Bahan PA Seksi Bapa GKPS,
18 Oktober 2026 (20 Dob Trinitatis)
Nats : Jakobus 5:13-18
Tema : Saling Mendoakan
Parlobeini
Surat Jakobus mambere sada pambohalion pasal sonaha haporsayaon inyatahon bani goluhta siganup ari. Haporsayaon lang sungkup pitah ihatahon tapi maningon ipataridahkon do marhitei tindakan, parsahap, hasabaron, habasaron pakon hasoman. Bani Bindu 5 on Jakobus mansahapkon pasal hasabaron ibagas sitaronon, sonai homa porluni namartonggo bani situasi haganupan situasi na borat bani goluh on. Jakobus menyadari bahasa pardalanananni goluhni halak na porsaya lang boi haganupan mardalan dengan mulus. Adong do halak manompakkon sitaronon, pusokni uhur, parnaboritan, pakon na leganni ai. Halani ai hita mamorluhon perhatian pakon komunitas iman. Marhitei komunitas atap partumpuan ai boi marsiurupan, perhatian sonai homa na marsiapohan bani situasi na borat.
Hatoranganni Teks
Bani ayat 13 on maurujuan bani tonggo aima gabe bagianni bani goluhta on na lang boi tarsirangkon bani halak na porsaya, sanggah bani situasi sulit sonai homa sanggah ibagas malasni uhur. Jakobus mangarahkon haganupan kuria ase martonggo. Martonggo tapi iirikkon homa marhitei usaha na ibahen hita, halani marhitei namartonggo hita ibere Tuhan hita hapentaran nalaho mamilih sada keputusan. Gati hita mardingat Tuhan pitah halani bani situasi sulit tumang, tapi lupa do hita bani anggo keadaannta domma dear.
Jakobus manobutkon homa bahasa halak na ibagas parnaboritan lang boi iabaihon. Ia mangarahkon halak na ibagas parnaboritan melibatkon penatua ase sidea manonggohon ibagas goranni Tuhan Naibata. Bani panorang ijia, na manapui minak boi do ai berkaitan bani perawatan na domma popular bani kuria ai, anjaha adong do homa makna simbolis ibagas pangidangion tonggo. Hita maningon menyadari bahasa namanonggohon halak na ibagas parnaboritan lang homa boi gabe sada ketetapan dob itonggoho ia mintor ma malum ia bani panorang ai homa. Bani na itonggohon ai pe ia na memiliki otoritas lang jolma tapi Tuhan Naibata do, halani Ia do simada anjaha na markuasa bani haganupan jolma. Halani ai, tonggo porlu do homa isertai pambahenan na nyata, marhiteihonna manohu hu rumahni dob ai itonggohon hita riap, atap mangurupi ia pasal partambaranni, pnl.
Porlu do ipahami hita bahasa Iman lang kemampuan ni jolma laho mamaksa Tuhan memenuhi haganupan na gabe harosuhta. Iman mararti porsaya bahasa Tuhan manangar tonggo pakon mamberehon pertolongan-Ni na inyatahon bani harosuhni uhurNi. Sanggah Jakobus mansahapkon pasal haluahon halak na ibagas parnaboritan sonai homa pasal hasasaponni dous, ia pataridahkon bahasa Tuhan mansukuphon haganupan secara menyeluruh. Tapi, bani ayat on lang boi homa ipahami hita bahasa haganupan naborit ai terjadi halani dousanta atap halak na lang malum ope mararti lang dong haporsayaonni. Bibelta lang ongga menyimpulhon pasal ai, halani ai halak na porsaya pe boi do mangahapkon paranaboritan hansipe ringgas do ia naming namartonggo. Bani keadaan na sisonai ai, hita haganupan idilo nalaho totap porsaya Bani, martonggo, mangkasomani, anjaha mandarami pangurupion na tepat.
Bani ayat 16 on Jakobus patorangkon dua hal na berkaitan tumang, aima
- Hasirsironta na laho mangaku haganup lepakta
- Hasirsiron na laho manonggohon hasomanta
Hasadaon na manggoluh lang ibangun marhitei sipakulah, tapi toruhni uhur do, lang mangotoi, ra manalpuhon halepakon hasoman, pakon holong. Hatani Naibata on pasingatkon hita bahasa kedewasaan haporsayaon lang mararti lang ongga salah atap mambahen kesalahan, tapi kedewasaan haporsayaon boi taridah anggo ra do ia mangaku hon kesalahanni ai anjaha lang be idalankonni. Anggo domma ra ia mengakuhon halepakonni ai hubungan na maseda pe boi mulak jenges.
Jakobus memberehon sada contoh ase boi iteladani hita, aima si Elisa na memiliki keterbatasan songon hita on. Tapi Elia martonggo do ia hubani Naibata, bani tonggoni ai sintong do ia mangindo ase roh ma udan , dob ai ia martonggo use, dob ai rohma udan nalaho mangarbahi tanoh pakon haganup suan-suanan ase marbuah ma tongon na sinuanni jolma in. Bani contoh ai patorangkon bahasa tonggo memilki ianan na khusus bani goluhni halak na porsaya halano tonggo halak na porsaya marhidorat bani goluhni pakon hasoman sonai homa keluarga. Elisa lang jolma na lang adong haluahonni, tapi ia mamilih ase manggoluh ibagas na bergantung bani Tuhan pitah. Bani konteksni nats on aha na ibahen Naibata bani bangsa Israel ase roh ma udan ase mulak use bangsa Israel anjaha ra mengakui kuasani Tuhan nag ok bani halongangan.
Hahonaonni
Martonggo riap pakon kelurga boi gabe sada dalan patubuhkon pondasi iman imabas na dear, manrahut holong, pakon mangondoskon haganupan pergumulan bai goluhta bani Tuhan Naibata. Bapa lang maningon selalu memiliki balos bani haganupan masalah itongah-tongah keluarga, tapi bapa gabe agen nalaho mangarahkon haganup keluarga se marhaporsayaon pitah hubani Tuhan Naibata. Sonai homa partumpuan Bapa on andohar gabe partumpuan na membere perhatian pakon marsirupan bani haganup anggotani. Anggo adong na ibagas parnaboritan, maslah ekonomi, pusokni uhur pakon persoalan na legan, lang sungkup pitah manungkun tapi maningon hadir do hita nalaho manonggohon pakon mangurupi na gabe tanda sisada haporsayaon do hita. Amen
About the Author
