Renungan Mingguan/PA Bapa GKPS, 28 Juli 2024 (9 Set. Trinitatis)

Nats                : Lahoan Ni Apostel 18:1-3

Tema              : Bekerja Untuk Menopang Pelayanan

Tujuan            : Agar Kaum Bapak Mempunyai Prinsip Hidup Saling Membantu

Usul Doding   : 446 :1-2 “Sisada Angkula”

                                                Marsiurupan Mamorsan Naborat

Tim Penulis

Hita haganupan!

Adong do doding ni Rudi Lingga pakon Liz A.K. Saragih namarjudul Simalungun, doding on hinan aima doding na gati tumang itangar hanami sanggah bani masa-masa hadakdanakon nami. Namenarik humbani doding on aima lyrikni namamberehon semangat positif ibagas pargoluh on, seng songon doding na somal-somal, berkisah tentang romansa masa muda, tapi doding on memiliki pesan moril na mendasar naporlu irimangi hita. Misalni bani doding on ihatahon do umpasa namenarik:

Dalihan itataring, dear tumang pananggoran ni hudon

Ase sai ulang hita tading, sai ulang hita tading

Dear marsiurupan.

Manurut hanami doding on mangarahkon bahasa marsiurupan aima goluh na berkualitas, ase doding on mangajarhon hita ase ulang hatadingan bani marsiurup-urupan pakon hasoman. Napadaoh uhur subil, napantangkon ma namarsisimburuan. Goluh marsiurup-urupan berarti goluh na partisipatif, marsiberean uhur, marsihormatan, marsidukungan anjaha masrsijaloan bani nahurang. Bani goluhta sehari-hari gati do on taridah marhitei budaya na isobut budaya marsialopari. Budaya marsialopari aima budaya napataridahkon bahasa budaya masyarakatta aima budaya na marsiberean hubani hasoman na ibagas mamorluhon pangurupion, marhitei tok-tok ripe, misalni marsiboan boras ni bei laho mangurupi hasoman na memang mambutuhkon pangarupion, sonai homa namambutuhkon tenaga pangurupion laho mangkorjahon horja ijuma ni hasoman. Somalni horja on seng halani tarpaksa, tapi halani hasirsiron ni uhur marsapangahapan hubani hasoman namamorluhon, sada panorang sirsir do tong homani ia mangurupi hasomanni na mambutuhkon pangurupion.

Bani teks ni ambilanta panorang on, ipataridahkon si Paulus, Akila pakon si Priskila do semangat marsiurupan najenges. Dokter Lukas sebagai panuratni buku on patugahkon hubanta bahasa Paulus membangun hubungan na jenges pakon keluarga ni Akila pakon Priskila. Paulus panorang ai roh do Paulus hu Korint anjaha marjumpah pakon keluarga Akila pakon Priskila. (Ay.1-2). Manurut dokter Lukas keluarga Akila pakon Priskila on aima keluarga na iusir hun huta Rom bani pamarentahan ni kaesar Klaudius (Ay 2). Manurut piga-piga ahli sejarah mangkatahon bahasa pangusiran ni halak Jahudi hun huta Rom aima halani keributan nabinahenni halak Jahudi halani nalambin bueini halak na si ihutkon Kristus i huta Rom. Halani hageoran namasa ai, mambahen tubuh do ibagas uhurni pamarentah mangusir halak Jahudi hun huta Rom ai. Namasa ai tarjadi bani panorang tahun 49 M, anjaha keluarga Akila pakon Priskila aima keluarga na dihut hona usir hun huta Rom ai, gabe manginsolat ma sidea i huta Korint. ( O Wesly Allen, Commentary on Act 18:1-4, 24 April 2016) Humbani hatorangan on boi ididah hita bahasa sebenarni keluarga Akila pakon Priskila sasintongni aima keluarga namarsitaronon do homa, borat do boban ni ibagas goluh, boi do namin adong alasan ni sidea laho manulak Paulus tondok irumahni sidea, tapi halani nasada haporsayaon do sidea ibagas Kristus, gabe tubuh uhur sapangahapan bani keluarga ai, janah ibagas malas ni uhur do sidea  manamuei si Paulus, manjalo Paulus sebagai hasoman anjaha gabe keluarga ni sidea. Namenarikni halani iahapkon Paulus do holongni keluarga Akila pakon si Priskila, isaksihon si Paulus do sonaha habujuronni keluarga on bani, ihatahon ni do bahasa keluarga on aima hasoman sahorjani ibagas Kristus, na ra mambere borgokni mangkophop ahu, gabe seng pitah ahu martarimakasih bani sidea, tapi haganup kuria na hum bani sipajuh begu-begu. (Rom 16:3-4).

