IBADAH HARIAN KELUARGA GKPS
Selasa, 14 Juli 2026
I. Bahasa Simalungun
1. Doding: Haleluya No. 303:1-2
Na pansing na pansing Tuhan parkuasa
Ari on hanami mamuji Naibata
Napansing napansing janah marjumbalang
Sitolu sada na sangap tumang
Na pansing na pansing hotak-Mu i surga
Halak na mapansing manrogop hu Bamu
Haganup malekat sai mamuji Tuhan
Raja na sangap sadokah ni in
2. Tonggo
3. Ayat Harian: 3 Musa 20:26
_“Maningon pansing do hanima Bangku, ai na pansing do Ahu Jahowa, anjaha Ahu do na papulig hanima humbani bangsa-bangsa, ase Ahu simada hanima.”_
4. Renungan: “Ipapulig gabe Naibata Simada hita”
Kuria na hinaholongan ni Tuhan. Gati do hita mangarusi paboa hapansingon pitah pasal larangan: ulang mangkorjahon on, ulang mandalankon ai. Bani 3 Musa on pataridahkon paboa hapansingon bagasan humbani na mambalosi aturan. Naibata marsahap hubani Israel: _“Ahu do papulig hanima humbani bangsa-bangsa, ase Ahu simada hanima.”_ Hapansingon ai ipungkah sedo pasal aha na itadingkon hita, tapi isadari hita ise do simada hita. Bangsa Israel idilo ase manggoluh pulig humbani bangsa-bangsa na inggot sidea halani sidea dob manjalo identitas na pansing. Sidea aima bangsa pinilih ni Naibata. Halani ai, larangan bani panombahan gana-gana ampa parbangkison lang hape pitah tuntutan moral, tapi gabe pandiloon ase manjaga hasatiaon hubani Naibata na dob mamilih ampa mangkaholongi sidea.
Prinsip na sarupa itegaskon bani Padan Nabaru. Apostel Paulus paingatkon kuria Korintus paboa angkula ni halak na porsaya aima rumah ni Tonduy Napansing janah halak na porsaya ai arga do itobus marhitei panobusion ni Kristus (1Kor. 6:19–20). Hapansingon sedo usaha ni jolma laho mandapotkon holong ni Naibata, tapi gabe respon malas ni uhur ampa tarimakasih halani holong ni Naibata dob parlobei paluahkon hita. Hita pansing sedo ase ijalo Naibata hita, tapi halani na dob parlobei do hita ijalo ibagas Kristus. On ma inti ni Ambilan na Madear ai. Kristus papansingkon kuria in ase gabe Ia parsimada sidea. Halani ai, ganup haputusan na ibuat hita, bani pingkian, hata, ampa pambahenan, ningon ma pataridahkon identitas na bayu paboa Naibata do simada hita. Dousa, tarmasuk ma ai hisap-hisap ni pardagingon, sedo pitah manlanggar parentah ni Naibata, tapi gabe parsedahon hubungan na dob dear pakonSi na dob paluahkon hita.
I tongah-tongahni budaya na manganggap hamardekaon mararti mandalankon aha pe harosuhta, hatani Tuhan mangajarkon banta paboa hamardekaon na sintong jumpah hita sanggah manggoluh hita domu hubani tujuan ni si Panompa hita. Gabe Naibata simada hita mararti sedo magouan bani hamardekaonta ai tapi jumpahan bani artini goluh na sasintongni. Halani ai ma, ase nuan boi hita mangarusi paboa hapansingon ai sedo gabe beban na borat tapi ontangan ase mandaihon parsaoran na lambin orod pakon Tuhan Naibata. Sanggah isadari hita paboa goluhta on Kristus do simadasi, ijai ma ondolan na gogoh banta laho manadingkon dousa janah pasangapkon Tuhan bani ganup rumang ni pargoluhanta. Amen.
5. Doding Haleluya No. 471:1-3
Na Pansing, Na Pansing, do ham Naibatanami.
Sigomgom haganup tanoh on, Na Pansing do Ham.
Na Pansing, Na Pansing, do ham Naibatanami.
Ai domma roh hanami Bamu, jalo Ham ganup.
Na Pansing, Na Pansing, do ham Naibatanami.
Sai sasap dousanami ganup, ’se talup Bamu.
