RENUNGAN BAPA
19 Juli 2026 (7 Dob Trinitatis)
Nats : Yohanes 1:1-13
Tema : Yesus Kristus adalah pusat dari kesaksian
Tujuan : Agar setiap kesaksian yang dilakukan harus berpusat kepada keselamatan yang dibawa oleh Yesus Kristus
Horas ma banta haganupan bapa ija pe nasiam marianan.
Bani jaman sondahan on, agak miris do hita mangidah presentase parugama Kristen i dunia on, misalni i negara-negara barat. Padahal anggo ibasa hita ilmu-ilmu sejarah luar biasa tumang do perkembangan agama Kristen i dunia barat bani abad-abad pertengahan. Bahkan misionaris na patandahon agama Kristen pe hubanta aima hun negara barat tepatni hun Jerman tene. Ase lang pala heran hita anggo laho hita hu negara-negara barat nuan on, pitah namatua mando na roh hu gareja, bahkan bahat ma gareja ibahen gabe museum pakon bar atap café. Sungkun-sungkun sonari mase boi sonai? Halani memang sidea berfikir secara logika. Anggo boritan hita laho ma hu dokter, anggo Bertani hita na ibutuhkon aima pupuk pakon obat-obatan pertanian pakon perawatan na insentif.
Sebenarni pemikiran na sonai ai lang mamungkah bani jaman sonari, tapi domma ipungkah humbani sapari nari, mulai hun jaman Johannes on. Halak Yunani na gabe tujuan ni surat on lang porsaya pasal keberadaan Tuhan Jesus, halani memang lang tarlajo secara logika, misalni pasal parutubuhni, pasal hajongjonganni na dos pakon Naibata pakon na legan. Aido ase Johannes sebagai penulis kitab on janah na itujuhon hubani halak Yunani mamakei pikiran ni halak Junani. Aido ase itulimati hita injil Johanes on, marbeda tumang do cara ni laho manaksihon parohni Tuhan Jesus marimbang injil na legan ai aima: Matius, Lukas pakon Markus. Anggo bani injil na tolu ai isobut do pasal partubuhni Tuhan Jesus, ise orang tuani janah hunja hasusuranni. Tapi anggo bani Injil Johanes on langsung do isobut sipanurat hajongjonganni hata in, bahasa gorik: Logos. Bani mungkahni domma dong hata in, janah marhitei hata in do homa dunia on itompa, na margogoh botul do hata in janah na dob marhorja humbani na hinan itongah-tongahni dunia on. Ise do gatni hata na isobut bani teks on? Hatan na imaksud ijon aima Tuhan Yesus.
Bani halak Gorik atap Yunani: Hata iterjemahkon humbani hata LOGOS bahasa Indonesia aima Firman. On boi patugahkon sada-sada halak na memiliki keistimewaan halani hajongjonganni terdiri humbani jolma satongah dewa, halani ai jolma na songon on ihabiari janah ihormati halak Gorik do, halani ianggap sebagai keturunan dewa. Tapi Yohanes mangkatahon paboa Yesus lang sonai tapi Tuhan Yesus ai benar-benar jolma, tapi saratus persen do Ia Naibata. Aido ase ihatahon bani mungkahni domma adong hata in, anjaha rap pakon Naibata do hata in, anjaha Naibata do Hata in. Ase bani proses panompaon dunia on domma dihut Tuhan Jesus, halani memang Ia do Naibata. Ase pori iapakei pe istilah HATA ijon ase lambin tarjalo halak Gorik do Jesus Kristus ai gabe sipaluah bani hita jolma on. Ase marhitei Ia do ase dong haganupan, seng dong na dob dong on anggo lang marhiteihon-Si.
Nasiam bapa hinaholongan,
Marhitei hatorangan on, patugahkon bahwa lang pitah omon-omon holong noi Nabata hubanta jolma on, humbani na hinan nari ronsi sonari. Anggo itulimati hita pasal panompaon luar biasa do tongon holong ni Naibata hubanta on. Hal on taridah hubani rangkaian panompaon ai, parpudi do jolma itompa ase tersedia haganupan keperluan ni jolma ase jolma in itompa. Kesempurnaan holong ai taridah marhitei kehadiranni Jesus marupa jolma, ase Naibata dohor pakon jolma in, lang be daoh bahkan lang tarbanyangkon rupa ni Naibata. Tapi marhitei kehadiranni Tuhan Jesus pori martonggo hita boi ma nabayangkon rupa pakon keadaan ni Tuhan Naibata. Ijaima kehadiranni manondangi haganupan dunia on pakon pangisini. Marsinondang do ia itongah-tongah dunia na golap on. Tapi na gabe sipusokkonon uhur lang ijalo dunia on Ia.
Tapi porinipe lang ijalo jolma ia, lang maronti holong ni Naibata, ipabangkit Naibata do sahalak na isuruh Naibata na laho memprokalamasihon kehadiranni Tuhan Jesus ai. Harapan ni Naibata ase haganupan jolma porsaya hubaNi. Tapi porlu ipatangkas ijon porlini pe luar biasa si Johanes padashon pasal Tuhan Jesus ai, sedo si Johanes na gabe panondang atap Tuhan Jesus ai. Si Johanes totap do gabe na patandahon ise do Jesus ai. Tontu on pe dear tumang do na gabe renunganta bapa on, ai sipata ra do hita mamilih-milih pasal ise napadashon hatani Naibata. Padahal na porlu itangar hita aima hata ai sedo ise na padashon hata ai. Dobni siparambilan use marsangap sedo Naibata. Janah siparambuilan pe ra do homa madabuh halani pujian hubani sipanangar. Tujuan Naibata manotapkon si Johanes gabe parambilan tontu ase marsangap ma Naibata, janah ase lambin itanda halak use ise Jesus ai.
Nasiam bapa,
Ipatangkas use bani ambilanta on, porini pe domma idunia on Yesus ai, tapi bahat do lang mananda Ia, janah seng sihol homa uhurni laho mananda Ia. Pasal on lang pala heran hita ai, atap dong pe tumpuan ni jolma na manulaksi tontu lang Naibata na rugi, tapi jolma na manulaksi ai do. Halani dong lang dong na manombah Naibata anggo Yesus ai totap do Ia ronsi sadokahni dokahni. Hasurungan halak na porsaya ibere Naibata do kuasa, janah hubani na manjalosi ai do Ia roh. Anggo lang ijalo ham Ia ronsi antigan pe Ia lang ongga roh hubamu. Anggo ijalo hita Ia, gabe anak ni Naibata ma hita, janah Ia ma nagabe Bapanta. Tontu anggo anak ma hita dapotan ma hita bani teanan na ijanjihon Naibata, aima hagoluhan na sadokah ni dokahni.
Refleksi
- Tuhan Jesus sintong do adong janah marianan do ia pakon ham ahu pakon haganupan jolma. Ase lang dong be alasanta paboa Naibata lang rup pakon hita.
- Yesus do panodang ni dunia on, porini pe golap pangahapmu sonari atap halani aha pe ai domma dong na manondangi uhur pakon pikiranmu. Naha porsaya do ham? Halani hubani halak na porsya di Ia roh.
- Etah saksihon hita ma Tuhan Jesus, ia do nagabe pusat kesaksianta. Sedo hit ana labin banggal, tapi Tuhan ma na marsangap.
Amen
About the Author
