PA). Nuan on, adong ope kepercayaan humbani pagori ni kuria in sonai age masyarakat secara umum bahasa bapa masih dipercayai untuk memegang posisi-posisi penting bani struktur-struktur stakeholder dan decision maker. Tanpa bermaksud merendahkan perempuan, tapi bani kenyataan on, bapa maningon mampartanggungjawabhon kepercayaan ai marhitei na bersedia pakon memperlengkapi diri supaya mampu menjadi seorang pemimpin yang adalah pemimpin hamba, age tongah-tongahni gareja marhitei na ra mambere diri mangidangi, age bani peran-peran na legan. Amen.
