Bahan PA Seksi Bapa
Minggu 12 April 2026 (Quasimodogeneti)
Nas : Heber 13:20-21
Tema : Salib Kristus adalah dasar keselamatan
Tujuan : Agar kaum Bapa menyadari kematian Kristus menyucikan segala dosa dan menjadikan manusia selamat
Ibohali Laho Manghorjahon Harosuh-Ni Naibata
Adong sahalak bapa, hatahon hita ma goran ni si Jonson. Tiap sigod puho do ia jam lima pagi laho mangayak panorang ase ulang tarlambat masuk hu kantor. Bani pardalanan laho hu kantor ia naik angkutan umum sambil mangidah barita marhiteihon handpone ni pasal harga kebutuhan pokok na lambin naik, biaya parsikolahon na lambin tinggi, tagihan listrik na maningon ibayar pakon proyek parhorjaan na lambin terancam sonai homa niombah na lambin marbanggal na mamboiskon panorang ni mangidah handphone marimbang marbuali hubani. Bapa Jonson on boi do gabe gambaran humbani buei ni bapa na adong I GKPS on, na buei tumang sipingkirhonon tapi lang ididah halak na legan. Sengeh bai bibir tapi lang sonai ibagas uhur halani buei ni sipingkirhonon. Namambaen gok tubuh sungkun-sungkun ibagas uhur. Usih songon kuria namanjalo surat Heber on bani panorang ijia, tubuh do sungkun-sungkun bani sidea. Ai mampu do au on? Ai margogoh do nani au? Ai sungkup do holi haganupan on? Ai marhasil do holi niombahkon? Ai mampu do au totap porsaya bani buei ni sipingkirhonon in?
Kuria na ihahaholongi Tuhan,
Sipingkirohon, parutolon na iahabkon hita bapa bani sondahan on lang daoh berbeda pakon aha na iahapkon kuria Heber bani panorang ai. Badainya mungkin berbeda, tetapi bebannya bisa saja sama. Bani panorang ai sekitar tahun 60-70 bani panrajaion ni Kaisar Nero, halak Jahudi Kristen manaron sitaronon na borat tumang halani manjolom toguh haporsayaon ni hu Bani Yesus. Piga-piga humbani sidea aima, bapa, paramangaon, parhorja, na ganup ari ibagas hagobiron, halani pangodoh-odohon, sitaronon, na boi mangancam parhorjaan ni sidea, mengalami tekanan sosial, ipabali (ikucilhon) humbani komuitas Jahudi na lang Kristen, termasuk ancaman masuk tutupan (penjara) ampa hamateian. Sederhana ni boi hatahonon, sidea itulak halak Jahudi na lang Kristen anjaha iodoh-odoh halak Romawi. Ise pe bani situasi na borat on, rado tubuh ibagas pingkiran ni, ai totap do au mempertahankon haporsayaon bani Kristus atap mulak ma au hu komunitas Jahudi na so Kristen? Pikiran na sonon ma nagati mambaen sangsi janah mambaen targanggu haganup horja siganup ari.
Kuria ni Tuhan,
Hunja pe boi do roh sitaronon, habahaba pe boi roh mandorap, tapi sada na porlu isadari hita, lang adong na boi mangambati holong Ni Tuhan nalaho mangurupi hita. Ia do mangurupi si Abraham mardalan i tongah-tongan na so tontu, anjaha mangurupi si Musa totap mardalan I tongah-tongah ni tekanan. Sonai homa Tuhan in do namangurupi kuria-Ni pasaloseihon sitaronon ampa pangodoh-odohon humbani komunitas Jahudi na lang Kristen ampa Pamarentah Romawi.
Konteks ni ambilan, Heber bindu 13 on sedo pitah hata pangujungion biasa. On ma deklerasi teologis ibagas sada tonggo na manogu halak na porsaya laho mandalani goluh na hinarosuhkon ni Naibata itongah tekanan ni goluh. I bagas tonggo ai, jumpah hita do mutiara ni haporsayaon na pasingathon hita use pasal piga-piga hal:
- Naibata Sipardamei … Bani bagian on, panurat ni buku on mangarahkon hita ase mananda ise do Naibata. Panurat buku on patorangkon gelar ni Naibata aima “Naibata Sipardamei/Allah Damai Sejahtera” ho Theos tes eirēnēs. Hata eirēnēs patorangkon pasal Damei, keadaan na damei, sonang, Gok (utuh/keutuhan yang sempurna). Ibagas Septuaginta hata on mardomu pakon hata Ibrani שָׁלוֹם Shalom na artini damei na mancakup haganup hasejahteraon na gok. Na dua hata on patuduhkon sada pernyataan na gok arti : Naibata do sumber ampa inti ni Damei ai sendiri. Anjaha eirēnēs ai dong janah jumpah ibagas Ia sedo hundarat ni diri-Ni. Aha do na binahenni Naibata sipardamei in? Ia ma napatimbulhon Siparmahan Bolon ni biribiri aima Jesus Kristus humbani na matei. Hata Yunani na ipakei laho patorangkon pambahenan ni Naibata aima anagagōn. Hata on patuduhkon pambahenan na dob salosei janah bersifat tunggal na patorangkon paboa Naibata domma manogu Siparmahan Bolon luar hun hamateian , laho mambuka dalan hu haluahon hubani kuria-Ni.
