Nats        : Matius 6:31-33

Tema      : Mengatasi Kekhawatiran dan Memprioritaskan Kerajaan Allah

Tujuan : Agar Kaum Lansia tidak hidup dalam kekhawatiran karena memiliki iman yang teguh dan yakin bahwa Tuhan pasti mencukupkan kebutuhan mereka.

Parlobei Ma Hita Mamindahi

Harajaonni Naibata Ampa Hapintoronni

Para ahli ilmu jiwa ongga mangkatahon paboa halak na gati holsohan boi mangkorhon atap mambahen parnaboritan, dampakni sasada halak gabe lang boi tarpodom sinok ampa merasa tertekan. Jolma gati holsohan pasal habutuhan/haporluan siganup ari, kesehaton, parhorjaon, keluarga, niombah, masa depan ampa na legan. Holsohan/kekuatiran lang pitah ialami halak na masombuh ampa na madoyuk, boi do homa ialami halak na bayak. Halak na masombuh holsohan bani aha na sihol ipangan ampa na ipakei, tapi halak na bayak holsohan anggo moru atap magou habayakonni sidea. Bani jamannni Tuhan Jesus pe na ijia sadalan hubani perikopta on buei na mangirikkon Jesus (nelayan, petani, buruh, bangsawan, halak Parisei, ahli hokum ampa na legan) halani na holsohan do sidea, terancam kedudukan ampa masa depanni sidea. Ai do ase ihatahon Tuhan Jesus bani ayat 31, ase ulang ma holsohan hanima mangkatahon aha ma panganonnami, aha ma inumonnami, aha ma parhiouonnami? Lang marosuh Tuhan Jesus anggo gati holsohan hita, holsohan gabe “racun hidup” anggo goluh, uhur ampa pingkiranta terpokus pitah hubani dunia on. Ihatahon Tuhan Jesus do ai lang harganan do hosah ase sipanganon, anjaha harganan angkula ase parhiouon? Manuk-manuk na iawang-awang, na so martidah, na so manabi anjaha na so patumpuhon hu sopou, tong do iparmudu Bapanima na i nagori atas, samintolah ma halak na porsaya na buenan hasurungan. Maksud ungkapan on aima Tuhan domma parlobei mangkorjahon na luar biasa, Tuhan domma parlobei pataridahkon pemeliharan-Ni hubani haganup tinompa-Ni, ai isarihon ampa iparmudu-mudu do haganup. Hal na banggal domma ibere hubani angkula ta samintolah ma hal na etek, sipanganon, parhiouon lang iberehon hubanta. Hal on lang mararti paboa hita lang porlu be marhorja ampa marusaha, halani Tuhan mangkasiholhon halak na porsaya ase torus do marhorja. Tuhan Jesus sihol mangantih holsohan ta ai gabe marpangunsadeian ampa marhatengeran uhur hubani Tuhan. Bani ayat 32 iulakkon use, ai sipajuh begu-begu pe mangkaporluhon sisonai ai do. Halak na lang mananda Tuhan mamindahi aha na adong itanoh on do homa. Apalagi ma Bapa ta na i nagori atas, mambotoh ampa mamberehon aha na gabe habutuhon niombah-Ni, ai do ase ulang terlalu holsohon bani aha na masa i tanoh on. Songon hata bijak na mangkatahon “Ulang siksa ham dirimu hinorhon na holsohan ham siganup ari, padahal aha na hinolsohonmu ai lape tontu tarjadi holi”.

Ai do bani ayat 33 ipertegas Tuhan Jesus use mangkatahon hubani na mangirikon-Si ase parlobei ma pindahi hanima Harajaon ni Naibata ampa hapintoron-Ni, dob ai tambahkonon-Ni do ganupan ai bannima. Tuhan ijon mandihuti urutan humbani “Tonggo Ham Bapa nami”, na ibagasni Ia mangajari halak na porsaya ase parlobei martonggo, ase roh harajaonni Naibata ampa harosuhni Naibata saud ihorjahon songon na i nagori atas na terjadi i nagori tongah, baru ma bere ham ma bannami sadari on hagoluhan ari-ari. Na paling sederhana humbani teks on aima “parlobei mamindahi harajaonni Naibata ampa harosuhni Naibata” aima mamindahi ase gabe taat hubani Naibata, sementara hapintoronNi mararti kesetiaan Naibata, hapintoron na mangurupi ampa mambela hasoman na legan. Maksud ni Tuhan Jesus ijon jelas, anggo domma parlobei hita mamindahi Harajaonni Naibata ampa hapintoronNi pasti do ibere Naibata aha na gabe habutuhon jasmani ta i tanoh on. Ai isarihon Tuhan in do halak na porsaya, ganup ari sungkup bei do hasunsahanni. Ibotoh Jesus do bani pardalanni goluhni orangtua nami lansia aha na gabe kekuatiran/holsoh antara lain hasehaton, parnaboritan, kelemahan fisik, pasal keluarga ise na mampardiateihon, sitaronon na etek atap na banggal, sipanganon, pakon na legan. Ondoskon ampa ompaskon ma horu, holsoh ni uhur hubani Tuhan ai isarihon do nasiam (1 Petrus 5:7). Totap marhaporsayaon ampa marhatengeran ni uhur hubani Tuhan, domma iurus janah ipersiapkon Tuhan haganup na porlu hubani niombahNi. Sikap goluhni para Lansia sondahan on aima maningon paposkon uhur hubani Tuhan, mengutamahon Tuhan marhiteihon horja ampa pambahenan na madear, golgol martonggo ampa manggoluh ibagas hapintoron das hubani na roh Tuhan paduahalihon. Amen.