Ibadah Harian Keluarga, Sabtu 10 Januari 2026

Hita ganupan nahinarga ibagas Tuhanta Yesus Kristus,

Bani pargoluhanta siganup ari, terutama bani parhorjaan, parsingkolahan, lingkungan sosial, bahkan lingkungan keluarga, gati do hita iperhadaphon bani godaan laho mangihut bani arus ni dunia na ihagigihon ni Naibata. Tapi marhitei idop ni uhur-Ni Naibata, ipaluah do hita, anjaha in ma na manubuhkon pangarapan pakon hagogohan banta laho manggoluh ibagas hasintongan. Iarahkon do homa hita ase itadingkon hita hagolapan anjaha manggoluh gabe sinondang ma homa mambobanhon na madear pakon hadameion.

Naibata manghaholongi ganup jadi-jadian-Ni termasuk ma dunia on sedo pitah halani na dob ijadihon Naibata haganupan ai ibagas na madear, tapi halani holong-Ni hubani haganupan jolma, hubani ham pakon au, age ibagas ganup hahuranganta pakon hagalekonta bani masa lalu na lang madear  na ongga ibahen hita. Holong ni Naibata ai sedo sebagai reaksi bani habujuron na dob ibahen hita, tapi pitah halani idop uhurni Naibata. Age pe hita ibagas dosa, tapi Tuhanta in totap do memilih manghaholongi hita tanpa syarat.

Hita ganupan, hunja do boi ididah hita Bahasa Naibata tongon-tongon mangkaholongi hita? Silang  aima gabe bukti bahasa holong ni Naibata lang singgan hata-hata dassa. Gariada ibere-Ni do anak-Ni na sasada in laho parhiteianni paluahkon hita jolma humbani gomgoman ni dousanta. Artini, das tumang do argani ham pakon au ilobeini Naibata. Jadi, anggo iahapkon hita bahasa lang layak hita ilobeini Naibata halani bahatni dousa na ihorjahon hita, dingat hita ma, holongni Naibata ai lang itontuhon marhitei prestasi na ibahen hita, tapi halani sura-sura ampa keputusan-Ni laho mangkaholongi hita. Ham pakon au sedo pitah bagian humbani “dunia”, tapi hita do na gabe alasanni Naibata roh hu dunia on.  Hita ganupan, Na gabe sungkun-sungkun banta, domma nani tongon-tongon ahu menyadari sonai ma banggal ni holong-Ni Naibata bani goluhku? Anjaha domma nani sadarion au manggoluh sebagai sahalak na mambotoh bahasa banggal tumang do holong ni Naibata hubangku? Mari berefleksi anjaha manruji-ruji bani holong na dob ibere Naibata hubanta, anggo siparbagianan do hita bani holong-Ni Naibata, ulang ma soh ibanta holong in, tapi pataridahkon hita ma in marhitei pargoluhanta siganup ari, hubani haganupan jolma tanpa padang bulu, jabatan, sosial pnl. Amen.

Dalam kehidupan sehari-hari, terutama di pekerjaan, di sekolah, di masyarakat bahkan didalam keluarga, kita sering dihadapkan pada godaan untuk mengikuti arus kehidupan yang tidak benar dan tidak sesuai dengan ajaran Tuhan. Namun, kasih Allah yang telah menyelamatkan kita, telah memberikan pengharapan dan kekuatan untuk hidup dalam kebenaran. Kita diajak untuk tidak tinggal dalam kegelapan, tetapi untuk hidup dalam terang yang membawa kita pada kebaikan dan kedamaian hati. Tuhan mencintai dan mengasihi segala ciptaan-Nya bukan sekedar karena semuanya telah diciptakan, melainkan karena kasih Allah kepada manusia, bagi kamu dan saya, sekalipun kita dalam kekurangan, kelemahan, masa lalu yang tidak baik yang pernah kita lakukan.

Kasih Tuhan juga bukan semata-mata sebagai reaksi akan kebaikan yang pernah kita lakukan, tetapi hanya karena kasih karunia Tuhan saja. Walaupun kita didalam dosa, tapi Tuhan memilih untuk mengasihi kita yang berdosa ini tanpa adanya syarat. Darimanakah kita dapat melihat bahwa Tuhan Allah itu benar mengasihi kita? “SALIB”, adalah bukti bahwa kasih Tuhan Allah itu benar adanya tidak hanya perkataan saja. Bahkan diberikan-Nya lah anak-Nya yang Tunggal, Tuhan kita Yesus Kristus sebagai media memperbaiki kembali hubungan Tuhan Allah dengan manusia yang sempat rusak karena dosa manusia. Artinya ialah begitu besarnya berharganya lah kita dihadapan-Nya.

Kalau kita merasa bahwa kita tidak layak dihadapan-Nya karena banyaknya dosa kita, mari kita mengingat bahwa kasih Allah bukan ditentukan oleh prestasi yang kita dapat, tapi semata-mata hanya karena Allah memiliki keinginan untuk mengasihi dan memutuskan untuk mengampuni. Kita bukan hanya sekedar bagian dari dunia ini, tapi kita adalah alasan Tuhan Allah datang ke dunia. Yang menjadi pertanyaan bagi kita, apakah kita benar menyadari besarnya kasih Allah dalam hidup ini? Dan, apakah hidupku hari ini sebagai seorang yang sudah tahu bahwa sangat besarlah kasih Tuhan Allah kepadaku? Mari berefleksi dan mengingat-ingat kembali kepada kasih yang sudah diberikan Tuhan Allah bagi kita. Jika kita mneyadari bahwa kita sudah menerima kasih Allah, maka jangan biarkan kasih itu hanya berhenti di diri kita sendiri, tapi perlihatkanlah kasih itu dalam kehidupan kita sehari-hari tanpa melihat siapa orangnya, jabatannya, status sosialnya, dll. Amen.