Ibadah Harian Keluarga GKPS
Selasa, 28 Oktober 2025

I. Bahasa Simalungun

1. Doding: Haleluya No. 451:1-2
Sihol do uhurhu patimbulhon Ham Jahowa,
na pagoluhkon au pardousa
Sanggah na hudilo, goran-Mu lao mangurupi,
sirsir do Ham roh mambalosi
Itogu Ham do, au humbai lombang bagas,
in ma ianan hagolapan
Sai boban Ham ma au hu nagoriatas,
ase tongtong marhasonangan

Ganupan munsuhku, seng ilopas Ham marmegah,
manangkut au baen jabolonni
Ipatudu Ham do, au bai dalan na gok tuah,
tongtong do Ham mangkasomani.
Itogu Ham do, au humbai lombang bagas,
in ma ianan hagolapan
Sai boban Ham ma au hu nagoriatas,
ase tongtong marhasonangan.

2. Tonggo

3. Ayat Harian: Jesaya 25:1

_“Ale Jahowa, Ham do Naibatangku; sihol patimbulonku do Ham, sihol pujionku do goran-Mu; ai Ham do sibahen halongangan, sipasaud sura-sura na dob niranggihon humbani sapari ibagas hasintongan ampa habujuron.”_

4. Renungan: “Goluh na manombah ampa mamuji Tuhan”

Kuria na hinaholongan. Anggo jujur hita laho mampardiatei ampa mangakui paboa Naibata domma buei mangkorjahon halongangan-halongangan ibagas goluhta. Misalni: ipaluah Naibata hita humbani parmaraan, ipamalum hita humbani parnaboritan, iurupi sanggah idompakkon hita hasosakan/hasunsahan. Tontu iidah hita ma habujuron ni Naibata, na mangurupi hita mambahen boi hita das bani panorang on. Porlu tumang do ai iakuhon hita ase boi hita manaksihon dear layak ni Tuhan in gabe dalan banta laho patimbulhon ampa mamuji Naibata. Alasan ni nabi Jesaya patimbulhon Naibata aima halani pitah Naibata do na isombah ampa na ihaporsayai humbani ompungni halak bangsa Israel nari. Pitah Ia ma Naibata na isombah seng adong sisombahon na legan.

Bani ayat on, Jesaya patugahkon adong dua hal na sihol ihorjahonni dompak Naibata aima patimbulhon Tuhan ampa padas puji-pujion hu-Bani. Patimbulhon/pasangap Naibata mararti mangangkat ampa pagijangkon Naibata. Selaku jolma na doyuk ia ibagas toruh ni uhur do ia roh mandohori Jahowa na markuasa in. Jesaya mangaku paboa ia patimbulhon Jahowa marhitei hata ampa pambahenan. Ipasiat ma Naibata ibagas uhurni. Dob ai isobut si Jesaya do sihol do pujionni Naibata halani goranNi. Mamuji ampa martarimakasih halani goranNi Tuhan mararti do ai mangakui dear layak ampa mamuji Naibata halani hasirsiron ni hadir bani pargoluhanni. Ipadas do ai langsung hubani Naibata, “Tarimakasih ma Tuhan bani ganupan na dob ibahen Ham bani pragoluhanku.” Jesaya martarimakasih mamuji Tuhan halani dear layakni, halani dob buei halongangan na ijaloni. Janah ganup na dear aima sura-sura ni Naibata domma ipatorsa humbani na hinan janah satia do Tuhan bani padan-Ni. Marhitei na idingat paboa Tuhan domma marhorja humbani panompaon nari, paluahkon bangsa Israel hun Masir, paluahkon humbani sapuluh uhum, mamontas tao sigerger, panramotion sadokah pardalanan i halimisan, parseda ni tembok Jeriko pnl. Tontu ihaporsayai hita paboa habujuron ni Tuhan ai lang pitah tarjadi bani panorang na dob salpu tapi torus ma tarjadi das hubani nuan on age ronsi panorang na laho roh.

Halani ai marhitei ayat harian banta sadarion ipagolpa do hita ase mardingat bani dear layakni Jahowa na dob ijalo hita, na sanggah ampa nasihol ijalo hita bani pargoluhanta on, ihaporsayai hita paboa torus do marhorja Tuhan in pataridahkon tanda-tanda halongangan. Ai do ase idilo do homa hita ase torus manombah ampa patimbulhon goran ni Tuhan janah ase totap ma hita martarimakasih mamuji Tuhan halani ganup pambahenan ni banta. Gabe totap ma hita patimbulhon Jahowa marhitei pambahenan, parlahou ampa pangabak na madear bani ganup langkah ni pargoluhanta. Amen

5. Doding: Haleluya No. 352:1-2
Ai halongangan do hape, holong ni Tuhan in
Itobus Kristus au hape pardousa na doyuk.
Tapi hubotoh janah porsaya, bani gogoh-Ni pakon kuasa-Ni,
ai iparorot do tong goluhku, das bai parujungan in.

Marhitei idop uhur in, porsaya au tongon,
janah gogoh ni Hata-Nin pasonang uhurhon
Tapi hubotoh janah porsaya, bani gogoh-Ni pakon kuasa-Ni,
ai iparorot do tong goluhku, das bai parujungan in.

