Teks : Psalmen 66:1-4
Thema : Bersorak-sorak bagi Allah
Tujuan : Agar kaum Lansia bisa tetap menguatkan iman.
Pengantar.
Horas ma bani nasiam haganupan bapa inang, ija pe nasiam marianan nuan. Naha do khabar nasiam nuan on, harapan pakon tonggo nami nasiam totap ibagas malas ni uhur pakon horas jorgit tene.
Nasiam bapa inang, anggo ipardiatei hita teks renunganta ibagas minggu on aima pasal doding puji-pujian hubani Naibata. Ipangindo hubani Halak Israel ijia maningon do mamuji pakon pasangapkon Naibata. Halani Naiabata domma paluahkon sidea humbani parjabolonan. Naibata hape totap do setia bani janji-Ni hubani bangsa na dob ipilihni. Kesetiaan Naibata domma iahapkon pemazmur pardalanan ni goluhni. Halani ai patut do mamuji Naibata sedo pitah ipuji tumang tapi dihut do marsurak-surak mamuji Naibata. Suang sonai do homa hita, khususni nasiam bapa inang na dob Lansia, tontu domma bahat tumang pengalaman nasiam bani goluh on, sipata malas uhur sipata pusok uhur, keberhasilan, kegagalan domma idaihon nasiamhaganupan ai. Tapi na pasti posrini pe sonaha na dob ialami nasiam, sada hal na pasti Tuhan totap do mangkasomani nasiam das bani panorang on.
Hatorangan
Nasiam hasoman
Anggo nini penafsir psalmen on berasal humbani zaman dobkonsi bangsa Israel mulak hun habuangan Babel, dob konsi Bait Allah na ibangun Ezra pakon Nehemia domma salosei. Hata “marsirak-surak” (Ibr=Ru, Bahasa Latin=Jubilate). Hata on gati do ipakei halak Ibrani baik sanggah keadaan negatife, misalni meneriaki panakko sonai age bani keadaan positif aima sanggah marporang mambere semangat sonai age sanggah penyambutan raja. Namenarik ididah hita sanggah padashon surak-surak on seng ongga halak ibrani setengah hati atap lang serius. Sidea padashon hata on pasti do ibagas keseriusan janah humbani uhur na paling bagas. Ibagas situasi na sonai aima pemazmur on patandahon Naibata, bahwa Naibata aima Allah yang maha kuasa, na dob pataridahkon karya-Ni i sab dunia on. Pemazmur sihol mangkatahon bahwa lang adong kuasa aha pe idunia on na boi manaluhon kuasa ni Naibata. Halani Ia do simada langit, dunia pakon haganupan isinini. Porini pe margogoh kuasa ni na markuasa i dunia on, tapi anggo domma bertindak Naibata haganupan ai pasti do tunduk ilobei ni Naibata.
Nasiam bapa inang.
Anggo ipardiatei hita bani tradisi porang bani halak Israel sonai age bangsa-bangsa isekitar sidea, dobkonsi monang sada-sada bangsa pastima bangsa na talu ai mambayar upeti hubani na monang ai. Tontu bangsa na gabe pemenang pe maningon do homa mempertahankan kemenanganni ilobei ni bangsa na italuhonni ai. Tapi bangsa na talu ai pe boi do homa manlawan anggo ididahni bangsa na menguasai ia ai domma semakin lemah. Tetapi porini pe pemazmur mengakui kuasa ni Naibata janah mangojur ase bangsa ai mamuji pakon pasangapkon Naibata, tapi sifatni lang dong na italuhon janah lang sada paksaan ai bani goluhni sidea. Ase porini pe bangsa ai mamboan galangan sedo laho mangakatahon ai sebagai ketertundukan atap semacam upeti hubani Naibata. Halani memang sifatni Naibata sedo songon hita jolma na sihol ihormati pakon ipasangap. Tapi mase ipuji pakon ipsangap hita Naibata, halani memang Ia pantas ipasangap pakon ipuji halani pambahenanni na torus mampardiatei hita jolma on.
Nasiam bapa, inang,
Aha do na gabe renunganta marhitei teks on:
- Pasangap ma Naibata.
Naha do hita pasangapkon Naibata? Tontu marhitei sir-sir hita mandalankon hata-Ni Naibata pakon sir-sir homa pabotohkon kuasani na banggal in hubani haganup jolma pinomat hubani keluarganta bei. Mamuji Naibata tontu on langvkah awal do on laho pataridahkon toruh ni uhurta ilobei ni Naibata. Irik homa pataridahkon bahwa Naibata aima gok kuasa, hape hita jolma on orbuk do hansa. Pas songon bunga na italun, tokin mangerbang dob ai melus. Tapi porini pe hita melus dong do Tuhan na lang ra melus sadokah ni dokahni.
- Tontu porini pe nasiam bapa pakon inang domma lansia bahat ope aktifias na maningon idalankon hita bani goluhta on. Misalni humbani puho hita dob ai istirahat modom use, tontu bahat do kegiatan na idalankon hita. Tapi bani aktifitasta na bahat ai domma nani ibere hita homa panorangta laho pasangapkon Tuhanta Naibata? Parpsalm ijin mangojur hita ase bani haganupan kegiatanta ulang lupa hita hubani Tuhan Naibatanta na mambere panorang hubanta haganupan.
- Jubilate aima olob-olob baniTuhanta.
Bahat do memang mangambati olob-olobta bani Tuhan in, misalni panahit, ekonomi, anak-anakta pakon na legan. Tapi anggo mangkawah hita bani pardalanan ni goluhta on tontu bahat pe namin na patgut ihamalashon hita bani pardalalan ni goluhta. Tontu aim ana patus gabe olob-olobta bani Tuhanta in. Amen
