Yoshua 24:19-28
Tanggal : 01 Maret 2026
Thema : Ibadah kepada Tuhan
Tujuan : Agar kaum Bapa semakin memahami makna ibadah
Nasiam bapa hinaholongan, bahan renunganta bani minggu on ibuat humbani sada kisah na cukup terkenal bani bibelta. Kisah on terjadi dobkonsi bangsa Israel domma piga-piga dokah das i tanah perjanjian ai. Panorang ai bangsa Israel sanggah marianan i Sikhem. Janah pemimpin ni bangsa ai aima Yoshua na domma matua janah domma marumur (bnd. 23:1). Joshua mangahapkon paboa umurni lang piga dokah nari be, mungkin ia mangahapkon paboa hamateian ai maningon ma idalanini. Halani ai Joshua mambuat sada keputusan laho mandilo haganupan pemimpin-pemimpin tiap-tiap suku bangsa Israel ai laho padashon pidato perpisahan.
Bani tradisi ni bangsa Israel, sonai homa bangsa-bangsa sekitar Israel somal do mambahen pidato perpisahan hubani bangsa na ipimpinni. Pada umumni pidato perpisahan ai marisi nasehat, ucapan berkat atap pasu-pasu, wejangan hikmat pakon na legan. Tontu on sada hal na porlu tumang do on bani halak Israel, ase sidea totap setia hubani Naibata hansi pe domma itadingkon sang pemimpin. Janah anggo iparditei hita bani bibelta adong do dua bagian pidato perpisahan ni Joshua on. Na parlobei aima jumpah hita bani ayat 23 janah bagian na paduahon aima bani ayat 24. Bani pidato Joshua na paduahon on lang sekedar pidato perpisahan, tapi pidato on aima marisi janji pembaharuan umat Israel hubani Naibata sonaha hinan janji sidea sanggah i Gunung Sinai. Mase nani porlu janji ai iperbaharui? Halani Joshua mangidah janah manaksihon humbani matani sandiri, gati tumang do bangsa on menghianati janji ni sidea. Sipata pas songon lagu ai, “kau yang berjanji kau yang mengingkari”. Sanggah jenges sijaoon ni sidea, kos-kos do ijolom sidea janji ai. Tapi anggo rohkonsi ma paruntolon gabe lupa ma sidea bani janji ni Naibata, bahkan isalahkon use Naibata.
Nasiam bapa hinaholongan, porini pe ayat renunganta on imulai bani ayat 19, tapi dear do homa ibasa hita mulai ayat 14 ai. Bani ayat 14 ai, Yoshua mambere sada penegasan hubani bangsa ai ase totap sidea mangkabiari Jahowa janah totap mambalosi Jahowa, humbani putih ni atei-atei nasiam , paholang ma marnaibata na legan. Dob ai menarik ididah hita bani ayat 15 Yoshua sebagai pemimpin na bijak mambere kebebasan hubani bangsa ai. Anggo lang marosuh naisam mabalosi Naibata, pilih nasiam ma sadarion ise do sipilihan ni nasiam. Adong tolu sipilihan ni sidea sebagai pusat ni ibadah ni bangsa ai, aima:
- Na binalosan ni ompung nasiam i dipar ni Bah Efrat
- Naibata ni halak Amori
- Atap hubani Naibata na paluahkon sidea hun tanoh Masir
Paima bangsa ai marbalos, Yoshua dengan tegas mangakatkon: “Anggo ahu pakon hasomanku sarumah Jahowa do sibalosan nami”. Tontu on lang sekedar pilihan, tapi domma marisi sada komitmen paboa Yoshua akan setia sampai selama-lamanya. Dobni tanpa ragu bangsa ai mambalosi sungkun-sungkun Yosua nini sidea; “daoh ma ai humban nami, anggo mintor tadingkonon nami ma Jahowa, laho mambalosi Naibata na legan”. Jenges tumang do janjini halak Israel on, lang dong na salah. Tapi Yoshua domma mambotoh tangkas karekter ni bangsa on, halani ai ia mangkatahon hubani bangsa ai lang na urah mangkorjahon ai da. Halani pansing tumang do Ia, parsimburu, janah seng marpangulaki uhurni mangidah hanima. Anggo marbalik nasiam itadingkon nasiam Naibata, ipapai Naibata ma nasiam janah siap tumang ma nasiam ibahen. Tapi sahali nari bangsa ai dengan tegas mangakatahon “Lang, Jahowa do sibalosan nami”. Dob ai ibahen Yoshua ma parpadanan hubani bangsa ai.
Nasiam bapa, marhitei ambilan on porlu tumang do hita merenungkon pardalanan ni goluhta na ija do gatinan isombah hita. Naibata na dob mangkasomani hita do, atap keinginan daging do na menguasai hadirionta. On tontu porlu tumang do na gabe perenungan banta. Halani jelas do bani ambilanta on bahwa hidupta on aima pilihan do. Ibere do hubanta kekebasan na ija sipilihonta. Bebas do hita mansuhuni sura-suraanta, pakon hisap ni daginta. Tapi maningon isadari hita do paboa haganupan pilihan ai dong bei do konsekwensini.
Dob ai, hubanta halak Kristen aha na dob ipadas Yoshua on tontu berlaku untuk sepanjang masa pakon waktu. Halani ibadah hubani Tuhan aima pataridahkon hubunganta pakon Naibata. Ibadah aima parjumpaanta pakon Tuhan. Tapi nini uhurta ibadah ai lang sekedar sanggah kebaktian, tapi segala aktifitas ni pargoluhanta aima pataridahkon ibadahta ilobei ni Tuhanta. Amen.