6. Tonggo Ham Bapanami
II. Bahasa Indonesia
1. Nyanyian: Kidung Jemaat No. 2:1-2
Suci, suci, suci Tuhan Maha kuasa! Dikau kami puji di pagi yang teduh.
Suci, suci, suci, murah dan perkasa, Allah Tritunggal, agung namaMu!
Suci, suci, suci! Kaum kudus tersungkur di depan takhtaMu memb’ri mahkotanya
Segenap malaikat sujud menyembahMu, Tuhan, Yang Ada s’lama-lamanya.
2. Doa
3. Ayat Harian: Imamat 20:26
_”Kuduslah kamu bagi-Ku, sebab Aku ini, TUHAN, kudus dan Aku telah memisahkan kamu dari bangsa-bangsa lain, supaya kamu menjadi milik-Ku.”_
4. Renungan: “Dipisahkan menjadi Milik Allah”
Jemaat yang terkasih di dalam Tuhan. Sering kita beranggapan bahwa kekudusan hanya berisi larangan: jangan melakukan ini, jangan melakukan itu. Namun, Imamat 20 menunjukkan bahwa kekudusan jauh lebih dalam daripada sekadar menaati aturan. Allah berkata kepada Israel, _”Aku telah memisahkan kamu dari bangsa-bangsa supaya kamu menjadi milik-Ku.”_ Kekudusan dimulai bukan dengan apa yang kita tinggalkan, melainkan menyadari kita ini milik siapa. Bangsa Israel dipanggil untuk hidup berbeda dari bangsa-bangsa di sekitarnya karena mereka memiliki identitas yang berbeda. Mereka adalah umat perjanjian Allah. Karena itu, larangan terhadap penyembahan berhala dan percabulan bukan sekadar tuntutan moral, tetapi merupakan panggilan untuk menjaga kesetiaan kepada Allah yang telah memilih dan mengasihi mereka.
Prinsip yang sama ditegaskan dalam Perjanjian Baru. Rasul Paulus mengingatkan jemaat Korintus bahwa tubuh orang percaya adalah bait Roh Kudus dan bahwa mereka telah dibeli dengan harga yang mahal melalui pengorbanan Kristus (1Kor. 6:19–20). Kekudusan bukanlah usaha manusia untuk memperoleh kasih Allah, melainkan respons syukur karena kasih Allah telah lebih dahulu menyelamatkan kita. Kita hidup kudus bukan supaya diterima oleh Allah, tetapi karena kita sudah diterima di dalam Kristus. Inilah inti Injil. Kristus menguduskan umat-Nya agar mereka menjadi milik Allah. Oleh karena itu, setiap keputusan yang kita ambil, baik dalam pikiran, perkataan, maupun tindakan, seharusnya mencerminkan identitas baru kita sebagai milik Allah. Dosa, termasuk dosa seksual, bukan hanya melanggar perintah Allah, tetapi juga merusak persekutuan yang indah dengan Dia yang telah menebus kita.
Di tengah budaya yang menganggap kebebasan berarti melakukan apa saja yang diinginkan, firman Tuhan mengajarkan bahwa kebebasan sejati ditemukan ketika kita hidup sesuai dengan tujuan Pencipta kita. Menjadi milik Allah bukanlah kehilangan kebebasan, melainkan menemukan makna hidup yang sesungguhnya. Hari ini, marilah kita mengingat bahwa kekudusan bukanlah beban yang berat, tetapi undangan untuk menikmati persekutuan yang semakin erat dengan Allah. Ketika kita menyadari bahwa hidup kita adalah milik Kristus, kita akan memiliki alasan yang kuat untuk meninggalkan dosa dan memuliakan Dia dalam seluruh aspek kehidupan kita. Amin.
5. Nyanyian: Kidung Jemaat No. 36:1-2
Dihapuskan dosaku hanya oleh darah Yesus;
aku pulih dan sembuh hanya oleh darah Yesus.
O, darah Tuhanku, sumber pembasuhku!
Sucilah hidupku hanya oleh darah Yesus.
Pengampunan dosaku hanya oleh darah Yesus;
Penyucian hidupku hanya oleh darah Yesus.
O, darah Tuhanku, sumber pembasuhku!
Sucilah hidupku hanya oleh darah Yesus.
6. Doa Bapa kami
_KANTOR SINODE GKPS_
About the Author
