Renungan Bapa
Tanggal, 15 Pebruari 2026
Thema : Iman, Pengharapan dan Kasih
Tujuan : Agar kaum bapa senantiasa hidup dalam iman, pengharapan dan kasih untuk kemuliaan Tuhan Yesus kristus
Paruntolon papitahkon haporsayaon
Horas bani nasiam bapa, isisei hanami use nasiam marhitei renunganta minggu on tene. Naha do khabar nasiam bapa i sab GKPS on tontu horas-horas do tene. Malas uhur!
Nasiam Bapa, na ginoran parlajouan atap tantangan sai jumpah do tong bani goluhta on tene. Mungkin ma ai tantangan bani ekonomi, keluarga sonai pakon bani parhorjaan. Sipata halani mardondon roh tantangan atap parlajouan ai ra do hita on mandolei bahkan ra do putus asa tene. Apalagi bani jaman era modernisasi pakon jaman digitalisasi on roh bahatni do jolma na stress halani kebutuhan hidup semakin meningkat, lowongan horja roh sempitni persaingan semakin roh ketatni.
Tapi hubanta haganupan, renunganta on ma mamboban hita ase roh kuatni menghadapi bagei-bagei tantangan na ihadapi hita ai. Halani bani mungkahni surat on itujuhon hubani halak Kristen diaspora atap halak Kristen i Asia Kecil na menderita bani panorang ai. Anggo ipardiatei hita adong tolu model penderitaan na ihadapi kuria na parlobei ai, aima: Parlobei kuria menghadapi penedritaan rohni humbani pamarentah. Pamarentah lang setuju adong rakyatni manombah Tuhan Yesus. Napaduahon aima antara pamarentah lokal pakon jemaat, na ija pemerentah setempat mengancam kuria na manombah Tuhan Jesus, halani ai mabiar ma kuria in pataridahkon haporsayaonni. Napatoluhon aima antara masayarakat na pro pemerintah melawan kuria, ase rakyat na lape porsaya hubani Tuhan Jesus boi do menyiksa kuria na dob porsaya hubani Yesus Kristus. Apalagi dobkonsi kaisar Nero memerintah Romawi roh boratni do sitaronon ni kuria bani panorang ai. Sikap kaisar Nero on sangat berpengaruh bani kehidupan halak Kristen bani panorang ai.
Bani situasi ai, naha do nani hita bersikap? Petrus mambere podah ase sidea marmalas ni uhur bani situasi na ihadapi sidea. Lang salah nani podah on? Tontu lang, halani on domma ongga ialami Petrus. On memang lang parhara na urah naha do ham marmalas ni uhur sanggah menghadapi persoalan na borat. Ibakar hidup-hidup, itarik pake huda keliling kota, bahkan adong na ibunuh. Tontu borat do marmalas ni uhur bani situasi ai tene. Anggo sonai aha do dasar ni ase ihatahon Petrus marmalas ni uhuir?
Bani ayat 1:3-6, Rasul Petrus mengingatkan pakon menguatkan paboa sagala penderitaan na ihadapi sidea lang mambahen sidea talu, halani kekuatan sidea adong bani Tuhan Jesus Kristus. Halani Tuhan Jesus Kristus domma parlobei menghadapi sengsara, penyiksaa, menderita bahkan i salib i dolog golgata. Tapi Jesus puho do humbani hamateian manaluhon hamateian ai sandiri. Tontu on do na ihamalas halak Kristen ai. Ase porini pe matei halak Kristen dong pengharapan paboa dong do kebangkitan bani ari simagira ai. Jesus na puho ai, aima jaminan bani halak Kristen paboa ia pe bangkit do homa bani ari simagira. Ondo na isobut tubuh paduahalihon atap hidup baru. On ma isobut pengharapan halak Kristen. Hita pe sonai do bapa, bahat do ialami hita tantangan ibagas na markristen on, tapi posma uhurta paboa jumpah do malas ni uhur bani ari simagira.
Nasiam Bapa. Janji Naibata lang ongga gagal, ipatugah hubanta paboa anggo idogei hita penderitaan ai janah anggo setia do hita mangirikkon Tuhan ai, ibere do hubanta arta na so martikas na lang ra maseda lang ra melus na sinimpan i nagori atas. Tongon do ai nasiam bapa, tongkin dassa hita i dunia on, hagoluhan sadokah ni dokahni ai ma inagori atas. Anggo idunia on haganupan akan berlalu lang adong na kekal, angkulanta on das panorangni melus do songon bunga-bunga na italun ai, hinadonganta pe lang kekal ai, bahkan hinaholonganta pe sada panorang itadingkon hita do atap ia manadingkon hita. Halani ai pitah nagoriatas do na hot ronsi sadokah ni dokahni. Tapi sanggah idogei hita sitaronon ai naha mampu do nani hita? Anggo marguru hubani hadirionta tontu lang mampu hita, halani ai nini bani ayat 5 Naibata do namanramotkon haporsayaonta ase das hita bani ari simagira ai.
Namangihut isobut homa paboa penderitaan na ialami hita sedo sada uhuman ai hubani halak na porsaya. Tapi ai sada ujian ase lambin pitah haporsayaonta. Songon sada panopa parang atap perhiasan. Parlobei itutung do perhiasan atap parang ai dob ai baru ibentuk songon harosuh sipanompa ai. Anggo sebelum itompa lang pala sadiha hargani bosi ai, tapi dobkonsi ibentuk das tumang hargani. Usih sonai do haporsayaonta. Dob konsi iuji haporsayaon ai dapot ma haporsayaon na pitah. Halani ai patut do hita marmalasni uhur bani haganupan bagei-bagei sitaronon na ialami hita, halani das bani panorangni jumpah do malas ni uhur. Sai lambin marondos ma hita hubani Tuhanta Naibata bani bagei-bagei parlajouan na ialami hita. Totap ma beriman, berpengharapan pakon mangkaholongi Tuhan Yesus. Amen
