PA SEKSI BAPA
13 September 2026 (15 Dob Trinitatis)
Nats : 1 Tesalonika 5:12–22
Tema : Bapa na gabe siusihan i tongah Keluarga
Bapa haganupan na ihaholongi Tuhan.
Gabe bapa sedo pitah mararti gabe pencari nafkah. Idilo do bapa gabe pemimpin, sipanjaga, siusihan, sonai ge gabe malim na mangajari pasal Hata Ni Naibata bani keluargani. Halani ai surat on mambere piga-piga pangajaran/prinsip na tang siporlunan bani goluhni sasahalak bapa.
- Maningon boi do bapa membangun relasi/hubungan na dear (ayat 12–13)
Paulus mambere podah ase huria ai menghormati halak na domma bekerja keras janah mambobai sidea ibagas Tuhan. Sahalak bapa idilo do homa gabe pribadi na mambobahon suasana damei janah marsiarganan ibagas rumah. Ulang das holi niombah mambiar mangidah bapani marimbang mangahapkon aman dohor bani bapani.
Bapa ai sedo pirbadi na pitah mambere parentah, tapi pribadi na ‘hadir, manangar, janah gabe siusihan. Sipata niombah lang mamorluhon podah na ganjang, sidea pitah mangarapkon kehadiran bap ani janah marsahap: “Nak, Bapak ada di sini.”
- Bapa ai maningon gabe pribadi na toguh ibagas haporsayaon (ayat 16–18)
Bani ayat on Paulus lang na laho patugahkon bahasa goluh on akan berjalan dengan mudah. Tapi sahalak bapa maningon pataridahkon hubani keluargani sonaha mandompakkon paruntolon pakon parmaraan ai marhiteihon ni haporsayaon.
Sanggah haru kondisi ekonominta, bapa totap ma martonggo.
sanggah adong paruntolon i tongah keluarga, Bapa lang boi menyerah
Sanggah mandompakkon parmasalahan itongahni horin/horja, bapa maningon totap do marhaporsayaon bani Naibata.
Halani niombahta ai marlajar pasal Naibata sedo pitah humbani aha na ihatahon bapani, tapi sonaha bapa ai mangkagoluhkon Tuhan ibagas goluhni.
- Maningon boi do Bapa manjaga keluargani humbani na jahat (ayat 21–22)
Bapa memiliki tanggung jawab laho manjaga keluargani humbani haganupan na sihol pasedahon keluarga ai. Bani jaman sonari on, tantangan ni keluarga lang pitah roh hunbani lingkungan sekitar/Masyarakat, tapi na paling berbahaya aima humbani media sosial, internet pakon pergaulan, pasal materialisme sonai ge buei hal na bertentangan bani hat ani Naibata.
Halani ai porlu do Bapa manungkun hubani dirini sandiri:
Aha do na domma huajarhon/hucontohkon hubani niombahku?”
Anggo sihol do bapa ai mangidah anakni ringgas martonggo, maningon manlobei ma bapa ai pataridahkon goluh sipartonggo.
Anggo sihol do sahalak bapa ase niombahni jujur, bapa maningon manggoluh ma homa ibagas kejujuran ai ulang ibagas ladung.
Anggo sihol do bapa ase niombahni mangkaholongi gareja, maningon ipataridahkon bapa ma homa holong ni hubani Naibata sonai ge hu Gareja.
Penutup
Hita seksi Bapa na ihaholongi Tuhan, Rumah tangga na gogoh ai lang pitah ipajongjong marhiteihonni duit na bahat atappe rumah na banggal. Rumah tangga na gogoh aima na ipajongjong ibagas haporsayaon, holong, tonggo pakon keteladanan, pakon haadonganni sasahalak bapa.
Jadi fokus ni hita bapa sedo pitah manungkun “domma sonaha nani kebutuhanni keluargangku tarsungkupi do?” tapi porlu do homa ipasungkun hita: “ai domma ididah keluargangku Kristus marhiteihonni hajongjonganku i tongah ni keluarga?
Sai saut ma haganupan bapa sintong gabe malim ibagas keluargani, siusihan ibagas haporsayaon sonai ge gabe pasu-pasu bani sinrumah sonai ge niombahni.
“Totap ma martonggo. Mangkatahon tarima kasih pasal haganup.”
Amin.
About the Author
