RENUNGAN BAPA GKPS
25 Oktober 2026 (21 Dob Trinitatis)
Nas : 1 Timotius 2:1-2
Tema : Berdoa Syafaat
Tujuan : Agar Kaum Bapa memahami dan mampu berdoa syafaat

Nasiam Hasoman bapa haganupan,
Martin Luther bapa gereja Lutheran ongga mangkatahon: “To be a Christian without prayer is no more possible than to be alive without breathing. Menjadi orang Kristen tanpa doa adalah sama tidak mungkinnya dengan hidup tanpa bernafas”. Halani menurut Marthin Luther tonggo aima hosah ni halak Kristen, setiap saat jolma butuh marhosah anggo lang marhosah jolma ai pasti domma matei. Hira sonaima tonggo on, anggo manggoluh pe hita, butuh do hita martonggo. Halani tyonggo aima komunikasinta pakon Tuhan. Padashon haganupan permasalahan goluhta, pangindoanta pakon puji-pujianta hubani Tuhan ai. Tapi na menarik ididah hita bani nas on, tonggo ai sedo pitah marisi pangindoanta atap keperluanta tumang hubani Tuhan. Tapi dihut do homa manghindohon keperluan ni hasomanta. On ma na gati isobut doa syafaat atap tonggo pangapition.
Secara khusus, bani nas on Paulus marpodah hubani Timoteus, ase mambere pemahaman hubani kuria ase sidea martonggo, tapi lang pitah manoggohon kepentingan sidea tumang, tapi dihut manonggohon haganupan jolma termasuk para penguasa pakon raja-raja. Jadi tonggo ai lang pitah untuk dirinta pribadi, tapi hubani haganupan jolma termasuk para pemimpin, ase hita boi sonang janah mardamei-damei.
Aha do gunani tonggo syafaat (pangurupion) bani halak Kristen. Tonggo syafaat aima cara na istimewa laho martonggo bani halak na legan. Ibagas tonggo ai iboan hita do halak na legan, contohni: keluarga, hasoman, gareja sonai ampa bangsata. Marhitei tonggo on ipangindo hita do hubani Tuhan ase mamasu-masu, mardimata sonai mambere dalan bani haganup hasunsahan na masa. Tonggo on pataridahkon dalan holong ampa sari hubani haganup hasomanta.
Bibelta mangajarhon pasal tonggo pangurupion (1 Tim. 2:1), na mambobai hita ase martonggo hubani haganup jolma. Marhitei tonggo pangurupion, hita gabe perantara ni hasoman na legan hubani Tuhan Naibata. Ai do ase sonai pontingni na martonggo on. Halani: (1) Patuduhkon holong ampa empatita hubani halak na legan. (2) Lambin patoguhkon relasita hubani Naibata. (3) Mangurupi hita ase dihut mamparuhurhon haporluan ni na legan, sedo pitah diri sandiri (mangambukkon sikap egois).
Boi do ibayangkon ham sonari hasomanmu na ibagas hasunsahan? Marhitei na manonggohon ia, hita lang pitah mangindo pangurupion ni Naibata hubani, tapi dihut patuduhkon paboa na sari do hita hubani. Tonggo pangurupion on, mamboan hita lambin parduli hubani goluhni halak na legan, ampa mangurupi hita lambin manggoluh ibagas harosuh ni Kristus, Tuhanta in.
Hita haganupan bapa, tonggo sedo sarana mambahen hita lobih rohani atap gabe panguhum bani hasomanta. Ase, sanggah tonggo ai ihorjahon ibagas motivasi na salah, makna ni tonggo ai boi gabe magou esensini. Tonggo seharusni tubuh hunbani uhur holong ampa sihol ni uhur ase haganup harosuh ni Naibata aima na saud bani goluhta. Marhitei na pasomal-somalkon diri martonggo, pargoluhan ni haporsayaonta lambin matoras, gok ibagas keperdulian ampa holong. Sikap na sonon, lambin mambobai hita bani sada refleksi paboa tonggo sedo pitah hata-hata tumang, tapi marhitei hataridahanni pambahenan na manggoluh bani goluhta siganup ari. Ase marhitei ambilan on, ipangindohon ampa iojur do hita haganup bapa, gabe sipartonggo ma hita, halani ai do sidearan anjaha harosuh ni Naibata, na manghasiholi haganup jolma maluah ampa mananda habonaron in marhitei hadirionta bei.
Nuan on terjadi do bencana alam na ialami bangsanta bani piga-piga ianan, aima bencana asap. Bencana on domma mambahen bahat anak-anakta hona penyakit ispa, lang pitah anak-anak tapi dihut do homa hita na dob dewasa. Tontu mangidah ai hita lang pitah marhutuk hubani pamarentahta, tapi dihut do ambil peran aima martonggo. Itonggohon hita ma pamarentahta, ase fokus sidea menangani bencana on, itonggohon hita homa polisi huta pakon haganupan na berperan bani bencana on. Ase marhitei ai boi lambin sonang pakon marmalas ni uhur hita haganupan. Amen.