Renungan Mingguan Seksi Bapa GKPS, Minggu 31 Agustus 2025
Nats : 2 Samuel 23: 1-7
Usul Doding : Haleluya No. 118: 1-2
Thema : Memerintah Dengan Adil
Tujuan : Agar kaum bapa menjadi pemimpin di tengah-tengah keluarga dengan cara memerintah secara adil.
Daud aima sada Raja na ikagumi bangsa Israel pasal hadameion pakon kesejahtraanni bangsani. Masani si Daud termasuk do homani bani masa kejayaanni Israel. Keberhasilanni si Daud on aima halani na iminaki Naibata ia, sedo halani gogohni sandiri tapi halani na iangkat Naibata do ia laho mangomgomi bangsani. Idingat Daud do paboa haluahon na adong bani aima na humbani Naibata (ay. 1). Sadar botul do homani ia bahwa janji pasal ginomparni pe tongdo halani idopni uhurni Naibata (ay. 5).
Bani buku 2 Samuel on ma homani termasuk hatani si Daud sidingaton humbani kapasitasni selaku sada halak sipanggomgomi, naija dingat do ia bani hatani Tuhan Naibata bahwa sada halak siparkuasa maningun do marpambahenan ibagas biar mangidah Jahowa (ay. 3). Hata on termasuk ma homani na gabe pesan terakhir ni si Daud. Anggo somalni sebagai pesan terakhir aima sada hal na prinsipil na gabe inti bani goluhni sasada halak sipentingan. Hal na parlobei sahali isobut si Daud bani pesan terakhirni on aima pangakuanni paboa na marsahap bani aima Tonduy ni Jahowa. Sada pengakuan akan kemahakuasaan pakon otoritasni Jahowa bani goluhni. Banggalo anggo si Daud sebagai sada panggomgomi atap raja do ia, tapi raja pe ia anggo pangakuanni marhitei panggomgomionni Naibata do ia boi manrajai (ay. 2).
Marhitei pengakuan na sonai ai do homani boi ididah hita gabe hagogohon hubani mambere pesan hubani bangsani ase sebagai sada pemimpin maningun do memimpin ibagas biar mangidah Jahowa janah marhitei aima mambahen boi gabe pribadi na mamboan hadamemeion pakon pangarapan bani halak na legan (ay. 4) Pengalamanni si Daud ai sekaligus do pengalaman na ibagihon pasal Naibata na paingathon-Si pasal sonaha ia maningun mambobai bangsani ibagas na pintor/ adil bani sesama janah taat/ tunduk hubani Naibata, aima bagian na melekat bani dirini setiap halak naporsaya, na marjabatan sonai age rayat biasa.
Hita haganupan bapa, sasintongni haganupan do hita pemimpin, sipambobai, minimal mambobai keluarganta atap mambobai dirinta sandiri. Artini, ituntut do hita ase adil bani sikap, pikkiran bani sesama janah tunduk hubani Naibata. On ma dua hal na ipangindo si daud sidalankononni halak na porsaya. Tontu figur sisongon on ma na ibutuhkon itongahni masyarakat pakon bangsanta nuan on. Naija fenomenani na tarjadi gati ai ma na bayak roh bayakni na masombuh roh dorunni. Tontu sada halak na adil, aima sada halak naboi bersikap mambere keseimbangan bani situasi janah naboi mambere hadameion, ronsi patoguhkon hadirionni halak na legan na ibagas gomgomanni. Anggo bapa, boi hubani niombahni, anggo hasoman hubani hasomanni, anggo sanina hubani saninasi, anggo boss bani panghorjaan tontu hubani bawahanni, mambahen terwujud keadilan bani sesama janah ketaatan hubani Naibata songon na ipatangkas bani teksni ambilan on.
Sada hal na gabe padan ni Naibata na ipadas si Daud bani teksni ambilan on hubani halak na sisonai ai aima marsinalsal songon sindar sogod-sogod, songon matani ari na i langit na so marhombun, na mambahen martumbor poyoh-poyon hon tanoh dob salpu udan (ay. 4). On aima simbol kemakmuran, simbol kejayaan janah simbol kesuksesan sonai age kebahagiaan. Ada formula ada hasil na iharapkon bani na manghorjahon harosuh janah parentahni Naibata, sekaligus mambere kebahagiaan hubani sesama. Tapi sebalikni do homa gaya khas Perjanjian Lama ipatugah bani tekni ambilan on, na so mandalanhon keadilan pakon ketaatan ai songon suga-suga naiambukkon do sidea ganup, ihagigihon, sengdo na ra manjamah, bahkan ihindari janah bois mosog bani apuy. Tontu bapa GKPS, na tarpasu-pasuma. Amen, Tuhan memberkati.
Dep. Pembinaan GKPS