Humbani si Paulus pe seng homa gabe halak napitah mangarap bani idopniuhurni hasoman ia, tapi ibagas malasni uhur do ia homa mamberehkon partisipasi na adong bani mangurupi keluarga Akila pakon Priskila. Aima marhitei na ra mamberehkon dirini mangurupi keluarga on martonun hiou tenda. (Ay 3). Manurut tradisi Jahudi, seng dapotan upah memang sada halak guru humbani pangajaranni, halani ai marusaha do ia manukkupi pargoluhanni marhitei horja na legan. Hansipe memang adong dukungan moril humbani keluarga na i idangini, tapi anggo Paulus ibagas malasniuhur do ia mangurupi keluarga ai martonun hiou tenda. ( David Guzik, Study Guide on Act 18,  Diakses 5 Juli 2024)

Hita haganupan ahama nagabe renungkononta humbani nats ni ambilan on?

1. Humbani Paulus, Akila pakon Priskila hita marlajar bahasa ibagas goluh on maningon do tongtong hita marsiurupan bani namandalani pargoluhan. Hita seng boi manggoluh sandiri, tapi kita ada halani adong do hasomanta. Akila pakon Priskila domma mangajarhon hubanta bahasa hansipe hita ibagas nabuei paruntolon, anjaha mungkin-mungkin secara ekonomi namin ra do adong namin alasan ni sidea manulak ase tondok si Paulus irumahni, tapi bani teksni ambilanta on tongtong do ibagas malas ni uhur sidea manjalo Paulus sebagai hasoman na tondok irumah ni sidea. Paulus pe sonaido, ipataridahkon ni do sapangahapanni marhitei na sirsir ia mambere gogoh, keahlian ni martonun hiou mangurupi hasomanni. Hunjon gabe idingat hita ma hatani si Paulus bani Galatia 6:2 “marsiurupan ma nasiam mangkorjahon naborat in, ai marhiteihon ni in idalankon nasiam do titah ni Kristus”
2. Semangat kerjasama, semangat sapangahapan aima nilai-nilai hakaristenon naporlu totap ijujung hita, ihagoluhkon anjaha menjadi karekter masyarakat ta, bani budayanta sandiri pe semangat marsiurupan on domma mengakar bani hagoluhanta, aido ase budaya sapangambaei manoktok hitei, marharoan bolon, pakon marsialop ari adalah merupakan nilai nilai budaya na luhur, nilai na injili anjaha seng pala hatahonon maralo budaya sehari-harinta ampakon nilaini hakaristenonta. Halani ai budayahon hita ma budaya marsiurupan, marsitungkol-tungkolan halani sonai do harosuh ni Kristus hubani susianni, hitama angkula ni Kristus idunia on, napataridahkon hasadaon, namarsiurupan, namarsidukungan sada hubani na asing ( 1 Kor 12:27).
3. Humbani si Akila pakon si Priskila marlajar do hita bahasa hita pe porlu ulang egois pitah mamikkirhon dirinta tumang. Akila pakon Priskila sedo halak namarnadong, tapi sirsir do keluarga on mangurupi kebutuhan ni si Paulus ibagas namandalankon tugas penginjilanni hu huta Korintus. Songon na ibotoh hita, huta Korint aima kota perdagangan, anjaha pangianni huta on pe domma majemuk, kemungkinan era persaingan domma mulai menjamur ihuta on, tapi ipataridahkon sidea do bahasa goluh hakaristenon ai maningon hataridahan do ai bani pargoluhan ni sidea marhitei na sirsir mangurupi apostel Paulus nabani panorang ai baru marintis zending hu huta Korint. Halani ai sirsir ma hita songon Akila pakon Akila, barang isepe juak-juak ni Naibata namamorluhon pangurupion sirsir ma hita manamueini anjaha sirsir ma hita mambere pangurupion bani. Songon na ihatahon Paulus bani Rom 12:13 “Bantulah dalam kekurangan orang-orang kudus, dan usahakanlah dirimu untuk selalu memberikan tumpangan”. Amen