RENUNGAN BAPA
Tanggal : 21 Juni 2026 (3 Set. Trinitatis)
Teks : Lahoan Apostel 6:1-7
Thema : Sasaran Pelayanan
Tujuan : Agar kaum bapa memahami prioritas pelayanan dalam keluarga dan Masyarakat.
Horas ma hubani nasiam bapa, harapan nami nasiam ibagas sehat pakon horas-horas ijumpahkon renunganta bani panorang on.
Nasiam hasoman, dob konsi peristiwa parrohni Tonduy Napansing roh bahatni do halak na porsaya hubani Tuhan. Pertumbuhan gereja pe jenges do mardalan, bahkan boi hatahononta luar biasa tumang do pertumbuhanni bani panorang ai. Misalni bahat na bertobat, hasadaon pe mardalan ibagas na dear, pasal marsiurupan pe jenges do homa mardalan. Bani na margareja adong ididah hita sada hal na menarik bani sidea, aima bani gereja mula-mula ipasomal sidea hidup saling berbagi. Bahkan adong do anggapan bani panorang ai bahwa sesuatu milik aima gabe milik bersama. Onma sada daya tarik bani kehidupan na margareja bani panorang ijia, pangkorhonni ai bahat do halak na marhahurangan masuk hu gareja janah gabe anggota gareja ai.
Tapi irik hunjai muncul do homa sada persoalan bani sidea, aima menyangkut pelayanan hubani inang na mabalu humbani kalangan halak Jahudi na marbahasa Yunani. Hal on termasuk persoalan na banggal bani sidea bani panorang ai halani menyangkut pasal keadilan, rasa memiliki pakon rasa kepedulian. Sidea menuntut ase sidea pe iperdulihon homa dos pakon kuria na legan. Onma na gabe ungut-ungut sidea bani apostel-apostel ai. Adong perasaan inang na mabalu ai bahwa sidea domma diabaikan, lang iperdulihon be. Tontu persoalan-persoalan na sonon gati do homa terjadi bani kurianta bani jaman sondahan on. Sipata rado pangahap ni kurianta pelayananta lang adil, lang dos pangidahta hubani kuria in. Istilahni ra songon “Sitonggor jumbak” hita hubani kuria in. Halani ai renunganta sahalion ma patuduhkon cara sonaha do ase ulang dong be terjadi perasaan bahwa kurianta lang ipedulihon.
Ternyata apostel-apostel bani panorang ai lang memebela diri, lang homa manalahkon inang na mabalu ai. Cara na ibahen apostel bani panorang ia aima patumpuhon anggota kuria ai, janah ibere ma pemahaman. Bahwa tugas ni apostel aima mambaritahon ambilan na madear. Janah ipatugah sidea do bahwa lang patut pangahap ni sidea tading horja parambilanon halani horja pelayanan atap diakonia. Tapi sedo maksudni apostel ai bahwa banggalan horja parambilanon marimbang horja diakonia atap pelayanan. Hansa apostel ai sihol mangkatahon ulang halani horja pelayanan tading horja parambilanon. Ijon apostel ai bersikap jujur pakon terbuka, maksudni sedo horja pelayanan ai iabaihon sidea, tapi sonai ma lobei kondisini sidea. Tontu onpe sada hal na menarik do on hubanta, khususni hita bapa. Ai sipata ra do pangahapta hebatan horja hasintuaon pakon hasyamason. Aido ase bahatan do hita bapa mamilih jadi Sintua pakon Syamas, padahal dos do argani tugas ai. Sada bidang kerohanian atap parambilanon sada nari bidang pardagingon atap pelayanan. Jadi lang dong horja on marsihebatan, tapi saling melengkapi do hape. Sonai do age i rumah tangganta bei, lang maningon keputusanta na maningon itangihon, tapi porlu do hita mendengar atap tangi bani pandapot ni inang sinrumah age niombahta.
Dobni apostel ai manuruh kuria ai ase sidea mamindahi pakon mamilih pitu halak hun tongah-tonah ni sidea na dear baritani, na ginokan ni Tonduy anjaha pantas maruhur. Janah on ma na sihol ipabangkit sidea gabe horja bani pelayanan atap horja diakonia. Janah ipertegas apostel ai homa hubani kuria ai paboa tugas ni sidea totap ma bidang sipartonggo pakon siparambilan. Anggo horja sipitu halak ai focus ma bani horja pangidangion. Tontu jenges tumang do cara na binahen ni apostel on, adong pembangian kerja na jenges tumang. Apostel sir-sir berbagi horja pakon diakones na dob iangkat sidea ai.
Dob ai ipilih kuria aima ma pitu halak aima: si Stepanus, Pilippus, Parkorus, Nikanor, Timon, Parmenas pakon si Nikolaus. Humbani goran-goran on taridah do cara ni apostel on pakon kuria ai paboa na ipilih sidea aima halak Yunani. Tontu on ma sada cara laho pamagouhon kecurigaan kuria ai. Anggo sadokah on sidea merasa bahwa kuria na berbahasa Yunani iabaihon sonari halak na berbahasa Yunani ma iangkat gabe siparugas bidang diakonia ai. Dobni itonggohon ma sidea janah iampeihon ma tanganni bani sidea. Marhitei cara ni Apostel on lambin rarat ma hatani Tuhan. Bahkan lang pitah masyarakat biasa gabe porsaya tapi dihut do homa humbani malim-malim halak Jahudi ai.
Piga-piga gabe renungan banta marhitei aimbilan on aima:
- Bani sada-sada persoalan na ijumpahkon hita pasti adong do hikmahni. Keberhasilan bani sada-sada horja tanpa isadari hita dong do sipata na merasa terabaikan atap terlupakan. Aido ase porlu hita pangkei bani sada-sada horja.
- Porlu tumang do hape keterbukaan pakon kejujuran bani horjanta. Maningon isadari hita paboa terbatas tumang do kemampuanta, lang boi ihorjahon hita haganupan horja in. Halani ai maningon do hita marbagi horja pakon halak na legan, Halani terbatas do kemampuanta bani ganup horja on. Bandingkon hita pakon Musa sanggah marbuali ia pakon simatuani Jetro, ijai ihatahon Jetro ase dong pembagian horja khusuni bani panguhumion bani halak Israel (Keluaran 18:25)
- Kepada masing-masing orang Tuhan mengaruniakan ber-bagai karunia dan talenta yang berbeda beda. Ungkapan “one man show” tidak berlaku dalam pelayanan gereja. Pelayanan harus melibatkan banyak orang. Karena gereja adalah tubuh Kristus, dimana masing-masing anggotanya memiliki bagian-bagian yang berbeda, namun saling membutuhkan dan tergantung antara satu dengan yang lain.
- Lang dong horja sibanggalan pakon si etekan ilobei ni Tuhan Naibata. Sedo banggalan parambilan pakon siparagenda, sedo banggalan siparagenda pakon siboan doding. Sedo banggalan homa siboan doding marimbang na padalan galangan. Saling melengkapi do haganupan ai. Amen
About the Author