- Naibata na mambohali/pasirsirhon ampa marhorja ibagas hita… Dong dua hata na gogoh bani ayat 21: mambohali/pasirsirhon (Memperlengkapi) pakon manjadihon (mengerjakan). Hata pasirsirhon bani bahasa Yunani mamakei hata katartizō , namararti pasirsirhon, mambohali, padoskon, paturei na maseda, pasadahon na dob sirang. Ibagas piga-piga dimensi, hata katartizō menurut medis menggambarhon paturei holi-holi na ponggol atap maseda. Manurut panjala patureihon atap padearhon jala na maseda ibagas hasabaron. Manurut militer mambohali tentara na laho marporang. Ibagas padan na baru, Paulus mamakei hata on manggambarhon pambahenan ni Naibata na pasuangkon marhitei holong-Ni.
Nasiam Bapa GKPS na ihaholongi Tuhan,
Goluh ni bapa mungkin lape sempurna, mungkin lape boi songon na i harosuhkon inang sonai age dakdanak. Mungkin piga-piga humbani bapa sedang mangahapkon masalah na borat, ituntut gabe bapa na boi pasirsirhon haganup, gabe bapa na pandei, gabe bapa na totap hadir secara utuh i tongah-tongah ni keluarga. Haganup in boi mambaen masalah baru: pardomuan na boi maseda (retak), hurang ni passarian, gabe tubuh pangahap “bapa na lang marguna”. Ingat hita ma hata Ni Tuhan na ondos hubanta sadarion, sonaha pe situasi na idompakon hita, Tuhan Naibata totap janah torus do marhorja pasirsirhon namadear “panti agathō” (segala yang baik). Ibahen do namadear hubanta marhiteihon Tuhan Yesus Kristus. Hata Yunani na ipakei laho patorangkon pambahenan ni Naibata aima energōn (dalam bentuk present participle: terus menerus bekerja). Hata energōn on mangurupi hita mangarusi paboa horja ni Naibata ibagas goluh ni jolma ihorjahon secara totalitas lang pitah satongah-satongah. On ma nagabe malas ni uhur, hagogohon bani seksi Bapa GKPS ija pe marianan. Paboa Tuhan Naibata totap do marhorja nalaho mansarihon pargoluhanta. Bani haganup perjuanganta bani goluh on, sura-sura ta, Tuhan Naibata totap do marhorja. Lang paturuton Ni, lang tadikonon Ni, tapi totap do isarihon-Ni. Andy Stanley, sahalak pandita ampa penulis hun Amerika, mangkatahon: “Lakukan apa yang bisa Anda lakukan.”Horjahon ma aha na boi ihorjahon ham”. Lalu saya menambahkan dengan istilah yang kerap kita dengar “Lakukan apa yang Anda bisa lakukan, maka dengan cara-Nya, Tuhan akan melakukan bagian-Nya.”
Nasiam bapa na ihaholongi Tuhan,
Teks on iujungi marhitei hata Bani ma hasangapon ronsi sadokah ni dokahni! Amen. Hata Amen, sedo pitah hata pangujungi/panutup songon na gati ipakei hita ibagas tonggo ta. Tapi hata Amen אָמֵן ai gok arti : benar,terpercaya, dan dapat diandalkan. On gabe sada pengakuan haporsayaon paboa Tuhan Naibata totap pasirsirhon janah marhorja ibagas hadirion ta janah gabe hatengeran ni uhur. Allah yang memperlengkapi dan yang bekerja di dalam kita benar adanya, dan Allah selalu dapat diandalkan.
Dingat hita ma paboa Tuhan Naibata domma patimbulhon Siparmahan Bolon biri-biri aima Jesus Kristus humbani na matei. Jadi lang adong situasi na so boi patimbulhon ni Naibata ibagas keluarga mu. Gabe bapa na totap marondos, marhorja ibagas haporsayon janah totap mangkaholongi keluarga. Gabe bapa sitiruon ma itongah-tongah ni keluarga.
Selamat mangidangi itongah-tongah ni keluarga, kuria ampa masyarakat. Tuhan Yesus ma na totop mamasu-masu. Amen.
ᾧ ἡ δόξα εἰς τοὺς αἰῶνας τῶν αἰώνων· ἀμήν.
Bagi Dialah kemuliaan sampai selama-lamanya! Amin.
Bani ma Hasangapon Ronsi Sadokah ni dokahni! Amen