6. Tonggo Ham Bapanami

II. Bahasa Indonesia

1. Nyanyian: Kidung Jemaat No. 64:1-2
Bila kulihat bintang gemerlapan dan bunyi guruh riuh kudengar,
ya Tuhanku, tak putus aku heran melihat ciptaanMu yang besar.
Maka jiwaku pun memuji-Mu: “Sungguh besar Kau, Allahku!”
Maka jiwaku pun memuji-Mu: “Sungguh besar Kau, Allahku!”

Ya Tuhanku, pabila kurenungkan pemberianMu dalam Penebus,
‘ku tertegun: bagiku dicurahkan oleh PutraMu darahNya kudus.
Maka jiwaku pun memujiMu: “Sungguh besar Kau, Allahku!”
Maka jiwaku pun memujiMu: “Sungguh besar Kau, Allahku!”

2. Doa

3. Ayat Harian: Yesaya 25:1

_”Ya TUHAN, Engkaulah Allahku; aku mau meninggikan Engkau, mau menyanyikan syukur bagi nama-Mu; sebab dengan kesetiaan yang teguh Engkau telah melaksanakan rancangan-Mu yang ajaib yang telah ada sejak dahulu.”._

4. Renungan: “Hidup yang Menyembah dan Bersyukur bagi Tuhan”

Jemaat yang dikasihi Tuhan Yesus. Kalau kita mau jujur untuk melihat dan mengakui bahwa Allah sudah banyak melakukan hal-hal ajaib dalam hidup kita. Misalnya Allah pernah meluputkan kita dari malapetaka, menyembuhkan dari sakit penyakit, memberi pertolongan saat kita dalam kesulitan/kesusahan. Tentu kita melihat bahwa semua itu karena kebaikan Tuhan, yang menolong kita sehingga kita masih ada hingga saat ini. Hal ini penting sehingga kita menyaksikan tentang kebaikan Tuhan dan mau meninggikan dan mengucap syukur kepada Allah. Alasan Yesaya meninggikan Tuhan adalah karena hanya Dialah Allah yang ia percaya dan telah dipercayai secara turun temurun oleh nenek moyang bangsa Israel. Hanya Dialah Allah yang disembah tidak ada ilah yang lain.

Dalam ayat ini Yesaya memaparkan ada dua hal yang ia mau lakukan terhadap Tuhan yakni meninggikan Tuhan dan menyanyikan syukur bagi-Nya. Memuliakan Allah berarti mengangkat dan meninggikan-Nya. Sebagai manusia yang fana, di dalam kerendahan Yesaya datang mendekati Allah yang Mahakuasa. Yesaya mengaku bahwa ia memuliakan TUHAN lewat perkataan dan perbuatannya. Ia akan memberikan Tuhan tempat yang paling mulia di hatinya. Lalu yang berikut, dikatakan Yesaya kepada Tuhan adalah mengucap syukur bagi namaNya. Mengucap syukur atas nama Tuhan berarti mengakui kebaikan-Nya dan bersyukur atas kehadiran-Nya. Hal ini dapat dilakukan dengan langsung mengatakan kepada Tuhan, “Terima kasih Tuhan untuk segala yang telah Engkau perbuat.” Yesaya mengucap syukur atas kebaikan Tuhan. Sebab Allah telah melakukan keajaiban, Rencana yang dibentuknya sejak lama, dengan kesetiaan pada janjiNya. Yesaya akan mengucap syukur atas siapa Allah itu dan hal-hal ajaib yang telah dilakukan Tuhan yakni mengingat pada masa penciptaan, pembebasan Israel dari Mesir, sepuluh tulah, pembelahan Laut Merah, ditambah juga pemeliharaan Israel di padang gurun; robohnya tembok-tembok Yerikho. Tentu kebaikan Tuhan tidak hanya terjadi pada masa lalu tetapi akan terus terjadi kini dan masa yang akan datang.

Lewat renungan ini kita juga diingatkan untuk melihat tentang kebaikan Tuhan dalam hidup kita yang telah kita alami, yang sedang dan akan terjadi dalam hidup kita, kita yakini bahwa Allah terus bekerja melakukan karya-karya yang ajaib. Sehingga kita juga dipanggil untuk terus menyembah dan meninggikan nama Tuhan dan mengucap syukur atas semua yang Tuhan perbuat bagi kita. Sehingga hidup kita akan terus memuliakan Tuhan lewat perbuatan-perbuatan baik yang bisa lakukan di setiap langkah hidup kita. Amin.

5. Nyanyian: Kidung Jemaat 450:1-2
Hidup kita yang benar haruslah mengucap syukur.
Dalam Kristus bergemar; janganlah tekebur.
Dalam susah pun senang; dalam segala hal
Aku bermazmur dan ucap syukur; itu kehendakNya!

Biar badai menyerang, biar ombak menyerang,
aku akan bersyukur kepada Tuhanku.
Dalam susah pun senang; dalam segala hal
Aku bermazmur dan ucap syukur; itu kehendakNya!

6. Doa Bapa kami

_Kantor Sinode GKPS_